அரபிக் கடலில் இன்று உருவாகிறது நிசர்கா புயல்- மகாராஷ்டிரா, குஜராத், கோவாவில் கனமழை எச்சரிக்கை

-
புதுடெல்லி:
-

இன்று உருவாக உள்ள புயலுக்கு நிசர்கா பெயரிடப்பட்டுள்ளது.

அரபிக்கடலில் உருவாகி உள்ள காற்றழுத்த தாழ்வு மண்டலம்
இன்று பிற்பகலுக்குள் ஆழ்ந்த காற்றழுத்த தாழ்வுமண்டலமாகி
பின்னர் புயலாக மாற வாய்ப்பு உள்ளதாக இந்திய வானிலை
ஆய்வு மையம் தெரிவித்துள்ளது.

இன்று உருவாக உள்ள புயலுக்கு நிசர்கா பெயரிடப்பட்டுள்ளது.

நிசர்கா புயல் வடக்கு-வடமேற்கு திசையில் நகர்ந்து நாளை
பிற்பகல் மகாராஷ்டிராவின் ஹரிஹரேஸ்வர்-டாமன் இடையே
கரையை கடக்கும் என்றும் வானிலை ஆய்வு மையம் கூறி
உள்ளது.

நிசர்கா புயல் காரணமாக, மேற்கு இந்திய பகுதிகள், குறிப்பாக
மகாராஷ்டிராவின் சில பகுதிகள் (மும்பை, பால்கர், தானே,
ராய்காட்), கோவா மற்றும் குஜராத் மாநிலங்களில் மணிக்கு
115 கி.மீ வேகத்தில் காற்று வீசக்கூடும்.

அடுத்த இரண்டு நாட்களுக்கு கன மழை பெய்யக்கூடும் என்றும்
இந்திய வானிலை ஆய்வு மையம் கூறியிருக்கிறது. மும்பைக்கு
ரெட் அலர்ட் எச்சரிக்கை விடுக்கப்பட்டுள்ளது.

இன்று பிற்பகலுக்கு பிறகு கிழக்கு-மத்திய அரபிக்கடல் மிகவும்
கொந்தளிப்பாக காணப்படும். அடுத்த 24 மணி நேரத்திற்கு
தென்கிழக்கு அரபிக் கடல், லட்சத்தீவு பகுதி மற்றும் கேரள
கடற்கரை பகுதிகளில் மீனவர்கள் மீன்பிடிக்க செல்ல வேண்டாம்
என அறிவுறுத்தப்பட்டுள்ளனர்.

இதேபோல் கிழக்கு-மத்திய மற்றும் வடகிழக்கு அரபிக் கடல்
மற்றும் கர்நாடகா, கோவா, மகாராஷ்டிரா, தெற்கு குஜராத்
கடற்பகுதிகளுக்கு ஜூன் 3 வரை மீனவர்கள் செல்லவேண்டாம்
என அறிவுறுத்தப்பட்டுள்ளனர்.
-
---------------------
மாலைமலர்

இன்று பகல் கரையை கடக்கிறது 'நிசர்கா': 138 ஆண்டுக்கு பின் மும்பையை தாக்கும் புயல்
-

மும்பை :
'தென் மேற்கு அரபிக் கடலில் உருவாகியுள்ள 'நிசர்கா' புயல் இன்று பகல்
மஹாராஷ்டிரா மற்றும் குஜாராத் இடையே கரையை கடக்கும்' என
வானிலை ஆய்வு மையம் தெரிவித்துள்ளது.

1882ம்ஆண்டுக்கு பின் மஹாராஷ்டிரா தலைநகர் மும்பையை புயல் தாக்க
உள்ளது.தென் மேற்கு பருவமழை நேற்று முன்தினம் துவங்கியது.

இந்தநிலையில் தென்கிழக்கு மற்றும் மத்திய அரபிக்கடல் பகுதி மற்றும்
அதையொட்டியுள்ள லட்சத்தீவு பகுதிகளில் காற்றழுத்தத் தாழ்வுப் பகுதி
உருவானது.இது புயலாக வலுப்பெற்று வடக்கு வடமேற்கு திசையில்
11 கிலோ மீட்டர் வேகத்தில் நகர்ந்து வருகிறது.

'நிசர்கா' என
பெயரிடப்பட்டுள்ள இந்தப் புயல் இன்று பகல் மகாராஷ்டிரா
மற்றும் குஜாராத் இடையே கரையை கடக்கும் என வானிலை ஆய்வு
மையம் தெரிவித்துள்ளது.

இதன் காரணமாக மஹாராஷ்டிராவின் மும்பை பால்கர் தானே ராய்காட்
ஆகிய பகுதிகளிலும் கோவா மற்றும் குஜராத் மாநிலங்களிலும் மணிக்கு
115 கிலோ மீட்டர் வேகத்தில் பலத்த காற்று வீசும் எனவும் அடுத்த இரண்டு
நாட்களுக்கு கன மழை பெய்யும் எனவும் வானிலை ஆய்வு மையம்
தெரிவித்துள்ளது.

குறிப்பாக மும்பைக்கு 'ரெட் அலர்ட்' எச்சரிக்கை விடுக்கப்பட்டுள்ளது
.மஹாராஷ்டிரா மற்றும் குஜராத் மாநிலங்களில் 'நிசர்கா' புயலை எதிர்
கொள்ள தேவையான பாதுகாப்பு மற்றும் முன்னெச்சரிக்கை நடவடிக்கை
முடுக்கி விடப்படுள்ளது.

ஏற்கவே கொரோனா தொற்றால் நிலைகுலைந்துள்ள மும்பையை இன்று
புயல் தாக்க உள்ளதால் முன்னெச்சரிக்கை நடவடிக்கைகள்
துரிதப்படுத்தப்பட்டுள்ளன.கடந்த 1882ம் ஆண்டுக்குப் பின் மஹாராஷ்டிரா
தலைநகர் மும்பையை புயல் தாக்க உள்ளது என்பது குறிப்பிடத்தக்கது.

பிரதமர் நரேந்திர மோடி புயல் முன்னெச்சரிக்கை நடவடிக்கைகள் பற்றி
மஹாராஷ்டிரா மற்றும் குஜராத் மாநில முதல்வர்களுடன் நேற்று பேசினார்.
அவர் 'டுவிட்டரில்' வெளியிட்ட பதிவில் 'இந்தியாவின் மேற்கு கடற்பகுதியில்
உருவாகியுள்ள புயலால் ஏற்பட்டுள்ள நிலைமையை அரசு தீவிரமாக
கண்காணித்து வருகிறது.
ஒவ்வொருவரும் நலமுடன் இருக்க இறைவனை வேண்டுவோம்' என்றார்.
-
தினமலர்