நான் கவுல் பிராமணன்: ராகுல் அறிவிப்பு

ஜெய்பூர்:
காங்., தலைவர் ராகுல், 'நான் தத்தாத்ரேய கோத்திரத்தை
சேர்ந்தவன்; கவுல் பிராமணன்' என, ராஜஸ்தான் கோவிலில்
நடந்த பூஜையில் பங்கேற்று வெளிப்படையாகவே
அறிவித்துள்ளார்.

பா.ஜ., சரமாரி கேள்வி

குஜராத் மாநில சட்டசபை தேர்தல் பிரசாரம் முதல்,
ராகுல் பல்வேறு மாநிலங்களில் உள்ள கோவில்களில் தரிசனம்
செய்து வருகிறார். தற்போது ஐந்து மாநில தேர்தல் பிரசாரத்திலும்
அவரது கோவில் தரிசனம் தொடர்கிறது.

இந்துக்களின் ஓட்டுக்களை பெற காங்கிரசும், ராகுலும்
மென்மையான இந்துத்வாவை கடைப்பிடிக்கின்றனர்
என பா.ஜ., குற்றம் சாட்டி வருகிறது.

கடந்த அக்., மாதம் ம.பி., மாநிலம், உஜ்ஜைனியில் புகழ் பெற்ற
மகாகாலேஸ்வர் கோவிலில் ராகுல் தரிசனம் செய்தார்.
அப்போது பா.ஜ., செய்தி தொடர்பாளர் பாத்ரா, ' ராகுல் பூணுால்
அணிந்து இருக்கிறரா?

அது எந்த பிரிவை சேர்ந்த பூணுால்? அவரது கோத்திரம் என்ன?'
என, கேள்வி எழுப்பி இருந்தார். இதற்கு காங்கிரசும், ராகுலும்
பதில் கூறாமல் மவுனம் சாதித்து வந்தனர்.

பிரம்மா கோவிலில் தரிசனம்

இந்த சூழ்நிலையில், ராஜஸ்தான் மாநிலத்தில் இன்று
(நவ.,26) முதல் பிரசாரம் மேற்கொண்டார். முன்னதாக, புஸ்கர்
என்ற இடத்தில் உள்ள பிரம்மா கோவிலுக்கு சென்று அங்கு ந
டந்த பூஜையில் பங்கேற்றார்.

அப்போது பூஜாரி, ராகுலின் கோத்திரம் உள்ளிட்ட விவரங்களை
கேட்டார். அதற்கு ராகுல், 'நான் தத்தாத்ரேய கோத்திரத்தை
சேர்ந்தவன்; கவுல் பிராமணன்' என, தெரிவித்தார்.

மேலும் கையில் வைத்திருந்த ஆவணங்களின் உதவியுடன்
தனது முன்னோர்களின் பெயர்களையும் கூறினார்.

கவுல் என்றால் யார்:

கவுல் என்பது காஷ்மீர் பண்டிட்களின் குடும்ப பெயர்களில்
ஒன்று. கவுல் என்றால்,' சிறப்பாக பிறந்தவன்' என்று பொருள்
வரும். குலா என்ற சமஸ்கிருத வார்த்தையில் இருந்து கவுல்
என்ற பெயர் மருவி வந்துள்ளது.
-
------------------------------------
தினமலர்