நகைச்சுவை நடிகர் கிருஷ்ணமூர்த்தி காலமானார்

by **ayyasamy ram** Mon Oct 07, 2019 12:50 pm

-
குமுளி:
தமிழ் திரைப்பட நகைச்சுவை நடிகர் கிருஷ்ணமூர்த்தி
மாரடைப்பால் காலமானார். குமுளியில் படப்பிடிப்பின்
போது தீடிரென ஏற்பட்ட மாரடைப்பால் கிருஷ்ணமூர்த்தி
உயிரிழந்தார்.

நான் கடவுள், தவசி, நான் உள்ளிட்ட திரைப்படங்களில்
நடிகர் கிருஷ்ணமூர்த்தி நடத்துள்ளார். திருவண்ணாமலையை
சேர்ந்த இவர் நடிப்பதற்காக 1983 ஆம் ஆண்டு சென்னை வந்தார்.

பின்னர் புரொடக்ஷன் மானேஜராக வாய்ப்பு கிடைத்தது.
பல படங்களுக்கு புரொடக்ஷன் மானேஜராக பணியாற்றினார்.
கூடவே, சின்ன வேடங்களில் நடித்தும் வந்தார்.எல்லாம் அவன்
செயல், நான் கடவுள் உட்பட ஏராளமான படங்களில் நடித்துள்ளார்.

இயக்குனர் பாலாவின் ‘நான் கடவுள்’ உள்பட பல
திரைப்படங்களில் நகைச்சுவை மற்றும் குணசித்திர வேடத்தில்
நடிகர் கிருஷ்ணமூர்த்தி நடித்துள்ளார்.

தவசி படத்தில் எஸ்க்யூஸ்மி, இவர் அட்ரஸ் தெரியுமா? என்று
வடிவேலுவிடம் பின்லேடன் முகவரி கேட்பவராக நடித்திருப்பார்.

எல்லாம் அவன் செயல் படத்தில் வடிவேலுவை அரிவாளால்
மிரட்டுபவராகவும் நடித்திருப்பார். இவர் நடித்த காமெடி காட்சிகள்
ரசிகர்களால் அதிகமாக ரசிக்கப்பட்டது. படப்பிடிப்பு ஒன்றுக்காக,
குமுளி சென்றிருந்த இவருக்கு இன்று அதிகாலை 4.30 மணியளவில்
திடீரென்று மாரடைப்பு ஏற்பட்டதை அடுத்து உயிரிழந்தார்.

மறைந்த கிருஷ்ணமூர்த்திக்கு மனைவி, இரண்டு மகன்கள்
உள்ளனர். அவருக்கு கோலிவுட் திரையுலகினர் அஞ்சலி செலுத்தி
வருகின்றனர். நடிகர் கிருஷ்ணமூர்த்தியை இழந்து தவிக்கும்
அவரது குடும்பத்தினர்களுக்கு தென்னிந்திய நடிகர் சங்கம் இரங்கல்
தெரிவித்துள்ளது.
-
----------------------------------------
தினகரன்

by Guest Mon Oct 07, 2019 1:42 pm

பதிவுக்கு

நகைச்சுவை நடிகர் கிருஷ்ணமூர்த்தி காலமானார் 1571444738

அனுதாபங்கள்.

by **மாணிக்கம் நடேசன்** Mon Oct 07, 2019 3:57 pm

நல்ல நடிகர், எனது ஆழ்ந்த அனுதாபங்கள்.

by **T.N.Balasubramanian** Mon Oct 07, 2019 5:23 pm

நல்ல நகைச்சுவை நடிகர்.
ஒருமுறை காலை ஏழு/ஏழரை வண்டிக்கு பெட்ரோல் நிரப்பிக்கொண்டு (கோடம்பாக்கம் )
வீடு திரும்பிக்கொண்டு இருந்தேன். திடீர் மழை .வண்டியை நிறுத்திவிட்டு பக்கத்தில் இருந்த ரங்கராஜபுரம் ,பஸ் ஷெட்டில் தஞ்சம் அடைய, அங்கே இவரும் மழைக்காக ஒதுங்கி இருந்தார். பார்த்த முகமாக இருக்கே என்ற சந்தேகம் .
சிறிது நேரத்தில் , வடிவேலுவுடன் .....என்றேன் .ஆம் என்றார், பொதுவாக காமெடி பற்றி பேசி,மழை நின்றவுடன் வீடு கிளம்பினோம் எதிரெதிர் திசையில்.

பாவம். குடும்பத்தினருக்கு ஆழ்ந்த அனுதாபங்கள் .

ரமணியன்