நம்மிடமே இருக்கு மருந்து - வாழை இலை!

by **ayyasamy ram** Sun Dec 09, 2018 3:14 am

விருந்து என்றாலே, தலை வாழை இலை போட்டு சாப்பாடு
பரிமாறுவது தான் வழக்கம். வாழை இலையில் சாப்பிடுவது
நம் மரபு என்றாலும், அறிவியல் பூர்வமாக சில நன்மைகள்
உள்ளன.

வாழை இலையை நேரடியாக உண்பதென்பது இயலாத
காரியம் என்பதால், இதன் மருத்துவ பண்புகள், நம்
உடலுக்குள் சென்றடையும் விதமாக, அதில்
உணவருந்துவதைப் பழக்கமாக கொண்டிருந்தனர்,
நம் முன்னோர்

*வாழை இலையில் சாப்பிடுவது சுகாதாரமானது
மட்டுமல்ல, எளிதில் மக்கும் தன்மை உடையது. அதில்
பரிமாறப்பட்ட உணவை உண்ணும் போது, உமிழ் நீர்
அதிகம் சுரந்து, செரிமானத்திற்கு உதவுகிறது

*'க்ரீன் டீ'யில் இருக்கும், 'பாலிபினால்' என்ற வேதிப்
பொருள், வாழை இலையில் அதிக அளவில் உள்ளது.
உணவு சூடாக இலையில் இடப்படும் போது, உணவுடன்
கலந்து பல நோய்களிடமிருந்து நம்மை பாதுகாக்கிறது

*இன்று, அதிகம் ஏற்படும் புற்றுநோய் உட்பட,
'பார்கின்சன்' நோய் என்ற நரம்பு சம்பந்தப்பட்ட நோய்
வராமல் நம்மை காக்கிறது

*ஆண்களுக்கு ஏற்படும், 'ப்ராஸ்ட்ரேட்' புற்றுநோயைத்
டுக்கும், 'பாலிபினால்' வாழை இலையில் அதிகளவில்
உள்ளதாக, ஆராய்ச்சிகள் தெரிவிக்கின்றன

*அபரிதமான ஆக்ஸிஜனேற்றிகள் இருப்பதால், பல தீவிர
நோய்களைத் தடுப்பதற்கும், நம் சருமப் பாதுகாப்பிற்கும்
மிகவும் சிறந்தது. இதிலிருக்கும், 'ரூட்டின்' என்ற வேதிப்
பொருள், நீரிழிவு நோயைக் கட்டுப்படுத்துகிறது.

ரத்த உறைவு, மாரடைப்பு ஏற்படாமல் தடுப்பதுடன்,
ரத்த ஓட்டத்தையும் மேம்படுத்தப்படுத்துகிறது

* உணவை சாப்பிட்டு முடித்த பின், கால்நடைகளுக்கு
உணவாகவோ அல்லது மக்கி நிலத்துக்கு உரமாகவோ
மாறிவிடுகிறது, வாழை இலை.

மாறிவிட்ட நாகரிக உலகில், செயற்கை முறைகளை
தவிர்த்து, இயற்கை தந்த வாழை இலையில் உண்டு, எ
ல்லா பலன்களும் பெறுவோம்.
-
-----------------------------
— எம்.விக்னேஷ்
வாரமலர்

இனிமேல் வாழை இலையில் தான்
சாப்பாடு என்ற முடிவுக்கு வந்து விட்டேன்.
நன்றி ஐயா

by **T.N.Balasubramanian** Mon Dec 10, 2018 6:59 pm

நலமுடன் வாழ,வந்ததே ஒரு இலை.

ரமணியன்

by **ரா.ரமேஷ்குமார்** Tue Dec 11, 2018 9:26 am

விழாக்களில் கூட இப்பொழுது வாழை இலைகள் பயன்படுத்த படுவதில்லை .. பாக்கு மட்டைகளும், பீங்கான் தட்டுகளும் தான்...

நல்லதை எல்லாம் நாகரிக வளர்ச்சி என விட்டுவிடுவது தானே நம் வழக்கம்...

by சிவனாசான் Tue Dec 11, 2018 3:15 pm

விருந்துக்கு வாழை இலை சிறப்புடையது. வாழை இலையில் உண்ணும்போதாவது வாழை மரப் பயன்களை தெரிந்துகொள்வார்கள் என்பதால் வாழைஇலை சிறப்பு.

by SK Fri Dec 14, 2018 9:40 am

கார்த்திகை தீபம் அன்று வாழை இலை வாங்கி வர சொன்னார்கள் நானும் வாங்கி வந்தேன் 1 இலை 2 ரூவா கேட்டா கம்ப்யூட்டர் இலையாம்

by **T.N.Balasubramanian** Fri Dec 14, 2018 10:52 am

இப்போதெல்லாம் வாழை இலை விலை அப்பிடித்தான்,SK.
நீங்கள் கம்ப்யுட்டர் நிபுணர் என்பதால்
வாழையிலை விற்பனையாளர் உங்களை கலாய்த்திருப்பார்.

ரமணியன்

by **krishnaamma** Fri Dec 14, 2018 1:15 pm

க்ரீன் டீ'யில் இருக்கும், 'பாலிபினால்' என்ற வேதிப்
பொருள், வாழை இலையில் அதிக அளவில் உள்ளது.
உணவு சூடாக இலையில் இடப்படும் போது, உணவுடன்
கலந்து பல நோய்களிடமிருந்து நம்மை பாதுகாக்கிறது

இதையெல்லாம் நாம் சொன்னால், நம் மக்கள் நம்ப மாட்டார்கள்.... க்ரீன் டி தான் குடிப்பார்கள் .... புன்னகை

by **krishnaamma** Fri Dec 14, 2018 1:17 pm

SK wrote:கார்த்திகை தீபம் அன்று வாழை இலை வாங்கி வர சொன்னார்கள் நானும் வாங்கி வந்தேன் 1 இலை 2 ரூவா கேட்டா கம்ப்யூட்டர் இலையாம்

ஆமாவா?.....எதைத்தான் கம்ப்யூட்டர் பெயருடன் சேர்த்து சொல்வது என்று விவஸ்த்தையே இல்லையே....ஊதுவத்தி யாச்சு , சாம்ராணி ஆச்சு....இப்பொழுது வ வாழை இலையா????? என்ன கொடுமை சார் இது

by **T.N.Balasubramanian** Fri Dec 14, 2018 5:03 pm

krishnaamma wrote:க்ரீன் டீ'யில் இருக்கும், 'பாலிபினால்' என்ற வேதிப்
பொருள், வாழை இலையில் அதிக அளவில் உள்ளது.
உணவு சூடாக இலையில் இடப்படும் போது, உணவுடன்
கலந்து பல நோய்களிடமிருந்து நம்மை பாதுகாக்கிறது

இதையெல்லாம் நாம் சொன்னால், நம் மக்கள் நம்ப மாட்டார்கள்.... க்ரீன் டி தான் குடிப்பார்கள் ....

மேற்கோள் செய்த பதிவு: 1288418

க்ரீன் சாப்பாடு வேண்டாம். க்ரீன் டீ ஏ போதுமென்கிறார்கள்.

ரமணியன்