கொரோனாவுக்கு சிகிச்சை அளிக்க ஃபேவிஃபிராவிர் மருந்துக்கு இந்திய மருந்து கட்டுப்பாட்டு ஆணையம் ஒப்புதல்;

மும்பை :
கொரோனா பாதித்த நோயாளிகளுக்கு சிகிச்சை அளிக்கக்
கூடிய ஃபேவிஃபிராவிர் என்ற மாத்திரையை மும்பையை
சேர்ந்த கிளென்மார்க் பாராமெடிக்கல்ஸ் நிறுவனம் கண்டு
பிடித்துள்ளது.

*லேசான மற்றும் மிதமான கோவிட் பாதிப்புள்ளவர்களிடத்தில்
இந்த மருந்தை கொடுத்து பார்த்ததில் 88 சதவிகிதம் வரை வெற்றி
கிடைத்துள்ளது.

*இது வாய் வழியாக கொடுக்கப்படும் மருந்து. இதனால், நரம்புகள்
வழியாக கொடுக்கப்படும் சிகிச்சையை காட்டிலும் எளிதானதாக
இருக்கும்.

*கொரோனாவுக்கு சிகிச்சை அளிக்கும் ஃபேவிஃபிராவிர் மருந்துக்கான
உற்பத்தி மற்றும் விற்பனைக்கான அனுமதியை இந்திய மருந்து
கட்டுப்பாட்டு ஆணையம் (Drugs Controller General of India
(DCGI).நேற்று வழங்கியுள்ளது.

*இந்த மருந்துக்கு 'அவசரகால பயன்பாடு ' என்பதன் கீழ் ஒப்புதல்
அளிக்கப்பட்டுள்ளது.ஃபேபி ப்ளு என்ற பிராண்டின் கீழ் ஃபேவிஃபிராவிர்
என்ற மாத்திரையை கொரோனா நோயாளிகளுக்கு கொடுக்க DCGI
அனுமதி அளித்துள்ளது

*இதன்படி, ஃபேவிபிராவீர் (ஃபேவிபுளூ) என்ற பெயரிலான மாத்திரை
இன்று மாலை முதல் இந்தியாவில் விற்பனை செய்யப்பட கூடும் என
கூறப்படுகிறது. இந்த மாத்திரை ஒன்றின் விலை ரூ. 103 ஆகும்.

*இந்த மாத்திரை மருத்துவமனைகள் மற்றும் மருந்து கடைகளில்
கிடைக்கும். மருந்து சீட்டில் டாக்டர் எழுதி தந்த பின்னரே இந்த மாத்திரை
தேவையானவர்களுக்கு விற்க அனுமதிக்கப்படும்.

*நோயாளிகளின் முழு ஒப்புதலை கையொப்பம் வாயிலாக பெற்ற பிறகே,
அவர்களுக்கு இந்த மருந்து வழங்கப்படும்.

ஃபேவிஃபிராவிர் மருந்தின் சிறப்பு அம்சங்கள்!!

*முதல் நாள் மட்டும் நோயாளிகள் 1800 மி.கி. மாத்திரை இரு வேளை எடுத்துக்
கொள்ள வேண்டும்.

*அடுத்த 13 நாள்களுக்கு தினமும் 800 மி.கி மாத்திரை இரண்டு எடுத்துக்
கொண்டால் போதுமானது.

*ஃபேவிஃபிராவிர் மாத்திரையை சர்க்கரை நோய், ஹைபர்டென்ஷன் உள்ள
கோவிட் நோயாளிகளுக்கும் கொடுக்கலாம்.

*கொரோனா முற்றியுள்ள நோயாளிகளுக்கு ஃபேவிஃபிராவிர் மற்றும்
யூமிஃபெனோவிர் என்ற இரு மருந்துகளை பயன்படுத்தி மருந்து கண்டு
பிடிக்கும் முயற்சியிலும் இந்த நிறுவனம் ஈடுபட்டு வருகிறது.

*ஜப்பானின் ஃபியூஜிஃபிலிம்ஸ் ஹோல்டிங் நிறுவனமும் அவிகான் என்ற
பிராண்ட் பெயரில் ஃபேபிஃபிராவிர் மருந்தை தயாரிக்க ஒப்பந்தம்
செய்துள்ளது.
-
---------------------தினகரன்