மூன்று தேவாலயங்கள் மீது தீக்குண்டுகள் வீசப்பட்டன

by **சிவா** Fri Jan 08, 2010 4:30 pm

தேவாலயம் ஒன்றின் மீது தீக்குண்டுகள் வீசப்பட்டுள்ளன. அந்தத் தாக்குதலில் அதன் கீழ் தளம் தீக்கிரையானது. முஸ்லிம் அல்லாதார் “அல்லாஹ்” என்ற வார்த்தையைப் பயன்படுத்துவது மீதான சர்ச்சை விரிவடைந்து வருகிறது.

கிள்ளான் பள்ளத்தாக்கில் கடந்த 12 மணி நேரத்தில் மேலும் இரண்டு தேவாலயங்கள் மீது தாக்குதல் நடத்தப்பட்டுள்ளதாக நம்பப்படுகிறது. பெட்டாலிங் ஜெயா ஜாலான் டெம்பளரில் உள்ள அஷம்ப்சன் தேவாலயம், பெட்டாலிங் ஜெயா செக்சன் 17ல் உள்ள லைப் சாப்பல் ஆகியவை அந்த இரண்டுமாகும்.

“கடவுள்” என்ற சொல்லுக்கு மொழி பெயர்ப்பாக கிறிஸ்துவர்கள் அந்த வார்த்தையைப் பயன்படுத்துவது மீது சினமடைந்துள்ள முஸ்லிம் அமைப்புக்கள் நாடு முழுவதும் ஆர்ப்பாட்டங்களை நடத்தத் திட்டமிட்டுள்ளதற்கு முன்னதாக அந்த தாக்குதல் நடைபெற்றுள்ளது.

சமய வழிபாட்டுக் கட்டிடங்களுக்கு நெருப்பு வைக்கப்படாலம் என்ற அச்சத்தைத் தொடர்ந்து எல்லா தீயணைப்பு நிலையங்களும் விழிப்பு நிலையில் வைக்கப்பட்டுள்ளதாக தீயணைப்பு மீட்புத் துறை அதிகாரி ஒருவர் கூறினார்.

கோலாலம்பூர் தேசா மெலாவத்தியில் அமைந்துள்ள அந்த மூன்று மாடி மெட்ட்ரோ டாபெர்னக்கல் தேவாலயத்தின் நேற்று நள்ளிரவு வாக்கில் மேற்கொள்ளப்பட்ட தாக்குதலில் தீக்கிரையானதாக தேவாலயத் தலைவர் 62 வயது பீட்டர் இயாவ் கூறினார்.

நான்கு பேர் ஜன்னல் கண்ணாடிகளை உடைத்து தேவாலயக் கட்டிடத்திற்குள் தீக்குண்டுகளை வீசியதாக சம்பவத்தை நேரில் பார்த்தவர்கள் கூறினர்.

அந்தச் சம்பவத்தில் உயிருடற்சேதம் ஏதும் இல்லை. அந்தத் தேவாலயத்தில் வாரம் தோறும் வழிபாட்டுக்காக 1,500 பேர் கூடுவர்.

by **சிவா** Fri Jan 08, 2010 4:31 pm

மூன்று தேவாலயங்கள் மீது தீக்குண்டுகள் வீசப்பட்டன Church3

“நெருப்பில் தேவாலயத்தின் நிர்வாகப் பகுதி அழிந்து விட்டது. மூன்றாவது மாடியில் உள்ள வழிபாட்டி மண்டபம் சேதமடைந்ததா என்பது தெரியவில்லை,” என்று அவர் தெரிவித்தார். எத்தகைய தாக்குதல்களுக்கும் எதிராக தங்களது விழிப்பு நிலையை இரட்டிப்பாக்குமாறும் அவர் மற்ற தேவாலயங்களைக் கேட்டுக் கொண்டார்.

இதனிடையே அந்தச் சம்பவத்தை விசாரிப்பதில் தடயவியல் நிபுணர்கள் போலீசாருடனும் மோப்ப நாய் பிரிவுடனும் இணைந்து செயல்படுவதாக தீயணைப்பு பணிகளுக்கு பொறுப்பேற்றிருந்த அனுவார் ஹரூன் கூறினார்.

அந்தச் சம்பவம் தீ வைப்பு சம்பவமா என்று விணவப்பட்ட போது அவர், “நாங்கள் தீப்பற்றிக் கொண்டதற்கான காரணத்தை ஆராய்ந்து வருகிறோம். நங்கள் மேலும் விவரங்களைத் தர முடியாது. அந்த விஷயம் உணர்ச்சிகரமானது,” என்று கூறினார்.

