உலக பேட்மிண்டன் இறுதிச் சுற்று: வென்று மகுடம் சூடினார். பி.வி.சிந்து

by **ayyasamy ram** Sat Dec 15, 2018 10:54 pm

-
குவாங்சோவ்,

‘டாப்-8’ வீரர், வீராங்கனைகள் மட்டும் பங்கேற்றுள்ள
உலக பேட்மிண்டன் இறுதிச்சுற்று போட்டி சீனாவின்
குவாங்சோவ் நகரில் நடந்து வருகிறது.

இதில் பெண்கள் ஒற்றையரில் ‘ஏ’ பிரிவில் இடம் பெற்ற
இந்திய வீராங்கனை பி.வி.சிந்து நேற்று நடந்த தனது கடைசி
லீக்கில் அமெரிக்க வீராங்கனை ஜாங் பீவெனை எதிர்
கொண்டார்.

35 நிமிடம் நடந்த இந்த ஆட்டத்தில் சிந்து 21-9, 21-15 என்ற
நேர்செட்டில் ஜாங் பீவெனை எளிதில் தோற்கடித்தார்.
தொடர்ச்சியாக 3-வது வெற்றியை ருசித்த (ஹாட்ரிக்)
பி.வி.சிந்து தனது பிரிவில் முதலிடம் பிடித்து அரை
இறுதிக்கு முன்னேறினார்.

இந்நிலையில், அரைஇறுதி போட்டியில் தாய்லாந்து
வீராங்கனை ரட்சனோக் இன்டானனை 21-16, 25-23 என்ற
செட் கணக்கில் வீழ்த்தி பி.வி.சிந்து வெற்றி பெற்றுள்ளார்.

இதனையடுத்து உலக பேட்மிண்டன் பைனல்ஸ் தொடரின்
இறுதிப் போட்டிக்கு பி.வி.சிந்து முன்னேறினார்.

இறுதிப்போட்டியில் ஜப்பான் வீராங்கனை
நோசோமி ஒகுஹராவுடன் பலப்பரீட்சை நடத்த உள்ளார்
பி.வி.சிந்து.
-
-----------------------------
தினத்தந்தி

by **T.N.Balasubramanian** Sun Dec 16, 2018 2:00 pm

குவாங்சு : உலக பேட்மிண்டன் சீரிஸ் இறுதிப்போட்டியில் இந்திய வீராங்கனை பி.வி சிந்து வென்று மகுடம் சூடினார். சீனாவில் உலக பேட்மிண்டன் சீரிஸ் போட்டி நடைபெற்றது. தொடரின் இறுதி போட்டியில் இந்திய நட்சத்திர வீராங்கனையும் உலக தர வரிசையில் 3வது இடத்தில் இருக்கும் பி.வி. சிந்து, 7வது இடத்தில் இருக்கும் ஜப்பான் வீராங்கனை நோசோமி ஒகுஹராவை எதிர்கொண்டார். பரபரப்பான இறுதிப்போட்டியில் அவர், அதிரடியாக விளையாடினார். முதல் செட்டை பிவி சிந்து 21க்கு 19 என்ற புள்ளி கணக்கில் கைப்பற்றினார். அதனை தொடர்ந்து, 2வது செட்டிலும் பி.வி. சிந்து அதிரடியை கைவிட வில்லை. 21க்கு 17 என்ற புள்ளி கணக்கில் நேர் செட்டுகளில் வீழ்த்தி சாம்பியன் பட்டத்தை கைப்பற்றினார். இதனை தொடர்ந்து, இறுதிப்போட்டியில் பெற்று வந்த தோல்விகளுக்கு அவர் முற்றுப்புள்ளி வைத்து தற்போது மகுடம் சூடியுள்ளார். அவரது இந்த வெற்றிக்கு பல்வேறு தரப்பினரும் வாழ்த்து தெரிவித்து வருகின்றனர்.

நன்றி தட்ஸ் தமிழ்

ரமணியன்

by **T.N.Balasubramanian** Sun Dec 16, 2018 2:06 pm

வாழ்த்துக்கள் சிந்து அன்பு மலர்

ரமணியன்

(தலைப்பு மாற்றப்பட்டது ---அவர் வெற்றிக்கு பிறகு)

by **ayyasamy ram** Sun Dec 16, 2018 3:49 pm

வாழ்த்துக்கள் சிந்து...
-
உலக பேட்மிண்டன் இறுதிச் சுற்று: வென்று மகுடம் சூடினார். பி.வி.சிந்து 201812161233101384_PV-Sindhu-vs-Nozomi-Okuhara-Final-PV-Sindhu-Makes-History_SECVPF