ஒப்பந்தம் ரத்து: ரயில்வே மீது சீனா வழக்கு

by **ayyasamy ram** Sun Jul 19, 2020 9:51 am

புதுடில்லி;
சீன நிறுவனத்துடன் மேற்கொண்ட ஒப்பந்தத்தை, ரயில்வே துறை
ரத்து செய்ததை அடுத்து, சீன நிறுவனம் வழக்கு தொடர்ந்துள்ளது.
உத்தர பிரதேச மாநிலத்தில், 400 கி.மீ., துாரத்துக்கு பிரத்யேக
சரக்கு ரயில் பாதை அமைக்கும் திட்டத்தை செயல்படுத்த,
ரயில்வே நிர்வாகம் முடிவு செய்தது.

இதற்காக, சீனாவைச் சேர்ந்த, பீஜிங் தேசிய ரயில்வே ஆய்வு மற்றும்
வடிவமைப்பு பயிற்சி மையத்துடன், ரயில்வே ஒப்பந்தம் மேற்கொண்டது.
இதன்படி, இந்த பிரத்யேக வழித்தடத்தில் சிக்னல் மற்றும் தொலை
தொடர்பு வசதிகளை நிறைவேற்றித் தருவது, சீன நிறுவனத்தின்
பொறுப்பில் விடப்பட்டது.

இந்த ஒப்பந்தத்தின் மதிப்பு, 471 கோடி ரூபாய்.

இந்நிலையில், சீன நிறுவனம் குறிப்பிட்ட காலத்துக்குள் பணியை
நிறைவேற்றவில்லை என கூறி, அந்த நிறுவனத்துடன் மேற்கொண்ட
ஒப்பந்தத்தை, ரயில்வே நிர்வாகம், சமீபத்தில் ரத்து செய்தது.

இதையடுத்து, விதிமுறைகளை பின்பற்றாமல் ஒப்பந்தம் ரத்து
செய்யப்பட்டதாக கூறி, ரயில்வே நிர்வாகத்துக்கு எதிராக, டில்லி உயர்
நீதிமன்றத்தில், சீன நிறுவனம் வழக்கு தொடர்ந்துஉள்ளது.

தினமலர்