பாடலாசிரியர் முத்து விஜயன் மரணம்

-
06 Sep 2019

கண்ணுக்குள்ளே உன்னை வைத்தேன் கண்ணம்மா,
மேகமாய் வந்து போகிறேன் உள்ளிட்ட பிரபலமான
பாடல்களை எழுதிய பாடலாசிரியர் முத்து விஜயன்
இன்று உடல்நலக் குறைவால் சென்னையில்
உயிரிழந்தார். அவருக்கு வயது 48.

தமிழ்த் திரைப்படப் பாடலாசிரியராக இருந்தவர்
முத்து விஜயன். இயக்குநர் பாரதிராஜாவிடம் உதவி
இயக்குநராகவும் பணியாற்றியுள்ளார்.

'துள்ளாத மனமும் துள்ளும்' படத்தில் மேகமாய் வந்து
போகிறேன் பாடலை எழுதினார். 'பெண்ணின் மனதைத்
தொட்டு' படத்தில் கண்ணுக்குள்ளே உன்னை வைத்தேன்
கண்ணம்மா பாடலை எழுதினார்.

'கள்வனின் காதலி', 'தென்னவன்', 'நெஞ்சினிலே',
'வல்லதேசம்' உள்ளிட்ட படங்களிலும் பாடல்கள்
எழுதியுள்ளார்.

தமிழ் சினிமாவில் சில திரைப்படங்களுக்கு வசனங்களும்
எழுதியுள்ளார். கவிஞர் தேன்மொழியைத் திருமணம்
செய்து கொண்டார். பின்னர் கருத்து வேறுபாடு காரணமாக
இருவரும் விவாகரத்து செய்துகொண்டனர்.

அதன்பின் முத்து விஜயன் பாடலாசிரியர் சங்கத்தில் தங்கி
வந்தார்.

அண்மைக்காலமாக மஞ்சள் காமாலை மற்றும் கல்லீரல்
பாதிப்பால் அவதிப்பட்டு வந்தார். பாடலாசிரியர் சங்கம்
மூலமாக சென்னையில் உள்ள தனியார் மருத்துவமனையில்
சிகிச்சை பெற்று வந்தார். இந்நிலையில் சிகிச்சை பலனின்றி
முத்து விஜயன் இன்று மாலை உயிரிழந்தார்.

வளசரவாக்கத்தில் உள்ள மின் மயானத்தில் முத்து விஜயனின்
உடல் தகனம் செய்யப்பட்டது. தமிழ்த் திரையுலகைச் சேர்ந்த
ஏராளமான பிரபலங்கள் முத்து விஜயன் மறைவுக்கு இரங்கல்
தெரிவித்து வருகின்றனர்.
-
-----------------------------------
இந்து தமிழ் திசை

//தமிழ்த் திரையுலகைச் சேர்ந்த
ஏராளமான பிரபலங்கள் முத்து விஜயன் மறைவுக்கு இரங்கல்
தெரிவித்து வருகின்றனர்.//

மயானத்துக்கு 4 -5 பேர் வரைதான் வந்தார்களாம். படித்தேன்.

பகலும் நிலையானதல்ல.!
புகழும் நிலையானதல்ல.!
பகல் முடிந்து இரவு வரும்.!
புகழ் மறைந்து இகழ் வரும்.!

இது இன்றைய பலருக்கும்??? பொருந்தும்.