Latest topics

காவிரி பிரச்னைக்கு தீர்வு சொல்லும் கட்காரி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

காவிரி பிரச்னைக்கு தீர்வு சொல்லும் கட்காரி

Post by ayyasamy ram Sun Sep 29, 2019 2:26 pm

காட்பாடி :
காவிரி தண்ணீர் வீணாக கடலில் கலப்பதை தடுத்தாலே
தமிழகம்-கர்நாடகா இடையே தண்ணீர் பிரச்னையே
இருக்காது என மத்திய அமைச்சர் நிதின் கட்காரி
தெரிவித்துள்ளார்.

வேலூர் மாவட்டம் காட்பாடியில் தனியார் பல்கலைக்
கழகத்தின் பட்டமளிப்பு விழா நடைபெற்றது . இதில் மத்திய
சாலை போக்குவரத்து துறை அமைச்சர் நிதின் கட்கரி சிறப்பு
விருந்தினராக பங்கேற்று மாணவர்களுக்கு பட்டங்களை
வழங்கினார்.

பின்னர் விழாவில் பேசிய அவர், " ஆந்திராவில் கோதாவரியில்
இருந்து 3000 டிஎம்சி தண்ணீர் வீணாக கடலில் கலப்பதை
தடுக்க, 6 ஆயிரம் கோடி ரூபாய்க்கு, திட்டம் வகுத்து கொடுத்து
செயல்படுத்தி உள்ளோம்.

தூத்துக்குடியில் காற்று, சூரிய சக்தியில் இருந்து மின்சாரம்
தயாரிக்கும் திட்டதுடன், கடல்நீரை குடிநீராக்கும் திட்டமும்
செயல்படுத்தப்படும்.

தண்ணீர் சேமிப்பு திட்டங்களை செயல்படுத்த தமிழகம்,
கர்நாடகாவிடம் பலமுறை பேசியும் வெற்றியடையவில்லை.
தண்ணீர் பிரச்னையை தீர்க்க முடியும் என்று நம்பிக்கையுடன்
உள்ளேன்.

தண்ணீர் பிரச்னைக்கு தீர்வு காண தெளிவான அரசியல்
கண்ணோட்டம் மட்டுமின்றி தொழில்நுட்பமும் வேண்டும்.
காவிரி தண்ணீர் வீணாக கடலில் கலப்பதை தடுத்தாலே
தமிழகம்-கர்நாடகா இடையே தண்ணீர் பிரச்னையே இருக்காது.
காவிரி பிரச்னையில் இதுவரை பேச்சுவார்த்தை நடத்தி இதுவரை
எந்த முன்னேற்றமும் இல்லை என்றார்.
-
--------------------------------
தினமலர்

ayyasamy ram: வழிநடத்துனர்; பதிவுகள் : 82770
இணைந்தது : 30/09/2013