தேநீர் கவிதை: ரசாயன அடிமைகள்

by **ayyasamy ram** Tue Nov 20, 2018 10:07 pm

பின் தொடர்ந்து
வருகிறார்கள்
-
குடிநோயாளியை
ஒரு தாயோ
தங்கையோ
மனைவியோ
மகளோ
அடிப்பதற்கு
மிரட்டுகிறான்
ஞானமற்ற பாதகன்.
-
சுவர் முட்டி நிற்கிறான்
குடிநோயாளி
குடத்துக்குள் தலை
மாட்டிய நாய்.
தப்பிக்க நினைத்து
ஓடுபவனை
விரட்டி களைத்து விட்டு விடுகிறது
மதுமிருகம்.
-
வாழ்க்கையிடம்
கற்றுக்கொள்பவன்
குடிநோயாளி...
-
வாழ்க்கைக்கு
கற்றுத்தருபவன் குடியற்ற
வாழ்க்கைக்காரன்.
-
நாடெங்கும் ரசாயன
அடிமைகள்
நோய்மை நிறைந்த வீதியெங்கும்
நீதியின் மனப்பிறழ்வு.

வெளியே கடை
உள்ளே வினை.

சண்டையிட்டு
ஜெயிக்க முடியாமல்
கடிப்பட்டு தப்பிக்க
வழியறியாமல் திகைத்து
நின்றபோது தெரிந்தது -
-
போத்தல் கரடியாக
உருவாகியிருந்தது.
எல்லா பாலினத்திலும்
உண்டு
குடிநோயாளியெனும்
நான்காம் பாலினம்.
-
கண்காணிப்பு
கேமராவுக்கு
மேல்
சட்டைப் பொத்தானை
அவள் கழற்றியபோது
ஆறாவது கோப்பை
அருந்தலின் சாகச
கொண்டாட்டமிது.
-
அவனுக்கு எதுவும்
தெரியாது
அவனை சட்டத்தின்
கண்கள்
விடாது துளைக்கும்.
-
அவனா இதைச்செய்தான்
அவனே திகைப்பூட்டும்
சகதியில்
ஞாபகத்தின் வேர்கள்

உயிரோடு இருந்தும்
மரத்து போயிருந்தன

எல்லோருக்கும் தெரியும்
உடல் ஒவ்வாமை
குடிநோய்க்காரனின்
வெறிக்கு இது நடந்து விட்டது

இருப்பினும்
மன்னிப்பில்லை.
சுவாசத்துக்குள்
அவனறியாமல்
பதுங்கிக்கொண்டு
நாள்
பார்த்துக்கொண்டிருந்தது -
மது எனும்
திரவக் காட்டேரி.
--
குடி குடியைக் கெடுக்கும்
குடிப்பழக்கம்

உடல்நலத்தையும் கெடுக்கும
பின் எதற்கு
விற்கிறார்கள்.

போதையில்
தடுமாறுகிறான்
சத்தமாக பேசி
நிதானத்திற்கு
திருப்புகிறார் தந்தை!
-
--------------------------
சீனுராமசாமி
தி இந்து - 02 Apr 2015

இவர் இதை உரைநடையாகவே
எழுதி இருந்தால் இன்னும் சிறப்பாக
இருக்கும்.

தேநீர் கவிதை: ரசாயன அடிமைகள்

தேநீர் கவிதை: ரசாயன அடிமைகள்

Re: தேநீர் கவிதை: ரசாயன அடிமைகள்