ஈரோடு மஞ்சளுக்கு இந்திய அரசின் புவிசார் குறியீடு: தனித்தன்மை பாதுகாக்கப்பட்டுள்ளதாக விவசாயிகள், வணிகர்கள் மகிழ்ச்சி

தமிழகம்

ஈரோடு மஞ்சளுக்கு இந்திய அரசின் புவிசார் குறியீடு: தனித்தன்மை பாதுகாக்கப்பட்டுள்ளதாக விவசாயிகள், வணிகர்கள் மகிழ்ச்சி
ஈரோடு

Published : 08 Mar 2019 07:32 IST
Updated : 08 Mar 2019 07:32 IST
ஈரோடு மஞ்சளுக்கு புவிசார் குறியீடு கிடைத் துள்ளதால் அதன் தனித்தன்மை பாதுகாக்கப் பட்டுள்ளதாக விவசாயிகள் மகிழ்ச்சி அடைந்துள்ளனர்.

இந்திய அரசு கடந்த 1999-ம் ஆண்டு பல வகையான பொருட்களுக்கு புவிசார் குறியீடு பதிவு மற்றும் பாதுகாப்பு சட்டம் கொண்டு வந்தது. இதன் மூலம், புவிசார் குறியீடு வழங் கப்பட்ட பொருட்களை மற்ற பகுதியினர் விற் பனை செய்வதும், போலிகளும் தடுக்கப்படு கிறது. மஞ்சள் வகைகளில் இந்தியாவில், மகாராஷ்டிரா மாநில வைகான் மஞ்சள், ஒடிசா கந்தமால் மலை மஞ்சள் ஆகியவை புவிசார் குறியீடு பெற்றுள்ளன. இந்த வரிசையில் ஈரோடு மஞ்சளும் இடம் பெற வேண்டும் என தொடர்ந்து முயற்சி எடுக்கப்பட்டு வந்தது.

தேசிய அளவிலான மஞ்சள் சந்தையில், ஈரோடு மஞ்சளுக்கு அதிக வரவேற்பு உள்ளது. இங்கு சாகுபடி செய்யும் மஞ்சளில் குர்குமின் என்ற வேதிப்பொருளின் அளவு அதிகம் உள்ளது. இதனால், மஞ்சளின் நிறம், சுவை, மணம் வேறுபட்டதாக இருக்கும். மேலும், பல்வேறு மருத்துவ குணம் உள்ள தால், இயற்கை மருத்துவம், சித்தா மருத் துவத்தில் பலவித நோய்களுக்கு மருந்து தயாரிக்க பரிந்துரைக்கப்படுகிறது.

நன்றி
இந்து தமிழ்

இவ்வாறு சிறப்பு வாய்ந்த ஈரோடு மஞ் சளுக்கு புவிசார் குறியீடு வழங்க வேண்டும் என கடந்த 2011-ம் ஆண்டு ஈரோடு மஞ்சள் வணிகர்கள் மற்றும் கிடங்கு உரிமையாளர்கள் சங்கம் சார்பில், ஈரோடு மண்ணின் தன்மை, மஞ்சளின் தன்மை, மஞ்சள் விளையும் பகுதி களின் எல்லை குறித்த ஆவணங்களுடன், சென்னையில் உள்ள இந்திய புவிசார் குறியீடு பதிவகத்தில் விண்ணப்பிக்கப்பட்டது.

இதைத்தொடர்ந்து பலகட்ட ஆய்வுகள் மேற்கொள்ளப்பட்டன. கடந்த 4 மாதங் களுக்கு முன்னர், ஆட்சேபனை தெரிவிப்பது தொடர்பாக, புவிசார் பதிவகத்தின் ஆன் லைன் இதழில் அறிவிக்கை வெளியிடப் பட்டது. இதற்கு ஆட்சேபனை இல்லாததால், ஈரோடு மஞ்சளுக்கு புவிசார் குறியீடு வழங் கப்பட்டுள்ளது. இதனால் மஞ்சள் விவ சாயிகள், வணிகர்கள் மகிழ்ச்சி அடைந்துள்ள னர். இதன்மூலம் மஞ்சள் விலை உயர்வ துடன் ஏற்றுமதியும் அதிகரிக்க வாய்ப்பு ஏற்பட்டுள்ளது.

இதுகுறித்து இந்திய புவிசார் குறியீடு பதிவகத்தின் இணைப் பதிவாளர் சின்னராஜா நாயுடு கூறியதாவது: ஈரோடு மண்ணின் தன் மையை கொண்டு மஞ்சளுக்கு புவிசார் குறியீடு வழங்கப்பட்டுள்ளது. ஈரோடு மாவட்டம், திருப்பூர் மற்றும் கோவை ஆகிய மாவட்டங் களில் காங்கேயம், அன்னூர், தொண்டாமுத் தூர் போன்ற பகுதிகளில் விளையும் மஞ்சளுக்கு ஈரோடு மஞ்சள் என்ற பெயர் பொருந் தும். ஈரோடு விதை மஞ்சளை பிற பகுதியினர் வாங்கிச் சென்று விதைத்தாலும் அதை ஈரோடு மஞ்சளாக கருத முடியாது.

ஏனெனில் மண்ணின் அடிப்படையைக் கொண்டுதான் புவிசார் குறியீடு வழங்கப்பட்டுள்ளது. ஈரோடு மாவட்ட மண்ணில் விளைந்தால் மட்டுமே ஈரோடு மஞ்சள் என்று கருதப்படும். ஈரோடு மஞ்சள் மருத்துவ குணம் கொண்டதாகவும் இருக்கும் என்பது நிரூபிக்கப்பட்டதையடுத்து, ஈரோடு மஞ்சளுக்கு புவிசார் குறியீடு வழங்கி கவுரவிக்கப்பட்டுள்ளது. இதன்மூலம் ஈரோடு மஞ்சள் உலக அளவில் அறியப்படும் என்பதோடு, மற்ற மஞ்சளுடன் ஒப்பிடும்போது கூடுதல் விலையும் கிடைக்க வாய்ப்புள்ளது என்றார்.

by Sponsored content