தமிழக பட்ஜெட் உரையின் முக்கிய அம்சங்கள்

சென்னை

பட்ஜெட் கூட்டம் தொடங்கியது.  
துணை முதல்வர்  ஓ.பன்னீர்செல்வம்  பட்ஜெட் உரையை
வாசித்து வருகிறார்.

தமிழக பட்ஜெட் உரையின் முக்கிய அம்சங்கள் வருமாறு:-

* அம்மா உணவக திட்டத்திற்காக 100 கோடி ரூபாய் ஒதுக்கீடு

* ஊரக உள்ளாட்சி அமைப்புகளுக்கு 6,754 கோடி ரூபாய்
ஒதுக்கீடு.

* நகராட்சி நிர்வாகம் மற்றும் குடிநீர் வழங்கல் துறைக்கு
18,540.12 கோடி ஒதுக்கீடு

* நகர்ப்புற உள்ளாட்சி அமைப்புகளுக்கு 5,306 கோடி ரூபாய்
ஒதுக்கீடு.

* உயர்கல்வி துறைக்கு ரூ. 5,052 கோடி ஒதுக்கீடு

*  சென்னை மெட்ரோ இரயில் திட்டத்திற்கு பங்கு மூலதன உதவி,
சார்நிலை கடன் மற்றும் வெளிநாட்டுக்கடனை விடுவிப்பதற்காக
மொத்தம் 3100 கோடி ஒதுக்கீடு

* அண்ணாமலைப் பல்கலைக்கழகத்துடன் இணைந்த மருத்துவ
கல்லூரியை அரசே ஏற்றுக் கொண்டு அது கடலூர் மாவட்டத்திற்கான
அரசு மருத்துவக் கல்லூரியாக அமைக்கப்படும்

* முதல் தலைமுறை மாணவர்கள் கல்வி கட்டண சலுகை தொடரும்.
இதற்காக ரூ.506 கோடி ஒதுக்கீடு

* மத்திய அரசிடம் இருந்து தமிழ்நாட்டிப் பங்காகப் பெறப்படும்
மத்திய வரிகளின் நிதிப் பகிர்வு 2019-20ம் ஆண்டிற்கான திருத்த
மதிப்பீடுகளில் வரலாறு காணாத வீழ்ச்சியை கண்டுள்ளாததினால்
பெருமளவில் பாதிப்பு ஏற்படுத்தி உள்ளது.

* 2017-18ம் ஆண்டு முதல் தமிழகத்திற்கு 4073 கோடி ரூபாய் ஜி.எஸ்.டி.,
நிலுவை தொகை உள்ளது. நடப்பு நிதியாண்டு இறுதிக்குள்
வழங்கப்படும் என நம்புகிறோம்.

* பணிபுரியும் பெண்களின் வசதிக்காக தமிழகத்தில் 13 இடங்களில்
"தமிழ்நாடு பணிபுரியும் மகளிர் விடுதிகள் அமைக்கப்படும்
-
-----------------------
தினத்தந்தி

2020 - 21 பட்ஜெட்: தமிழகத்தின் கடன் தொகை எவ்வளவு தெரியுமா?
-
தமிழக பட்ஜெட்டில் கூறப்பட்டிருப்பதாவது,

மாநிலங்களுக்கான நிதிப் பகிர்வில் தமிழகத்துக்கான
பங்கு 4.023%ல் இருந்து சிறிது உயர்ந்து 4.189% ஆக உள்ளது.

தமிழகத்தின் பொருளாதார வளர்ச்சி 7.27% ஆக இருக்கும்
என மதிப்பிடப்பட்டுள்ளது.

திருந்திய நெல்சாகுபடி முறை 27.18 லட்சம் ஏக்கர்
பரப்பளவுக்கு விரிவுபடுத்தப்படும்.

தமிழகத்தின் கடன் 4.56 லட்சம் கோடியாக உள்ளது
என்று ஓ. பன்னீர்செல்வம் கூறியுள்ளார்.
---
தினமணி