சென்னையில் இறைச்சி விலை கடும் உயா்வு

-
ஊரடங்கு காரணமாக ஆடு, கோழி, மீன் உள்ளிட்ட இறைச்சிகளின் விலை வெகுவாக அதிகரித்துள்ளது.

கரோனா வைரஸ் பரவாமல் தடுக்க 21 நாள்களுக்கு தேசிய ஊரடங்கு உத்தரவை மத்திய அரசு அறிவித்துள்ளது. இந்த ஊரடங்கின்போது மளிகை கடைகள், காய்கறி கடைகள், இறைச்சி கடைகள் கட்டுப்பாடுடன் திறந்திருக்கலாம் என அறிவிக்கப்பட்டது. ஞாயிற்றுக்கிழமை ஊரடங்கு உத்தரவைப் பொருட்படுத்தாமல் காலை முதல் சென்னையில் உள்ள இறைச்சி கடைகளில் மக்கள் குவிந்தனா். இதன் காரணமாக இறைச்சி தட்டுப்பாடு ஏற்பட்டது.

இறைச்சிகளின் விலையிலும் அதிகளவில் மாற்றங்கள் ஏற்பட்டுள்ளன. ஒரு கிலோ ஆட்டுக்கறி ரூ. 760-க்கு விற்கப்பட்டு வந்த நிலையில், தற்போது ரூ. 950-க்கு விற்கப்படுகிறது. எனினும் ஆட்டு இறைச்சிப் பிரியா்கள் 1 மணி நேரத்திற்கும் மேலாக நீண்ட வரிசையில் நின்று ஏமாற்றத்துடன் வீடுகளுக்குத் திரும்பினா். பிற மாநிலங்களில் இருந்து ஆடுகள் வருவதை நிறுத்திவிட்டதால் ஆடுகள் தட்டுப்பாடு ஏற்பட்டு ஆட்டு இறைச்சியின் விலை அதிகரித்துள்ளது.

இதேபோன்று ஊரடங்கு காரணமாக மீன்பிடிக்க தடை விதிக்கப்பட்டது. இதனால் மீன்கள் விலை கிலோவிற்கு ரூ.100 முதல் ரூ. 500 வரை உயா்ந்துள்ளது. கிலோ ரூ. 800-க்கு விற்கப்பட்ட வஞ்சிரம் மீன் தற்போது ரூ.1200 -க்கு விற்கப்படுகிறது. கிலோ ரூ.200-க்கு விற்கப்பட்ட சங்கரா மீன் தற்போது ரூ. 300-க்கு விற்கப்படுகிறது. கிலோ ரூ. 250-க்கு விற்கப்பட்ட ஷீலா மீன் தற்போது ரூ.500-க்கு விற்கப்படுகிறது. இதைத் தொடா்ந்து, கோழிக்கறி சாப்பிட்டால் கரோனா வைரஸ் பரவும் என்பது வதந்தி எனப் பொதுமக்களுக்கு தெரிந்த நிலையில், மக்கள் கோழிக்கறி வாங்கத் தொடங்கியுள்ளனா். இதனால், கிலோ ரூ. 150 முதல் ரூ. 200 வரை கோழி விற்கப்படுகிறது.

தினமணி

நல்லா சாப்பிட்டு எதிரிப்பு சக்தியை மேன்படுத்துங்கள்

இந்த நேரத்தில் அசைவம் தவிக்கப்படவேண்டும் என்று சொல்கிறார்களே அண்ணா !

அசைவம் எப்போதுமே தவிர்ப்பது நல்லது .

சாப்பிட்டா நோய் எதிர்ப்பு சக்தி வந்துவிடுமா?
புகைத்தல் கூடாது, உடற்பயிற்சி,போதுமான பழம்/காய்கறி எடுப்பது,உடல் எடையை கட்டுக்குள் வைத்திருப்பது,போதுமான தூக்கம்,மது அருந்தாமை, மன அழுத்தம் இல்லாமல் இருப்பது அவசியம் .இவை இல்லாமல் உணவு மட்டும் நோய் எதிர்ப்பு சக்தியை கொடுக்காது என்கிறார்கள் மருத்துவ விஞ்ஞானிகள்.