Latest topics

இன்று 'பிட் இந்தியா' : மோடி துவக்கி வைக்கிறார்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

இன்று 'பிட் இந்தியா' : மோடி துவக்கி வைக்கிறார்

Post by ayyasamy ram Thu Aug 29, 2019 6:33 am

புதுடில்லி::
பிரதமர் மோடி, இன்று 'பிட் இந்தியா' திட்டத்தினை துவக்கி
வைக்கிறார். இதில் கல்லுாரி மாணவர்கள் உறுதிமொழி எடுக்க,
வேண்டுகோள் விடுக்கப்பட்டுள்ளது.

மத்திய அரசின் சார்பில், துாய்மை இந்தியா, யோகா தினம்,
டிஜிட்டல் இந்தியா, ஸ்கில் இந்தியா என, பல்வேறு திட்டங்கள்
அறிமுகம் செய்யப்பட்டுள்ளன.

இந்த வரிசையில், ''பிட் இந்தியா'' என்ற திட்டத்தை,
பிரதமர் மோடி, இன்று துவங்கி வைக்கிறார்.

ஒவ்வொருவரும் உடல் திறனை வளர்த்து கொள்ளவும்,
உடல் உறுதியை பேணும் வகையிலும், உடற்பயிற்சி மற்றும்
உணவு கட்டுப்பாடு போன்றவற்றை பின்பற்ற வேண்டி ,
இந்த திட்டம் துவங்கப்படுகிறது. டில்லியில், இன்று நடக்கும்
விழாவில், பிரதமர் மோடி, திட்டத்தை துவங்கி வைக்கிறார்.

இந்த விழா, துார்தர்ஷன் தொலைக்காட்சியில் நேரலையாக
ஒளிபரப்பாகிறது. இதை, மத்திய அரசு அலுவலகங்கள்,
கல்லுாரிகளில் பார்க்க அறிவுறுத்தப் பட்டுள்ளது. விழாவில், '
உடல் உறுதியை பேணுவோம்' என, உறுதிமொழி எடுக்கப்பட
உள்ளது.

இந்த உறுதிமொழியை கல்லுாரி மாணவர்களும் எடுக்க
வேண்டும் என, கல்லுாரிகள் மற்றும் பல்கலைகளுக்கு
சுற்றறிக்கை அனுப்பப்பட்டுள்ளது.
-
தினத்தந்தி

ayyasamy ram: வழிநடத்துனர்; பதிவுகள் : 83757
இணைந்தது : 30/09/2013