தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

by **சிவா** Tue Oct 23, 2018 3:21 pm

புது தில்லி: நாடு முழுவதும் தீபாவளியன்று இரண்டு மணி நேரம் மட்டுமே பட்டாசு வெடிக்க உச்ச நீதிமன்றம் அனுமதி வழங்கியுள்ளது.

நாடு முழுவதும் பட்டாசு வெடிக்கத் தடை விதிக்கக் கோரிய வழக்கில் உச்ச நீதிமன்றம் இன்று தீர்ப்பளித்தது. அதில், பட்டாசுகளை தயாரிக்கவோ, விற்பனை செய்யவோ தடையில்லை என்று தீர்ப்பளித்துள்ளது.

ஆனால், உற்பத்தி, விற்பனை என பல்வேறு கட்டுப்பாடுகளை விதித்த உச்ச நீதிமன்றம், பட்டாசு வெடிக்கவும் கட்டுப்பாடு விதித்திருப்பது, உச்ச நீதிமன்றத்தின் தீர்ப்பின் நகல் மூலம் தற்போது தெரிய வந்துள்ளது.

அதன்படி, தீபாவளி பண்டிகையின் போது நாள் முழுக்க பட்டாசு வெடிக்க அனுமதி வழங்கப்படவில்லை. அதற்கு மாறாக தீபாவளி அன்று இரவு 8 மணி முதல் 10 மணி வரை அதாவது 2 மணி நேரம் மட்டுமே பட்டாசு வெடிக்கலாம் என்று அனுமதி வழங்கியுள்ளது.

இந்த உத்தரவு நாடு முழுவதும் உள்ள அனைத்து கிராமங்களுக்கும், அனைத்து நகரங்களுக்கும் பொருந்தும் என்றும், இந்த விதிமுறை கட்டாயமாகப் பின்பற்றப்பட வேண்டும் என்று உச்ச நீதிமன்றம் குறிப்பிட்டுள்ளது.

மேலும், தனியார் நிகழ்ச்சிகளில் அனுமதி பெற்று பசுமைப் பட்டாசுகளை வெடிக்க வேண்டும் என்றும், திருமணம் உள்ளிட்ட நிகழ்வுகளில் குறைந்த மாசை உமிழும் பட்டாசுகளுக்கு மட்டுமே அனுமதி வழங்கப்படும் என்றும் தெரிவிக்கப்பட்டு உள்ளது.

தில்லியில் குறிப்பிட்ட ஒரு சில இடங்களில் மட்டுமே பட்டாசுகளை வெடிக்க அனுமதிக்கப்படுவதாகவும், பட்டாசு வெடிக்க உடனடியாகத் தடை விதித்துவிட முடியாது என்றும், படிப்படியாகத்தான் கொண்டு வர முடியும் என்றும் தங்களது தீர்ப்பில் நீதிபதிகள் குறிப்பிட்டுள்ளனர்.

by **சிவா** Tue Oct 23, 2018 3:24 pm

https://eegarai.darkbb.com/t148899-topic#1282718

இன்னும் சில வருடங்களில் தீபாவளியே கொண்டாடக் கூடாது எனத் தீர்ப்பு வந்தாலும் வரலாம்.

by **ரா.ரமேஷ்குமார்** Tue Oct 23, 2018 7:12 pm

தீபாவளி கொண்டாட இணையம் உள்ளது இன்னும் சில இடங்களில் தொலைக்காட்சி உள்ளது புதிய திரைப்படங்கள் உள்ளது... இனி பட்டாசு வெடிப்பது மெல்ல சாகும் ... தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம் 1f613

தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம் 1f613

புகையிலை பொருட்களை உற்பத்தி செய்ய கூடாது என சட்டம் போட்டால் பாராட்டலாம் ...

by **krishnaamma** Tue Oct 23, 2018 8:19 pm

மஹா அபத்தம்..... கோபம்

....கிடக்கட்டும்கிடக்கட்டும் என்று பார்த்தால்.... கிழவியை தூக்கி மனை இல் வைக்க சொல்கிறார்கள்..... கோபம்

by **krishnaamma** Tue Oct 23, 2018 8:20 pm

சிவா wrote:https://eegarai.darkbb.com/t148899-topic#1282718

இன்னும் சில வருடங்களில் தீபாவளியே கொண்டாடக் கூடாது எனத் தீர்ப்பு வந்தாலும் வரலாம்.

