சினிமா - தினத்தந்தி

by **ayyasamy ram** Fri Nov 09, 2018 7:32 am

ஆட்டோ டிரைவராக சாய்பல்லவி
-
சினிமா - தினத்தந்தி 201811082259131752_Sai-Pallavi-as-Auto-Driver_SECVPF

-
பாலாஜி மோகன் இயக்கத்தில் தனுஷ் நடித்த மாரி படம்
2015–ல் வெளியாகி ரசிகர்கள் மத்தியில் வரவேற்பை
பெற்றது.

இதில் காஜல் அகர்வால் கதாநாயகியாக நடித்து இருந்தார்.
தற்போது இதன் இரண்டாம் பாகம் ‘மாரி–2’ என்ற
பெயரில் தயாராகி உள்ளது.

இதில் தனுஷ் ஜோடியாக சாய்பல்லவி நடித்துள்ளார்.

மலையாள நடிகர் டோவினோ தாமஸ் வில்லனாக
வருகிறார். வரலட்சுமி சரத்குமார், வித்யா பிரதீப்,
ரோபோ சங்கர் ஆகியோரும் உள்ளனர்.

யுவன் ‌ஷங்கர் ராஜா இசையமைத்துள்ளார்.
அதிரடி மற்றும் நகைச்சுவை படமாக மாரி–2
உருவாகி உள்ளது. தனுசே தயாரித்து உள்ளார்.

இதன் படப்பிடிப்பு முடிந்து டப்பிங், ரீ ரிக்கார்டிங்,
கிராபிக்ஸ் பணிகள் நடந்து வருகின்றன. அடுத்த மாதம்
படம் திரைக்கு வருகிறது. இந்த நிலையில் படத்தில்
சாய்பல்லவி ஆட்டோ டிரைவராக நடிக்கும் அராத்து
ஆனந்தி என்ற கதாபாத்திரத்தின் முதல் தோற்றத்தை
படக்குழுவினர் வெளியிட்டு உள்ளனர்.

இந்த புகைப்படம் சமூக வலைத்தளத்தில் பரவி இந்திய
அளவில் டிரென்டிங் ஆகி வருகிறது. சாய் பல்லவியின்
வித்தியாசமான தோற்றத்தை ரசிகர்கள் பாராட்டி
வருகிறார்கள்.

சாய்பல்லவி ஏற்கனவே தியா படத்தில் நடித்துள்ளார்.
சூர்யா ஜோடியாக என்.ஜி.கே படத்திலும் நடித்து வருகிறார்.
–
————————–
தினத்தந்தி

by **ayyasamy ram** Fri Nov 09, 2018 7:34 am

டைரக்டராகும் நடிகர் விஷால்
-
சினிமா - தினத்தந்தி 201811082307148030_Actor-Vishal-Becomes-Director_SECVPF

-
விஷால் டைரக்டர் அவதாரம் எடுக்கிறார்.
அதற்கான பணிகள் முழுவீச்சில் நடக்கின்றன.
அவர் இயக்க உள்ள முதல் படம் விலங்குகளை பற்றியது.

மொழிகளை கடந்து பல நாடுகளில் வெற்றி பெற்ற
ஹாலிவுட் படங்களுக்கு இணையான கதையம்சத்தில்
இந்த படம் இருக்கும் என்கின்றனர் படக்குழுவினர்.

தெருநாய்களும் முக்கிய கதாபாத்திரங்களாக இருக்கும்.
இதில் முக்கிய கதாபாத்திரத்தில் பிரபல நடிகை ஒருவர்
நடிக்க உள்ளார்.

விஷால் ஏற்கனவே விலங்குகளுக்கு ஆதரவாக பேசி
வருகிறார். விலங்குகளை சுட்டுகொல்வதற்கு எதிராகவும்
குரல் கொடுத்துள்ளார்.

நீண்டகாலமாக யோசித்து வைத்திருந்த விலங்குகள்
சம்பந்தமான கதை இப்போது இறுதி வடிவத்துக்கு
வந்துள்ளது என்றும் இன்னும் சில மாதங்களில் படத்தின்
தலைப்பு நடிகர்கள் விவரங்கள் அறிவிக்கப்படும் என்றும்
கூறப்படுகிறது.

ஏற்கனவே நடிகர் அர்ஜூன் இயக்கிய படங்களில்
விஷால் உதவி இயக்குனராக பணியாற்றி உள்ளார்.
இப்போது, அயோக்கியா படத்தில் நடித்து வருகிறார்.
–
———————————–
தினத்தந்தி

by **ayyasamy ram** Fri Nov 09, 2018 7:44 am

மும்பை போலீசில் நடிகை அக்‌ஷராஹாசன் புகார்
-
சினிமா - தினத்தந்தி 201811082250106570_Actress-Akshara-Hassan-complains-to-police-in-Mumbai_SECVPF

நடிகர் கமல்ஹாசனின் இரண்டாவது மகளான அக்‌ஷராஹாசன்
‘‌ஷமிதாப்’ என்ற இந்தி படத்தில் அறிமுகமாகி தொடர்ந்து நடித்து
வருகிறார். தமிழில் ‘விவேகம்’ படத்தில் நடித்துள்ளார்.

