டிப்ஸ்.. டிப்ஸ்.. -மகளிர்மணி

by **ayyasamy ram** Wed Nov 06, 2019 7:15 am

* முள்ளங்கியை சிறிது சர்க்கரையுடன் சேர்த்து வேக வைத்தால் நல்ல வாசனையுடனும், சுவையாகவும் இருக்கும்.

* ஃபில்டரில் காப்பி பொடியைப் போடும் முன்பு 1துளி உப்பு போட்டு பிறகு காப்பி பொடியைப் போட்டால் காப்பி டிகாஷன் ஸ்ட்ராங்காகவும் சுவையாகவும் இருக்கும்.

* இட்லி, தோசைக்கு மிளகாய்ப் பொடி அரைக்கும் போது ஒரு தேக்கரண்டி சீரகத்தையும் பருப்புடன் சேர்த்து அரைத்தால் வாசனையாகவும், சுவையாகவும் இருக்கும்.

* கோதுமை அரைக்கும் போது ஒரு கைப்பிடி கொண்டைக் கடலையையும் சேர்த்து அரைத்தால் சுவையும், வாசனையும் அருமையாக இருக்கும்.

* தேன்குழல் செய்ய மாவு அரைக்கும் போது வேக வைத்த உருளைக்கிழங்கைச் சேர்த்து அரைத்தால் தேன்குழல் மிகவும் சுவையாக இருக்கும்.

* பாசிப்பருப்பை ஊற வைத்து அரைத்துக் கொண்டு தேங்காய், வெங்காயம், பச்சை மிளகாய், சோம்பு சேர்த்து வடை தட்டினால் மிகவும் சுவையாக இருக்கும்.

* டீயில் இரண்டு துளிகள் பன்னீரை விட்டு சாப்பிட்டால் சுவையாகவும், மணமாகவும் இருக்கும்.

* துவையல் அரைக்கும்போது கொஞ்சம் எலுமிச்சம் இலைகளைச் சேர்த்து அரைத்தால் துவையல் சுவையாகவும், மணமாகவும் இருக்கும்.

* இரண்டு டம்ளர் உளுந்துடன் ஒரு கரண்டி சாதம் சேர்த்து அரைத்து வடை தட்டினால், உளுந்து வடை சுவையாக இருக்கும்.

* ரவா, மைதா போன்ற தோசைகளுக்கு கரைக்கும் மாவில் சிறிது எண்ணெய் ஊற்றி சுட்டால், தோசை மெத்தென்று சுவையாக இருக்கும்.

* தோசை மாவு நீர்த்து விட்டால், அந்த மாவில் இருந்து கொஞ்சம் எடுத்து அதில் சோள மாவு, வெறும் வாணலியில் வறுத்த மைதா மாவு இவற்றைக் கரைத்து தோசை மாவில் சேர்த்துவிட்டால் மாவு கெட்டியாகும், சுவையும் மாறாமல் இருக்கும்.

* காலையில் செய்த சாதம், பொரியல் மீந்து விட்டால் இரண்டையும் நன்றாக மசித்து, வதக்கிய வெங்காயத் துண்டுகளை சேர்த்து கட்லெட் செய்யலாம்.

* அவசரமாக சாம்பார் செய்ய, பாசிப்பருப்பை அரை பதத்தில் வேக வைத்து மிக்ஸியில் விழுதாக அரைத்துக் கொண்டு அதில் பச்சை மிளகாய், தக்காளி துண்டுகள் சேர்த்து தாளித்தால் அற்புதமான சாம்பார் தயார்.

* ஜவ்வரிசியை சிறிது நெய்யில் சிவக்க வறுத்து ஆறியதும் அதில் தயிர், உப்பு, நறுக்கிய கொத்துமல்லி, மிளகாய், கடுகு சேர்த்து தாளித்து ஊறவிட்டால் வித்தியாசமான பச்சடி தயார்.
---
- ஆர். பூஜா, ஏ.எஸ். கோவிந்தராஜன்

by **krishnaamma** Wed Nov 06, 2019 7:25 pm

ஃபில்டரில் காப்பி பொடியைப் போடும் முன்பு 1துளி உப்பு போட்டு பிறகு காப்பி பொடியைப் போட்டால் காப்பி டிகாஷன் ஸ்ட்ராங்காகவும் சுவையாகவும் இருக்கும்.

உப்பா?.... பால் திரிந்துவிடாதா???? சர்க்கரை போடுவார்கள் என்று கேள்விப்பட்டிருக்கிறேன்...... சோகம்

by **krishnaamma** Wed Nov 06, 2019 7:27 pm

கோதுமை அரைக்கும் போது ஒரு கைப்பிடி கொண்டைக் கடலையையும் சேர்த்து அரைத்தால் சுவையும், வாசனையும் அருமையாக இருக்கும்..

சோயா விதைகளை போட்டு அரைத்தலும் சப்பாத்தி மிகவும் நன்றாக இருக்கும், உடலுக்கும் நல்லது புன்னகை

by **krishnaamma** Wed Nov 06, 2019 7:29 pm

பாசிப்பருப்பை ஊற வைத்து அரைத்துக் கொண்டு தேங்காய், வெங்காயம், பச்சை மிளகாய், சோம்பு சேர்த்து வடை தட்டினால் மிகவும் சுவையாக இருக்கும்.

தேங்காய் போடாமலே கூட நல்லா இருக்கும் புன்னகை

by **krishnaamma** Wed Nov 06, 2019 7:34 pm

காலையில் செய்த சாதம், பொரியல் மீந்து விட்டால் இரண்டையும் நன்றாக மசித்து, வதக்கிய வெங்காயத் துண்டுகளை சேர்த்து கட்லெட் செய்யலாம்.

ஆமாம், மிகவும் நன்றாக இருக்கும் புன்னகை

by **krishnaamma** Wed Nov 06, 2019 7:35 pm

ஜவ்வரிசியை சிறிது நெய்யில் சிவக்க வறுத்து ஆறியதும் அதில் தயிர், உப்பு, நறுக்கிய கொத்துமல்லி, மிளகாய், கடுகு சேர்த்து தாளித்து ஊறவிட்டால் வித்தியாசமான பச்சடி தயார்.

இதுமிகவும் அருமையான பச்சடி........எங்கள் வீட்டில் எப்பவும் ஹிட் புன்னகை