Latest topics

தமிழகத்தில் வங்கிகள் இயங்கும் நேரத்தில் மாற்றம்...!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தமிழகத்தில் வங்கிகள் இயங்கும் நேரத்தில் மாற்றம்...!

Post by ayyasamy ram Wed Apr 15, 2020 7:35 pm

சென்னை

கொரோனா வைரஸ் தொற்று பரவாமல் தடுக்க நாடு முழுவதும்
இரண்டாம் கட்டமாக ஊரடங்கு நீட்டிக்கப்பட்டுள்ளது. மே 3 வரை
நீட்டிக்கப்பட்டுள்ள இந்த ஊரடங்கின் போது எந்தெந்த சேவைகள்
கிடைக்கும்? எவை கிடைக்காது என்பதை மத்திய அரசு
தெளிவுப்படுத்தியுள்ளது.

அதே சமயம் ஏப்ரல் 20-க்கு பிறகு சில கட்டுப்பாடுகளை தளர்த்த
மத்திய அரசு அனுமதி அளித்துள்ளது.அதன்படி மே 3 வரை
கீழ்காணும் நிபந்தனைகளை மத்திய அரசு விதித்துள்ளது.

வங்கிகள், பண பரிவர்த்தனை தவிர பிற சேவைகளை
மேற்கொள்ளவில்லை. ஊரடங்கு காலத்தில் குறைந்தபட்ச
பணியாளர்களைக் கொண்டு காலை 10 மணி முதல் மாலை 2 மணி வரை
வங்கிகள் இயங்கும் என்று கூறப்பட்டது.

கொரோனா நிவாரணத்தொகையை மத்திய அரசு, வங்கிக்கணக்கின்
வழியே செலுத்தியது. குறிப்பாக, ஜன்தன் கணக்கில் மத்திய அரசு
ரூ.500 செலுத்தியது.இந்த தொகையை எடுப்பதற்காக வங்கிகளில் தினமும்
கூட்டம் முண்டியடித்தது. இதனால், வங்கிகள் இயங்கும் நேரம் 2 மணி நேரம்
நீட்டிக்கப்பட்டது.

இந்த நிலையில், தற்போது மீண்டும் வங்கிகள் இயங்கும் நேரத்தில்
மாற்றம் செய்யப்பட்டுள்ளது. ஊரடங்கு இரண்டாவது முறையாக
நீடிக்கப்பட்டுள்ள நிலையில், மீண்டும் காலை 10 மணி முதல் பகல் 2 மணி
வரை வங்கிகள் இயங்கும் என்று மாநில அளவிலான வங்கிக்கூட்டமைப்பு
தெரிவித்துள்ளது.

தினத்தந்தி

ayyasamy ram: வழிநடத்துனர்; பதிவுகள் : 82839
இணைந்தது : 30/09/2013