ரசிகமணி டி.கே.சிதம்பரநாத முதலியார்

ரசிகமணி டி.கே.சிதம்பரநாத முதலியார்
-

தமிழ்கவிதையை புரிந்துக்கொள்வது எப்படி, தமிழ் கவிதைகளை
ஆராய்வது எப்படி, கவிதையை உள்வாங்கி மகிழ்வது எப்படி என்கிற
விளக்கத்தை  தமிழ் ரசிகர்களுக்கு விளக்கிய முதல் இலக்கிய
திறனாய்வாளர் டி.கே.சி தான்.

தமிழ் கவிதைகளில் மறைந்து கிடந்த கருத்துக்களை வெளிக்
கொணர்ந்ததால் இவரை ரசிகமணி என அழைத்தனர் இலக்கிய
உலகில்.

கச்சேரிகளில் கர்நாடக இசை கச்சேரிகளில் தமிழ்பாடல்களை
பாடவேண்டும் என அக்காலத்தில் இசைக்கச்சேரிகளை நடத்திய
செட்டிநாட்டரசர் என அழைக்கப்படும் அண்ணாமலை
செட்டியாருக்கு கடிதம் எழுதி வலியுறுத்தினார். அதன்படி 1941ல்
தமிழிசைக்காக தேவக்கோட்டையில் நடைபெற்ற மாநாட்டில்
கலந்துக்கொண்டு தமிழ் கவிதைகளின் சிறப்புகளை எடுத்துரைத்தார்.

அவரைப்போல் தமிழ் அன்பர்கள் பலரும் வலியுறுத்தினர்.
அதன்பின்பே தமிழசை மன்றம் தொடங்கப்பட்டு இசை கச்சேரிகளில்
தமிழ்பாடல்கள் பாடுவது வழக்கமானது.

கம்பராமாயணத்தில் உள்ள செய்யுள்கள் பலவற்றை கம்பர்
எழுதியத்தல்ல என்பது இவரது வாதம். இதயஒலி, அற்புதரசம், கம்பர்
யார் உட்பட பல இலக்கிய நூல்களை எழுதியுள்ளார்.

இலக்கியவாதிகள் நாட்டின் ஏதோ ஒரு மூளையில் வாழ்பவர்கள்,
அவர்கள் தங்கள் சக இலக்கியவாதிகளின் இலக்கிய எழுத்துக்களை
அறிந்துக்கொள்ள கடித இலக்கியம் என்கிற ஒரு வழியை உருவாக்கியர்
டி.கே.சி.

1927ல் சென்னை மாகாண சட்டமன்ற மேலவை உறுப்பினராக
தேர்ந்தெடுக்கப்பட்டு பணியாற்றினார்.
1930ல் சென்னை மாகாண இந்து சமய அறநிலையத்துறையின்
பாதுகாப்பு ஆணையராக பணியாற்றினார்.

சென்னை மாகாண முதல்வராக ஓமந்தூர் ராமசாமி இருந்தபோது
சென்னை மாகாண முத்திரை சின்னமாக எதை வைக்கலாம்
என்கிற கேள்வி எழுந்தது. பலரும் பலவிதமான கருத்துக்களை
கூறினர்.

அப்போது தமிழகத்தில் நெடிந்த கோபுரங்கள் அதிகம். அதில்
ஏதாவது ஒரு கோபுரத்தை தேர்வு செய்யலாம் என டி.கே.சி
சொன்னபோது எந்த கோபுரத்தை தேர்வு செய்வது என்கிற
கேள்வியும், விவாதமும் எழுந்த நிலையில் ஸ்ரீவில்லிபுத்தூர்
ஆண்டாள் கோபுரத்தை தேர்வு செய்யலாம், அதன் அழகே தனி
எனச்சொல்லி முதல்வருக்கு பரிந்துரை செய்து அதை பலரும்
ஏற்றுக்கொள்ள கோபுரச்சின்னம் தமிழக சின்னமாக உருவாக
காரணமாக இருந்தவர் டி.கே.சி.

அக்காலத்தில் வெளிவந்த கலைமகள் என்கிற பத்திரிக்கையின்
ஆசிரியர் குழுவில் இருந்தார். வசந்தம் என்கிற மாத
பத்திரிக்கையின் ஆசிரியர் பொறுப்பில் இருந்தார்.

1954 பிப்ரவரி 16ந்தேதி தனது 73வது வயதில் மறைந்தார்.
அவரது மகன் தீபன் இளம் வயதிலேயே மறைந்துவிட்டார்.
அப்போது அவரது சக இலக்கியவாதி ஒருவர் கவிதை மூலம்
இரங்கற்பா எழுதி அனுப்ப தன் மகனின் மரண துக்கத்திலும்
கவிதை வரிகளை சிலாகித்தவர்.
அவர் மறையும் போது கவிதை பேசியபடியே மறைந்தார்.
-
----------------------------

- ராஜ்ப்ரியன்
நன்றி- நக்கீரன்

பண்பாடு
-

-
"கல்ச்சர்' என்ற ஆங்கிலச் சொல்லை "பண்பாடு' என்று
தமிழில் மொழி பெயர்த்தவர் ரசிகமணி டி.கே.சி.

அதே போல் "பார்லிமெண்ட்' என்ற ஆங்கிலச் சொல்லுக்கு
இணையாக "பாராளுமன்றம்' என்ற சொல்லை
பரிதிமாற் கலைஞர் மொழி பெயர்த்தார்.
-
தினமணி