ஜெயலலிதாவின் பெயரை குறிப்பிடுவதில் என்ன தவறு? மு.க.ஸ்டாலின்

by **ayyasamy ram** Wed Jul 10, 2019 7:38 am

பேரவையில் முன்னாள் முதல்வர் ஜெயலலிதாவின் பெயரைக் குறிப்பிடுவதில் என்ன தவறு இருக்கிறது என்று அமைச்சர் செல்லூர் ராஜூவிடம் திமுக தலைவர் மு.க.ஸ்டாலின் எதிர்கேள்வி எழுப்பினார்.

சட்டப்பேரவையில் கூட்டுறவுத் துறை அமைச்சர் கே.செல்லூர் ராஜூ திடீரென ஒரு விவகாரத்தை எழுப்பி பேசியதாவது: மறைந்த தலைவர்களின் பெயரை சட்டப்பேரவையில் யாரும் குறிப்பிடுவது இல்லை.

ஆனால், எங்கள் உயிருக்கும் மேலான அம்மாவின் (ஜெயலலிதா) பெயரை உச்சரித்துப் பேசுகிறார். இது சரியா? அவர் உயிரோடு இருந்தபோது இப்படி எதிர்க்கட்சித் தலைவர் பெயர் சொன்னாரா என்று ஆவேசமாகப் பேசினார்.

அதற்கு மு.க.ஸ்டாலின் கூறியது:
முன்னாள் முதல்வர் ஜெயலலிதாவின் பெயரை சொல்வதை பெரும்பாலும் தவிர்த்திருக்கிறேன். சில நேரங்களில் சொல்ல வேண்டிய அவசியம் வரும்போது சொல்லுகிறேன். அதைச் சொல்லுவது ஒன்றும் தவறில்லை.

நீங்களும் எத்தனையோ முறை எங்களுடைய தலைவர் கருணாநிதியின் பெயரை சொல்லியிருக்கிறீர்கள். அப்படிக் கூறுவது தவறில்லை என்று பேரவைத் தலைவரே கூட கூறியுள்ளார். முதல்வரின் பெயரைத்தான் சொல்லக்கூடாது என்று ஒரு மரபாக கடைப்பிடித்து வருகிறோம்.

மறைந்த தலைவர்கள் காமராஜர், எம்ஜிஆர் பெயரைச் சொல்லுகிறோம். எனவே, அதை ஒரு குற்றச்சாட்டாக அமைச்சர் சொல்வது எந்த வகையில் நியாயம் என்றார்.
-
தினமணி

by anikuttan Thu Jul 11, 2019 7:13 am

காமராஜர் பெயரை உலகே கூறுகிறது.அவரது நிர்வாக திறமை , நேர்மையான ஆட்சி , மக்களுக்கான திட்டங்கள் , எளிய நடைமுறை போன்ற நல்ல காரணங்களால் .ஆனால் ஜெயலலிதாவின் பெயரை எதற்காக உச்சரிப்பது .சுதந்திர போராட்டத்திற்காக போரடாடியதர்காகவா .

ஜெயலலிதாவின் பெயரை குறிப்பிடுவதில் என்ன தவறு? மு.க.ஸ்டாலின்

ஜெயலலிதாவின் பெயரை குறிப்பிடுவதில் என்ன தவறு? மு.க.ஸ்டாலின்

Re: ஜெயலலிதாவின் பெயரை குறிப்பிடுவதில் என்ன தவறு? மு.க.ஸ்டாலின்