அத்வானி, ஜோஷிக்கு அரசு பங்களா ஏன்?

புதுடில்லி
: 'பாபர் மசூதி இடிப்பு வழக்கில் சம்பந்தப்பட்டுள்ள,
அத்வானி மற்றும் ஜோஷிக்கு, பாதுகாப்பு அச்சுறுத்தல்
உள்ளதால், அவர்களுக்கு அரசு பங்களா
ஒதுக்கப்பட்டுள்ளது' என, பா.ஜ., தரப்பில் விளக்கம்
அளிக்கப்பட்டுள்ளது.

எஸ்.பி.ஜி., எனப்படும், சிறப்பு பாதுகாப்பு படையினரின்
பாதுகாப்பு, யாருக்கு கொடுக்கப்பட்டுள்ளதோ, அவர்களுக்கு
மட்டும் அரசு பங்களா ஒதுக்கப்படும்.

அடுத்து, பிரதமர் மற்றும் முன்னாள் பிரதமர்களுக்கு, எஸ்.பி.ஜி.,
பாதுகாப்பு அளிக்கப்படுகிறது.

சமீபத்தில் சோனியா, ராகுல், பிரியங்காவிற்கு, இந்த பாதுகாப்பு
விலக்கப்பட்டு, துணை ராணுவ பாதுகாப்பு அளிக்கப்பட்டது.
'பிரியங்கா, எம்.பி., பதவியில் இல்லை; மேலும், அவருக்கு, எஸ்.பி.ஜி.,
பாதுகாப்பும் விலக்கப்பட்டதால், அரசு பங்களா கிடையாது' என,
மத்திய அரசு கூறியது.

இந்நிலையில், 'முன்னாள் மத்திய அமைச்சர் முரளி மனோகர்
ஜோஷி, ௨௦௨௨, ஜூன் வரை, அரசு பங்களாவில் வசிக்கலாம்;
அதே நேரம், முன்னாள் துணை பிரதமர் அத்வானி, ஆயுட்காலம்
முழுவதும் அரசு பங்களாவில் வசிக்கலாம்' என, மத்திய அரசு
ஒரு உத்தரவு பிறப்பித்திருந்தது.

இதையடுத்து, 'ஒரு பக்கம் பிரியங்காவை, அரசு பங்களாவை காலி
செய்யச் சொன்ன மோடி அரசு, எஸ்.பி.ஜி., பாதுகாப்பில் இல்லாத,
பா.ஜ., மூத்த தலைவர்கள் அத்வானி, முரளி மனோகருக்கு மட்டும்
அரசு பங்களாக்களை ஒதுக்கியது ஏன்' என, காங்., தலைவர்கள்
சிலர் கேள்வி எழுப்பினர்.

இந்நிலையில், 'அத்வானி, ஜோஷி இருவருமே, சர்ச்சைக்குரிய பாபர்
மசூதி இடிக்கப்பட்ட வழக்கில் குற்றவாளியாக சேர்க்கப்பட்டுள்ளனர்;
அவர்களின் பாதுகாப்புக்கு அச்சுறுத்தல் உள்ளது; அதனால்தான் அரசு
பங்களா ஒதுக்கப்பட்டுள்ளது' என, பா.ஜ., தரப்பில் விளக்கம்
அளிக்கப்பட்டுள்ளது.
-
--------------------------------
தினமலர்

இத்தனை நாள் இவனுங்களுக்கு மூளை வேலை செய்யலையா ?! பிரியங்காவுக்கு இப்பவும் கொடுந்திருந்தா வாயை மூடிகிட்டு இருப்பானுங்க போல கிரேசி காங்கிரஸ் கய்ஸ்