சினிமா செய்திகள்

by **ayyasamy ram** Fri Mar 20, 2020 3:08 pm

-
கேன்ஸ் திரைப்பட விருது விழா ஒத்திவைப்பு
-
கேன்ஸ் திரைப்பட விருது வழங்கும் விழா மிகவும் பிரபலமானது.
நடப்பு ஆண்டு வரும் மே 12 ஆம் தேதி முதல் 23 ஆம் தேதி வரை
நடைபெற இருந்தது.

கொரோனா வைரஸ் அச்சுறுத்தல் காரணமாக கேன்ஸ் திரைப்பட விருது
வழங்கும் விழா ஒத்திவைக்கப்பட உள்ளது. விழாவில் 40 ஆயிரம் பேர்
வரை கலந்து கொள்வார்கள் என்பதால், நோய் பரவலைக் கட்டுப்படுத்தும்
வகையில் விழா ஒத்திவைக்கப்படுவதாகத் தெரிவிக்கப்பட்டுள்ளது.

ஒத்திவைக்கப்படும் இந்த நிகழ்ச்சி ஜூன் அல்லது ஜூலை மாதங்களில்
நடத்தப்படலாம் என்று கூறப்படுகிறது.

தினத்தந்தி

by **ayyasamy ram** Fri Mar 20, 2020 3:10 pm

ஆபாச படத்தை வெளியிடுவதாக மிரட்டல் நடிகை நமீதா புகார்
-
சினிமா செய்திகள் 202003182243396437_Actress-Namitha-complains_SECVPF

-
ஜய்யின் அழகிய தமிழ்மகன், அஜித்குமாரின் பில்லா உள்ளிட்ட பல படங்களில் நடித்தவர் நமீதா. பிக்பாஸ் நிகழ்ச்சியிலும் பங்கேற்றார். நடிகர் விரேந்திர சவுத்ரியை காதல் திருமணம் செய்து கொண்டார். திருமணத்துக்கு பிறகும் நடித்து வருகிறார். இந்த நிலையில் நமீதாவை ஆபாச படங்களில் பார்த்ததாகவும், அந்த படங்களை சமூக வலைத்தளத்தில் வெளியிடப்போவதாகவும் ஒருவர் மிரட்டி உள்ளார்.

மிரட்டிய நபரின் புகைப்படத்தை நமீதா தனது வலைத்தள பக்கத்தில் வெளியிட்டு பதிலடி கொடுத்துள்ளார். அதில் நமீதா கூறியிருப்பதாவது:-

“புகைப்படத்தில் இருக்கும் நபர், இன்ஸ்டாகிராமில் என்னை ஆபாசமாக அழைத்தார். எனது வலைத்தள கணக்கை ‘ஹேக்’ செய்துவிட்டதாக கூறினார். எனது ஆபாச படத்தை பார்த்ததாகவும், அதை இணைய தளத்தில் வெளியிடப்போவதாகவும் கூறினார். நான், அதை செய் என்றேன். இதுபோன்ற நபர்கள், பெண்ணை எப்படி வேண்டுமானாலும் கேவலமாக அழைக்கலாம் என்று நினைக்கிறார்கள்.

நான் அமைதியாக இருப்பதை பலவீனமாக எண்ண வேண்டாம். உண்மையான மனிதனுக்கு பெண்ணை எப்படி மதிக்க வேண்டும் என்று தெரியும். பெற்ற தாயை அவமதித்தால் இந்த நபர் ஏற்றுக்கொள்வாரா, துர்கா பண்டிகை, மகளிர் தினம் போன்றவற்றை கொண்டாடுவதற்கு பதிலாக பெண்களை எப்படி மதிக்க வேண்டும் என்று முதலில் கற்றுக்கொள்ளுங்கள்.”

இவ்வாறு நமீதா கூறியுள்ளார். வலைத்தளத்தில் பலரும் நமீதாவுக்கு ஆதரவு தெரிவித்து வருகிறார்கள்.

தினத்தந்தி

by **ayyasamy ram** Fri Mar 20, 2020 3:16 pm

விஜய்யின் மாஸ்டர் 9-ந்தேதி ரிலீசாகுமா? படக்குழு விளக்கம்
-
சினிமா செய்திகள் 202003182357516807_VijaysMasterRelease-9_SECVPF

லோகேஷ் கனகராஜ் இயக்கத்தில் விஜய் நடித்துள்ள மாஸ்டர்,
படப்பிடிப்பு முடிந்து தொழில்நுட்ப பணிகள் நடக்கின்றன.

படத்தின் பாடல்கள் சமீபத்தில் வெளியிடப்பட்டன.
மாஸ்டர் படம் அடுத்த மாதம் (ஏப்ரல்) 9-ந்தேதி திரைக்கு வரும்
என்று அறிவித்து உள்ளனர்.

by **ayyasamy ram** Fri Mar 20, 2020 8:29 pm

பாடகருடன் நடிகை அமலா பால் திடீர் திருமணம்...? இணையத்தில் வைரலாகும் புகைப்படங்கள்
---
சினிமா செய்திகள் Amala-paul-01

-
அமலா பால் மும்பை பாடகருடன் , பொது இடங்களில் செல்லும்
புகைப்படங்கள் இணையத்தில் வெளியாகினதற்போது இவர்கள்
இருவரும் திருமணம் செய்து கொண்டதாக புகைப்படத்தை
பாவ்னிந்தர் தனது இன்ஸ்டாகிராம் பக்கத்தில் பதிவிட்டார்.

ஆனால் பதிவிட்ட சிறிது நேரத்தில் அந்த புகைப்படங்களை நீக்கி
உள்ளார்.
சில மாதங்களுக்கு முன்பே இருவருக்கும் திருமணம் நடந்ததாக
தகவல்கள் கூறுகின்றன.

எனினும் இருதரப்பில் இருந்தும் திருமணம் தொடர்பாக அதிகாரப்பூர்வ
தகவல் வெளியாகவில்லை என்பது குறிப்பிடத்தக்கது
நியூஸ் 18