இம்ரான் வெளியிட்ட புதிய வரைபடம்: இந்தியா கடும் கண்டனம்

by **ayyasamy ram** Wed Aug 05, 2020 6:56 am

புதுடில்லி:

ஜம்மு-காஷ்மீர், குஜராத்தின் ஜூனாகத் உள்ளிட்ட
பகுதிகளை இணைத்து பாக். பிரதமர் வெளியிட்ட புதிய
வரைபடத்திற்கு இந்தியா கடும் கண்டனம் தெரிவித்துள்ளது.

பாக். பிரதமரும், மாஜி கிரிக்கெட் கேப்டனுமான
இம்ரான் கான் தலைமையில் நேற்று பாக். அமைச்சரவை
கூட்டம் நடந்தது. இதில் சர்ச்சைக்குரிய பாக். ஆக்கிரமிப்பு
காஷ்மீர் பகுதி மற்றும் குஜராத்தின் ஜூனாகத் ஆகிய பகுதியை
இணைத்து புதிய வரைபடத்திற்கு பாக். அமைச்சரவை
அளித்துள்ளது.

இந்த புதிய வரைபடத்திற்கு இந்தியா கடும் கண்டனம்
தெரிவித்துள்ளது, இது தொடர்பாக மத்திய வெளியுறவுத்
துறை அமைச்சகம் வெளியிட்டுள்ள அறிக்கையில்,

" ஜம்மு -காஷ்மீர் மற்றும் குஜராத் மாநில எல்லைப்
பகுதிகளை இணைத்து, புதிய வரைபடத்தை வெளியிட்டுள்ள
பாகிஸ்தான் பிரதமர் இம்ரான் கானின் செயல் ஏற்கத்தக்கதல்ல.

பாகிஸ்தானின் அபத்தமான இந்த நடவடிக்கை சட்டபடி
செல்லாது, பாக்.கின் புதிய வரைபடம் எல்லைத்தாண்டிய
பயங்கரவாதத்தை ஊக்குவித்து வருவதையே உலகிற்கு
உணர்த்துகிறது.

இவ்வாறு அந்த அறிக்கையில் தெரிவிக்கப்பட்டுள்ளது.

தினமலர்