சபிக்கப்பட்டதா சென்னை? மழை வராமல் போவதற்கு வெதர்மேன் சொல்லும் காரணம்..!

by **ayyasamy ram** Thu Jun 06, 2019 3:52 am

கடந்த 180 நாட்களாக தமிழகத்தின் தலைநகரான சிங்கார
சென்னையை தவிர மற்ற எல்லா மாவட்டங்களிலும்
ஆங்காங்கே இடியுடன் கூடிய மழை பெய்து வருகிறது.

ஆனால் சென்னை இவை எல்லாவற்றையும் வேடிக்கை மட்டுமே
பார்த்துக் கொண்டிருக்கிறது. உண்மையில் கோடை காலம்
இவ்வளவு கடுமையாக இருந்ததா? அல்லது சென்னை சபிக்கப்பட்ட
மாநகரமாக மாறிவிட்டதா?,

கட்டடங்களுக்காக சாலையோர மரங்கள் இல்லாதது தான்
காரணமானா? அல்லது மாநகரில் குவிந்துள்ள மக்கள்தான்
காரணமா? என பல கேள்விகள் சென்னை வாசிகளின் எண்ண
ஓட்டத்தில் வட்டமடித்து வருகின்றன.

ஆனால் உண்மையில் கடந்த ஆண்டு தொடர்ந்து 187 நாட்கள்
சென்னையில் மழை இல்லை. கடந்த 20 ஆண்டுகள் புள்ளி
விவரத்தை பார்க்கும் போதும் புயல் மற்றும் காற்றழுத்த தாழ்வு
காரணங்களால் மட்டுமே நம்மால் மழையை பார்க்க முடிந்துள்ளது.

இது குறித்து தமிழ்நாடு வெதர்மேன் தனது முகநூல் பக்க
பதிவில் கூறியுள்ளதாவது:

சென்னையில் மழை பெய்ய வேண்டும் என்றால் வேலூர் மற்றும்
நகரி மலைகளில் மேகங்கள் உருவாகி அது சென்னை பக்கம்
நகர்ந்து வர வேண்டும்.

ஆனால் இம்முறை உருவான மேகங்கள் சேலம், தருமபுரி,
கிருஷ்ணகிரி பக்கம் நகர்ந்து சென்றுள்ளது. இதனால் இம்முறை
மட்டுமே வரும் நாட்களில் சென்னை மக்கள் மழை பெற முடியும்
என எதிர்பார்க்கப்படுகிறது.

கூடிய விரைவில் தென்மேற்கு பருவ மழை பெய்ய உள்ளது.
சென்னையில் வெப்ப சலனம் காரணமாக முதல் மழை விரைவில்
பெய்யும். ஆனால் நீரின் தேவையை தீர்க்க முடியாது என்பது
நினைவில் கொள்ளுங்கள்.

இப்போது உங்களுக்கு சென்னையில் ஏன் மழை பெய்யவில்லை?
என்ற கேள்விக்கு விடை கிடைத்திருக்கும் என்று கூறியுள்ளார்.
-
--------------------------தினமணி

by Guest Thu Jun 06, 2019 10:39 pm

நல்லார் ஒருவர் உளரேல் அவர் பொருட்டு எல்லார்க்கும் பெய்யும் மழை.
சென்னையில் நல்லவர்கள் இல்லையோ?

சென்னைக்கு பருவமழை இனி இருக்காது...?????

by **T.N.Balasubramanian** Sat Jun 08, 2019 8:14 pm

பசுமை நிறைந்த காடுகளில் மழை பொழியும்.

concrete Jungle எனப்படும் சிமிண்ட் கலவையான கட்டிடங்கள் உயர்ந்து வளர்ந்து இருக்கும்
சென்னையில் புழுதி மண் தான் படியும் .

மழை.........காண முடியாது.
கான மழை வேண்டுமானால் டிசம்பர் மாதங்களில் கேட்கலாம்.

ரமணியன்