அக்‌ஷராஹாசனின் கவர்ச்சி படங்கள் இணையதளத்தில்
வெளியாகி பரபரப்பை ஏற்படுத்தி உள்ளது.
இவை சமூக வலைத்தளங்களிலும் பரவி வருகிறது.

இதனால் அதிர்ச்சியான அக்‌ஷராஹாசன்,
‘‘சினிமா படப்பிடிப்புக்காக இந்த புகைப்படங்கள் எடுக்கப்பட்டன.
இது எனது தொழில் ரீதியிலான வி‌ஷயம். இதற்கு ஏன் விமர்சனங்கள் கிளம்புகின்றன என்று புரியவில்லை.

எனது அனுமதி இல்லாமல் இந்த படங்களை வெளியிட்டு உள்ளனர்.
இது குறித்து போலீசில் புகார் செய்வேன்’’ என்றார்.

இந்த நிலையில் மும்பை போலீசில் அக்‌ஷராஹாசன் புகார்
அளித்துள்ளார். அந்த புகாரில், ‘‘எனது அந்தரங்க படங்களை எனக்கு தெரியாமல் யாரோ சட்ட விரோதமாக இணையதளத்தில்
வெளியிட்டு உள்ளனர்.

புகைப்படங்களை வெளியிட்டவர்கள் மீது நடவடிக்கை எடுக்க
வேண்டும்’’ என்று கூறியுள்ளார்.

தினத்தந்தி

by **ayyasamy ram** Fri Nov 09, 2018 7:51 am

10 கோடி பார்வையாளர்களை கடந்த ஷாருக்கானின் ஜீரோ
-
சினிமா - தினத்தந்தி 201811071544299185_zero-trailer-will-cross-100m-views-in-this-week_SECVPF

-
மும்பை,

அண்மையில் வெளியிடப்பட்ட நடிகர் ஷாருக்கானின்
ஜீரோ பட டிரெய்லர், இதுவரை யூடியூபில் எந்த ஒரு இந்திய
படத்தின் டிரெய்லரும் செய்திராத சாதனையை
படைத்துள்ளது.

பாலிவுட்டின் முன்னணி நடிகரான ஷாருக்கான் நடிப்பில்
கிறிஸ்துமஸ் அன்று வெளியாகவுள்ள திரைப்படம் தான்
ஜீரோ.

இதில் கத்ரினா கைஃப், அனுஷ்கா சர்மா, மாதவன்,
அபே தியோல் ஆகியோர் நடித்துள்ளனர். இப்படத்தின்
டீஸர் மற்றும் இரண்டு போஸ்டர்கள் வெளியான நிலையில்
இப்படத்திற்கான எதிர்பார்ப்பு ரசிகர்களிடையே எகிறியது.

இந்நிலையில் ஷாருக்கானின் பிறந்த தினமான கடந்த
நவம்பர் 2ஆம் தேதியன்று ஜீரோ படத்தின் டிரெய்லர்,
மும்பையில் நடைபெற்ற விழா ஒன்றில் வெளியிடப்பட்டது.

இப்படத்தின் டிரெய்லர் வெளியானது முதலே ரசிகர்களிடம்
ஏகோபித்த வரவேற்பைப் பெற்றது. டிரெய்லர் வெளியான
24 மணி நேரத்தில் 5.5 கோடி பார்வையாளர்கள்
பார்த்துள்ளனர். இதன் மூலம் வெளியிடப்பட்ட 24 மணி
நேரத்தில் அதிகமாக பார்க்கப்பட்ட இந்திய திரைப்படத்தின்
டிரெய்லர் என்ற சாதனை புரிந்துள்ளது.

இரண்டாவது நாளில் 8.5 கோடி பார்வையாளர்கள் அதனை
பார்த்திருந்தனர்.

தற்போது டிரெய்லர் வெளியான 96 மணி நேரங்களுக்குள்
(4 நாட்கள்) அதன் பார்வையாளர்கள் எண்ணிக்கை
10 கோடியாக உயர்ந்துள்ளது.
இது மேலும் ஒரு புதிய சாதனையாக பார்க்கப்படுகிறது.

இதன் மூலம் இதற்கு முன்னதாக படைக்கப்பட்ட அனைத்து
சாதனைகளையும் ஜீரோ டிரெய்லர் முறியடித்து புதிய
சாதனை படைத்துள்ளது.
-
----------------------------------
தினத்தந்தி