முஸ்லிம் தத்தெடுத்த பெண்ணுக்கு ஹிந்து முறைப்படி திருமணம்: குவியும் பாராட்டு

-

-
காசர்கோடு: கேரளாவில் காசர்கோடு அருகே, வளர்ப்பு மகள் திருமணத்தை கோவிலில் நடத்தி வைத்து, முஸ்லிம் பெற்றோர் கண்ணீருடன் வாழ்த்தியது, பலராலும் பாராட்டப்படுகிறது.







கேரளாவில், முதல்வர் பினராயி விஜயன் தலைமையில்,
இடது ஜனநாயக முன்னணி ஆட்சி நடக்கிறது.

இம்மாநிலத்தில், காசர்கோடைச் சேர்ந்தவர் அப்துல்லா.
இவரது மனைவி கதீஜா. இந்த தம்பதிக்கு மூன்று மகன்கள்
உள்ளனர்.

வளர்ப்பு மகள்

இந்நிலையில், அப்துல்லா தம்பதி, தங்கள் வளர்ப்பு மகள்
ராஜேஸ்வரி, 22, திருமணத்தை, 16ம் தேதி, மன்மோட்டு
பகவதி அம்மன் கோவிலில், ஹிந்து முறைப்படி சிறப்பாக
நடத்தியுள்ளனர்.

ராஜேஸ்வரியின் தந்தை சரவணன், தஞ்சாவூரைச் சேர்ந்தவர்.
இவர், காசர்கோடு பகுதியில் கூலி வேலை பார்த்துள்ளார்.
அப்துல்லாவின் பண்ணையில் வேலை பார்த்த அவர்,
இறந்து போகவே, அவருடைய, 8 வயது மகள் ராஜேஸ்வரியை,
அப்துல்லா தம்பதி, தங்கள் வளர்ப்பு மகளாக ஏற்றுக்
கொண்டனர்.

ராஜேஸ்வரிக்கு, 22 வயதான நிலையில், அவருக்கு திருமணம்
முடிவு செய்தபோது, மணமகன் விஷ்ணுபிரசாதின் பெற்றோர்,
திருமணத்தை இந்து முறைப்படி கோவிலில் நடத்த விரும்பினர்.

அதற்கு, அப்துல்லா தம்பதி சம்மதித்தனர்.அனைத்து
மதத்தினரும் வந்து செல்ல அனுமதி உள்ள மன்மோட்டு
கோவிலை அவர்கள் தேர்வு செய்தனர்.

திருமணத்திற்கு அப்துல்லாவின் தாய் சரயும்மா, 84,
உள்ளிட்ட உறவினர்கள் அனைவரும் வந்திருந்து,
மணமக்களை வாழ்த்தினர்.

பாராட்டு


இது குறித்து, அப்துல்லா கூறும்போது, ''பெற்றோர் இறந்த பின்,
ராஜேஸ்வரி எங்கள் வளர்ப்பு மகளாக இருந்தாலும்,
ஹிந்துவாகவே வளர்ந்தார் என்பதால், திருமணமும் ஹிந்து
முறைப்படியே நடந்துஉள்ளது,'' என்றார்.

திருமணம் முடிந்த நிலையில், அப்துல்லா தம்பதி கண்ணீர்
மல்க, மணமக்களை ஆசிர்வாதம் செய்யும், 'வீடியோ' சமூக
வலைதளங்களில் வேகமாக பரவி வருவதுடன், பலரது
பாராட்டையும் பெற்றுள்ளது.

தினமலர்


-

சென்ற ஆண்டு Cheravally Muslim Jamat Mosque, கேரளாவில் நடந்த இந்து திருமணம்



(நன்றி: Pinarayi Vijayan CM -twitter)

வரவேற்கப்பட வேண்டிய செய்தி.
ஹிந்து முஸ்லீம் உறவுகளை கொச்சைப்படுத்தி
லாபம் பார்ப்பது அரசியல் வாதிகள் மட்டும் தான்.
என்னுடைய நெருங்கிய நட்புகள் குழுவில் இருவர் முஸ்லீம்.
அதில் ஒருவர், TNB மனதிற்கு சங்கடம் நேரும் போதெல்லாம் உன் வீட்டிற்கு
வந்தால் மனம் நிம்மதி ஆகிறது என்பார். 39 வருட பழக்கம்.

எனது சகலைக்கு நாகூர் ஹனிஃபாவின் நெருங்கிய உறவு மிகவும் நெருக்கம்.

நட்பில் ஜாதி மதத்திற்கு இடமே இல்லை.

ரமணியன்