மேற்கோள் செய்த பதிவு: 1282719

உற்பத்தி செய்யலாமாம், ஆனால் குறைந்த நேரத்தில் எல்லாவற்றையும் வெடிக்க வேண்டுமாம்...கருமம்.... என்ன கொடுமை சார் இது

by **krishnaamma** Tue Oct 23, 2018 8:22 pm

ரா.ரமேஷ்குமார் wrote:தீபாவளி கொண்டாட இணையம் உள்ளது இன்னும் சில இடங்களில் தொலைக்காட்சி உள்ளது புதிய திரைப்படங்கள் உள்ளது... இனி பட்டாசு வெடிப்பது மெல்ல சாகும் ...

புகையிலை பொருட்களை உற்பத்தி செய்ய கூடாது என சட்டம் போட்டால் பாராட்டலாம் ...

மேற்கோள் செய்த பதிவு: 1282745

காற்று மாசு அடைகிறது என்றால் எத்தனை எத்தனை வண்டிகள் புகை உமிழுகிறது, அதை குறைக்க வழி செய்ய வேண்டியது தானே...மேலும் நம் இந்து பண்டிகைகளை குறிவைத்தே செய்வது போல உள்ளது.... சோகம்

by **ராஜா** Wed Oct 24, 2018 9:48 am

இது போல "பொது நல வழக்குகளை" போடுறவங்க நாலு பேரை போட்டா அதுக்கப்புறம் திருந்துவானுங்க.

by **சிவா** Wed Oct 24, 2018 11:48 am

இப்படியெல்லாம் தீர்ப்பு வந்துவிடுமோ? என்று பயமாக உள்ளது: பட்டாசு தீர்ப்பு குறித்து எச்.ராஜா

நேற்று சுப்ரீம் கோர்ட் வெளியிட்ட பட்டாசு குறித்த தீர்ப்பு சமூக வலைத்தளங்களில் பெரும் பரபரப்பை ஏற்படுத்தியுள்ளது. பட்டாசு தயாரிக்க மற்றும் வெடிக்க தடை இல்லை என்று சுப்ரீம் கோர்ட் உத்தரவிட்டபோதிலும் இரவு 8 முதல் 10 மணி வரை மட்டுமே பட்டாசுகள் வெடிக்க வேண்டும் என்று சுப்ரீம் கோர்ட் நிபந்தனை விதித்திருப்பது அனைவரையும் அதிருப்திக்கு உள்ளாக்கியுள்ளது.

இதுகுறித்து பாஜக தேசிய செயலாளர் எச்.ராஜா நேற்று ராஜபாளையத்தில் அளித்த பேட்டியின்போது கூறியதாவது: தீபாவளி என்றாலே குழந்தைகள் முதல் பெரியவர்கள் வரை அதிகாலை எழுந்து குளித்துவிட்டு புத்தாடை அணிந்து பட்டாசு வெடிப்பதுதான் வழக்கம். ஆனால் இரவு 8 மணிக்கு மேல் தான் பட்டாசு வெடிக்க வேண்டும் என்ற சுப்ரீம் கோர்ட் தீர்ப்பு நிச்சயம் பரிசீலிக்கப்பட வேண்டிய ஒன்று

இப்படியே போனால் தீபாவளிக்கு புத்தாடை அணியக்கூடாது என்று கூட தீர்ப்பு வந்துவிடுமோ' என்ற பயம் ஏற்படுகிறது என்று எச்.ராஜா கூறியுள்ளார்.

by Sponsored content

தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

Re: தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

Re: தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

Re: தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

Re: தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

Re: தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

Re: தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

Re: தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்

Re: தீபாவளியன்று இரண்டு மணி நேரம் மட்டுமே பட்டாசு வெடிக்க அனுமதி: உச்ச நீதிமன்றம்