வேர்க்கடலை உருண்டை செய்யும்போது - வீட்டுக் குறிப்பு!

by **ayyasamy ram** Mon Apr 13, 2020 9:14 am

-
முகம் பார்க்கும் கண்ணாடியை தேயிலையால் துடைத்தால்,
அழுக்கு நீங்கி, 'பளபள'வென்று இருக்கும்.

* ஊசியில் நுால் கோர்க்க சிரமமாக இருந்தால், நுாலின்
நுனியில் சோப்பை கொஞ்சம் தடவி கோர்த்தால் சுலபமாகும்

* துணி தைக்கும் ஊசியை, ஒரு சிறு கம்பளி துண்டில் குத்தி
வைத்தால், துரு பிடிக்காமல் இருக்கும்

* கண்ணாடி வளையல்களை வாங்கியவுடன், தண்ணீரில்
போட்டு கொதிக்க வைத்து பிறகு அணிந்து கொண்டால்
நீண்ட நாட்களுக்கு உடையாமல் இருக்கும்.
;
* மஞ்சள் கிழங்குகளை உலர்த்தி, ஈரமில்லாத பாட்டில்களில்
ஒரு துண்டு கெட்டியான கற்பூரத்துடன் போட்டு இறுக மூடி
வைத்தால், உளுத்து போகாது.

* வேர்க்கடலை உருண்டை செய்யும்போது, வெல்லப் பாகுடன்
சிறிது சர்க்கரையையும் சேர்த்து செய்தால், கரகரப்புடன்
இருக்கும்.

* வெள்ளை, 'கேன்வாஷ் ஷூ'வை, கழுவி சிறிது நீலம் கலந்த
நீரில் முக்கி எடுத்து வெயிலில் காய வைத்தால், 'பளிச்'சென்று
இருக்கும்.

* பல் துலக்கும் பிரஷ்ஷை, இரண்டு நாட்களுக்கு ஒருமுறை,
உப்பு கலந்த நீரில் போட்டு உபயோகிக்க வேண்டும்.

* மஞ்சள் மற்றும் மிளகாய் பொடியில் சிறிது உப்பை கலந்து
வைத்தால், வண்டுகள் வராது.

* மிளகாய் பொடிக்கு, மிளகாய் வறுக்கும்போது சிறிது உப்பை
சேர்த்தால், கமறல் வராது.
-
------------------------
நன்றி-வாரமலர்