ஒரு மாணவர் கூட இல்லாத பள்ளிக்கு இரண்டு ஆசிரியை

by **ayyasamy ram** Tue Nov 13, 2018 4:38 pm

வால்பாறை:
வால்பாறை அருகே, மாணவர்களே இல்லாத பள்ளியில்,
தலைமை ஆசிரியை உட்பட இரண்டு ஆசிரியைகள்
பணியாற்றுகின்றனர்.

கோவை மாவட்டம், வால்பாறை ஒன்றியம், சின்னக்கல்லாரில்,
ஆதிதிராவிடர் அரசு நலப் பள்ளி, 1943ம் ஆண்டு துவங்கப்பட்டது.

கடந்த ஆண்டு, இந்தப் பள்ளியில், ஒரே ஒரு மாணவிக்காக,
ஒரு தலைமை ஆசிரியை உட்பட இரண்டு ஆசிரியைகள்
பணியாற்றினர்.

அந்த மாணவி, இந்த கல்வியாண்டில் சின்கோனா இரண்டாம்
பிரிவு அரசு நலப் பள்ளியில், நான்காம் வகுப்பில் சேர்க்கப்பட்டார்.

இருந்த ஒரே மாணவியும், வேறு பள்ளிக்கு சென்ற நிலையில்,
தலைமை ஆசிரியை மற்றும் ஆசிரியை என இருவர் மட்டும்,
தினமும் பள்ளிக்கு வந்து செல்கின்றனர்.

அவர்களை, தேவை இருக்கும் பள்ளிகளுக்கு மாற்றம்
செய்யாததால், அரசுக்கு பல லட்சம் ரூபாய் இழப்பு ஏற்படுகிறது.

பொள்ளாச்சி ஆதிதிராவிட நலத்துறை தனி தாசில்தார் ஜெயந்தி
கூறுகையில், ''மாணவர்கள் இல்லாததால், பள்ளியை மூட முடிவு
செய்துள்ளோம்.

ஆசிரியைகளை வேறு பள்ளிக்கு பணிமாற்றம் செய்வது குறித்து,
கல்வித் துறைக்கு முறையாக தகவல் தெரிவிக்கப்பட்டுள்ளது.
பள்ளியை நிரந்தரமாக மூடுவது குறித்து, சென்னை ஆதிதிராவிடர்
நலத்துறை இயக்குனர் தான் முடிவு செய்ய வேண்டும்,'' என்றார்.
-
----------------------------
தினமலர்

by **T.N.Balasubramanian** Tue Nov 13, 2018 4:53 pm

இதைத்தான் ஆங்கிலத்தில் red tapism என்பார்கள்.
நீதித்துறை இது மாதிரி தூங்குகின்ற அரசு அதிகாரிகளை சட்டப்பிடிக்குள் கொண்டுவரவேண்டும்.
அரசு செயல்படா தன்மை அறிந்த விஷயம் . கல்வி துறை இயக்குனருக்கு இந்த விஷயம் தெரியுமா?
மாவட்ட கல்வி அதிகாரி, வருடாந்திர சோதனைக்கு சென்று வந்தாலும் ஆச்சரியப்பட முடியாது.
விடுமுறைகளில் இயற்கை அழகை கண்டு களிக்க, சிறந்ததோர் இடம் வால்பாறை. சிரி

ரமணியன்

by **ராஜா** Tue Nov 13, 2018 8:57 pm

மக்களின் வரிப்பணத்தில் சம்பளம் வாங்குகிறோம் இப்படி சும்மா உட்கார்ந்துருக்கிறோமே என்ற உறுத்தல் கொஞ்சம் கூட இல்லாம எப்படி தான் இவர்களால் மாதாமாதம் சம்பளம் வாங்க முடிந்ததோ.

ராஜா wrote:மக்களின் வரிப்பணத்தில் சம்பளம் வாங்குகிறோம் இப்படி சும்மா உட்கார்ந்துருக்கிறோமே என்ற உறுத்தல் கொஞ்சம் கூட இல்லாம எப்படி தான் இவர்களால் மாதாமாதம் சம்பளம் வாங்க முடிந்ததோ.

மேற்கோள் செய்த பதிவு: 1285601
இரண்டு பேருக்கும் மாதம் எப்படியும் ஒரு லட்சம் தானே செலவு.
எப்படியோ அந்த இடத்தில் ஒரு பள்ளி இருக்கிறது அதற்கு இரண்டு ஆசிரியர்
எவனும் இதை பற்றி சிந்திக்கவே மாட்டார்கள் போல் தோன்றுகிறது.
மக்கள் வரிப்பணம் இப்படியெல்லாம் கொள்ளை போகிறது.

by Sponsored content

ஒரு மாணவர் கூட இல்லாத பள்ளிக்கு இரண்டு ஆசிரியை

ஒரு மாணவர் கூட இல்லாத பள்ளிக்கு இரண்டு ஆசிரியை

Re: ஒரு மாணவர் கூட இல்லாத பள்ளிக்கு இரண்டு ஆசிரியை

Re: ஒரு மாணவர் கூட இல்லாத பள்ளிக்கு இரண்டு ஆசிரியை

Re: ஒரு மாணவர் கூட இல்லாத பள்ளிக்கு இரண்டு ஆசிரியை

Re: ஒரு மாணவர் கூட இல்லாத பள்ளிக்கு இரண்டு ஆசிரியை