மனைவிகளுக்குள் ஒத்துபோகவில்லை: இங்கிலாந்து இளவரசர்கள் இடையே பிரிவு

by **ayyasamy ram** Tue Feb 19, 2019 7:04 am

-

லண்டன்,

இங்கிலாந்து இளவரசர்களான வில்லியம் மற்றும் ஹாரி
ஆகிய இருவரும் தங்களது மனைவிகளுடன் கென்சிங்டன்
அரண்மனையில் ஒன்றாக வசித்து வருகின்றனர்.

ஹாரியின் மனைவி மேகன் மார்க்கெல் தற்போது கர்ப்பமாக
உள்ளார். அவருக்கு ஏப்ரல் அல்லது மே மாதத்தில் குழந்தை
பிறக்கலாம் என எதிர்பார்க்கப்படுகிறது.

இதற்கிடையில் திருமணம் முடிந்து மேகன் மார்க்கெல்,
கென்சிங்டன் அரண்மனைக்கு வந்ததில் இருந்தே அவருக்கும்
வில்லியமின் மனைவி கேத் மிடில்டனுக்கும் ஒத்துப்
போகவில்லை என கூறப்படுகிறது.

இதன் காரணமாக 10 ஆண்டுகளாக ஒன்றாக வசித்து வந்த
வில்லியமும், ஹாரியும் இனி தனித்தனியாக வாழ முடிவு
செய்திருப்பதாக அங்கிருந்து வரும் தகவல்கள் தெரிவிக்கின்றன.

ஹாரி-மேகன் ஜோடிக்கு குழந்தை பிறக்கும் முன்பாகவே
அவர்கள் பிராக்மோர் காட்டேஜ் அரண்மனையில்
குடியேறுவார்கள் என தெரிகிறது.

அடுத்த சில வாரங்களில் இந்த பிரிவு, முறைப்படி நடக்க
இருப்பதாக அங்கு வெளியாகும் பத்திரிகைகளில் தகவல்
வெளியாகி உள்ளது. இதைத்தொடர்ந்து, அறக்கட்டளை
மற்றும் அரசவை பணிகளை மேற்கொள்ள வில்லியம்
மற்றும் ஹாரிக்கு தனித்தனி ஊழியர்களை நியமிக்கும்
பணிகள் நடந்து வருகிறது.
-
------------------------------------
தினத்தந்தி

by Guest Tue Feb 19, 2019 2:36 pm

ஹரியும் வில்லியம்ஸ் உம் நல்ல நண்பர்கள். எப்போது ஒரு சீரியல் நடிகை உள்ளே புகுந்தாரோ அன்றே தொடங்கியது உள் நாட்டுப்போர்.

ஊரான் பிள்ளையை ஊட்டி வளர்த்தால் தன் பிள்ளை தானே வளரும்

எப்போது ஒரு பெண் உள்ளே நுழைந்தாலும் ஏன் உள் நாட்டுப் போர் ஆரம்பமாகிறது? (பெண்கள் மன்னிக்கவும்)

by **T.N.Balasubramanian** Tue Feb 19, 2019 6:45 pm

Code:: எப்போது ஒரு பெண் உள்ளே நுழைந்தாலும் ஏன் உள் நாட்டுப் போர் ஆரம்பமாகிறது? (பெண்கள் மன்னிக்கவும்)

வாழையடி வாழையாக வருவதுதானே .......இது.
நம் நாட்டில் நடக்கும் உள்நாட்டு அரசியல் என்று நினைத்திருந்தேன். சர்வ தேச அரசியலும் இப்பிடித்தான் போலிருக்கு. இதற்கு காரணமே பெண்களின் டபிள் ஸ்டாண்டர்ட் . பெண்கள் மன்னிக்கவும் .
ஈகரை படிக்கும் பெண்மணிகள் இந்த க்ரூப்பில் இல்லை என நானறிவேன்.
தங்கள் குடும்பத்தினர் எது செய்தாலும் சரி என்று நினைப்பதும் புகுந்த வீட்டில் இதே காரியத்தை யார் செய்தாலும் தவறு என்று அடித்து சொல்லி குழப்பம் உண்டாக்குவதில் சிறந்த கலைஞர்கள்.

தனி கட்டுரை எழுதுமளவிற்கு செய்திகள் உண்டு.

ரமணியன்

by Guest Tue Feb 19, 2019 11:27 pm

சீரியல் நடிகையால் பிரிந்து தனிக் குடித்தனம் போகும், பிராக் மோர் எஸ்டேட்டின் (Frogmore estate ) ஒரு வரலாற்று சம்பவம்.

இந்தியாவை ஆங்கிலேயர் ஆண்ட காலத்தில் அப்போதைய அரசி விக்டோரியாவுக்கு இந்தியாவில் இருந்து வரவழைக்கப்பட்ட பல வேலைக்கார்கள் இருந்தனர்.அவர்களில் முக்கியமானவர் அப்துல் கரீம்.
விக்டோரியாவுக்கு கரீமிடம் அலாதியான அன்பு. கரீமை அரசியே ‘முன்ஷி’ என்றுதான் அழைப்பார்.முன்ஷி என்கிற இந்தி சொல்லுக்கு ஆசிரியர் என்று பொருள்? கரீமிடம் இருந்து உருது மொழியை கற்க ஆரம்பித்தார் ராணி.

1887 ல் விக்டோரியாவின் ஐம்பதாவது பிறந்த நாளுக்கு மோஹர் என்கிற தங்க நாணயத்தை பரிசளிக்க ஆக்ராவில் இருந்து வந்த முன்ஷி கரீமுக்கு அப்போது வயது 24!
வெகு விரைவிலேயே ராணிக்கு மிகவும் நெருக்கமானவராகிவிட்ட முன்ஷிக்கு பல விலையுயர்ந்த பரிசுகளை வாரி வளங்கினார் விக்டோரியா.அப்படி வழங்கப்பட்ட பரிசுகளில் ஒன்றுதான் இந்த ஃபிராக்மோர் காட்டேஜ்.

ராணி அவ்வப்போது இந்த வீட்டுக்கு வந்து கரீமோடும் அவரது மனைவியுடனும் தேனீர் அருந்துவாராம்.ராணி இறந்த பின் -1901- கரீம் வேளியேற்றப்பட்டார்.
கரிமின் கையை பற்றியபடி விக்டோரியா.

மனைவிகளுக்குள் ஒத்துபோகவில்லை: இங்கிலாந்து இளவரசர்கள் இடையே பிரிவு Vintage-illustration-of-queen-victoria-on-the-arm-of-her-indian-picture-id451634572