“சமய கட்டிடங்களில் ஏற்படக்கூடிய அத்தகைய தீச்சம்பவங்கள் மீது விழிப்புடன் இருக்குமாறு நாங்கள் அனைத்து தீயணைப்பு நிலையங்களுக்கும் ஆணையிட்டுள்ளோம்,” என்று அவர் ஏஎப்பி செய்தி நிறுவனத்திடம் கூறினார்.

இதனிடையே சம்பவம் நடந்த இடத்தில் ஒரு ஸ்பானரையும் மண்ணெண்ணெய் கொள்கலனையும் இரண்டு எரிந்து போன தலைக்கவசங்களையும் போலீசார் கண்டு பிடித்ததாக கோலாலம்பூர் போலீஸ் படைத்தலைவர் சப்து ஒஸ்மான் கூறினார்.

குற்றவியல் சட்டத்தின் 436வது பிரிவின் கீழ் அந்த சம்பவத்தைப் போலீசார் விசாரிப்பதாகவும் அவர் சொன்னார். குற்றவாளிக்கு 20 ஆண்டுகள் வரை சிறைத் தண்டனை, அபராதம் விதிக்கப்படுவதற்கு அது வகை செய்கிறது.

by **சிவா** Fri Jan 08, 2010 4:32 pm

மூன்று தேவாலயங்கள் மீது தீக்குண்டுகள் வீசப்பட்டன Church4

இதனிடையே அசுந்தா மருத்துவமனைக்கு அருகில் உள்ள அஷம்ப்சன் தேவாலயம் இன்று காலை 4 மணி அளவில் தாக்குதலுக்கு இலக்கானதாக நம்பப்படுகிறது.

அந்த கத்தோலிக்க தேவாலயத்திற்குள் தீக்குண்டுகள் வீசப்பட்டன. ஆனால் அவை வெடிக்கவில்லை தேவாலய அதிகாரிகள் கூறினர்.

பெட்டாலின் ஜெயா செக்சன் 17ல் உள்ள மூன்றாவது தேவாலயமும் நேற்றிரவு தாக்குதலுக்கு இலக்கானது. அந்தத் தேவாலயத்தின் வெளிப்பகுதிக் கட்டிடத்திற்கு அதனால் சிறிதளவு சேதம் ஏற்பட்டது.

கத்தோலிக்க வார சஞ்சிகையான தி ஹெரால்ட் தனது மலாய் மொழிப் பதிப்பில் “கடவுள்” என்பதற்கு மொழிபெயர்ப்பாக “அல்லாஹ்” என்ற சொல்லைப் பயன்படுத்துவதற்கு உயர் நீதிமன்றம் கடந்த வாரம் அனுமதித்தது. அந்த சொல்லை முஸ்லிம்கள் மட்டுமே பயன்படுத்தலாம் என்று அரசாங்கம் கூறுகிறது.

மலேசிய மக்கள் தொகையில் முஸ்லிம் மலாய்க்காரர்கள் 60 விழுக்காட்டினராக இருக்கும் பல இன மலேசியாவில் அந்த முடிவு இனப்பூசலை ஏற்படுத்தக் கூடும் என்று அரசாங்கம் வாதாடிய பின்னர் அந்தத் தீர்ப்பு நிறுத்தி வைக்கப்பட்டது. அந்தத் தீர்ப்புக்கு எதிராக அரசாங்கம் மேல் முறையீடு செய்து கொண்டுள்ளது.

மலேசிய கத்தோலிக்கர்களில் பாதிக்கும் மேற்பட்டவர்கள் சபா, சரவாக் மாநிலங்களில் வசிக்கும் பழங்குடி மக்கள் ஆவர். அவர்கள் பெரும்பாலும் பாஹாசா மலேசியாவைப் பேசுகின்றனர்.

ஏஎப்பி

மூன்று தேவாலயங்கள் மீது தீக்குண்டுகள் வீசப்பட்டன Church6

மூன்று தேவாலயங்கள் மீது தீக்குண்டுகள் வீசப்பட்டன Church6

by Sponsored content

மூன்று தேவாலயங்கள் மீது தீக்குண்டுகள் வீசப்பட்டன

மூன்று தேவாலயங்கள் மீது தீக்குண்டுகள் வீசப்பட்டன

Re: மூன்று தேவாலயங்கள் மீது தீக்குண்டுகள் வீசப்பட்டன

Re: மூன்று தேவாலயங்கள் மீது தீக்குண்டுகள் வீசப்பட்டன

Re: மூன்று தேவாலயங்கள் மீது தீக்குண்டுகள் வீசப்பட்டன