திரைப்பட செய்திகள்

by **ayyasamy ram** Mon Sep 24, 2018 11:23 am

-
ரஜினிகாந்தின் இரண்டு முகம்!

விஜய்யின் தந்தை, எஸ்.ஏ.சந்திரசேகரன் இயக்கத்தில்,
1985ல், ரஜினி நடித்த, நான் சிகப்பு மனிதன் படத்தில்,
பகலில், கல்லுாரி பேராசிரியராகவும், இரவில்,
தாதாவாகவும் நடித்துள்ளார்.

அதேபோன்று, தற்போது நடித்து வரும், பேட்ட படத்திலும்,
பகலில், கல்லுாரி வார்டனாகவும், இரவில், பேட்ட
ரவுடிகளை துவம்சம் செய்யும், 'டான்' ஆகவும் நடிக்கிறார்.

இது, அதிரடியான வேடம் என்பதால், ரஜினியின்
இடப்பக்க கன்னத்தில், ஒரு மருவும் வைத்து, பக்காவான
, 'டான்'ஆகவே மாற்றியுள்ளார், இயக்குனர், கார்த்திக்
சுப்பராஜ்.
-
-----------------------
— சினிமா பொன்னையா

by **ayyasamy ram** Mon Sep 24, 2018 11:24 am

த்ரிஷாவின் புகழ்பாடும் நடிகர்!
-
விஜயசேதுபதியும், த்ரிஷாவும், 96 என்ற படத்தில்
இணைந்து நடித்துள்ளனர். இப்படத்தில் பள்ளிப்பருவம்,
இளமைக்காலம், நடுத்தர வயது என, மூன்று
கெட்டப்புகளில் நடித்துள்ளார், த்ரிஷா.

இந்த கெட்டப்புகளுக்காக அவர், தன் உடலை வருத்தி
நடித்ததைப் பார்த்த விஜயசேதுபதி, 'த்ரிஷா
சினிமாவுக்கு கிடைத்த பொக்கிஷம்; இந்த மாதிரியான
ஒரு சிறந்த நடிகையுடன் நடிக்க கிடைத்த வாய்ப்பை
பெருமையாக கருதுகிறேன்.

தொடர்ந்து நடிக்கவும் காத்திருக்கிறேன்...' என்று,
த்ரிஷாவின் புகழ் பாடுகிறார்.
-
------------------------------------
— சி.பொ.,

by **ayyasamy ram** Mon Sep 24, 2018 11:24 am

ரம்யா நம்பீசனுக்கு ஆதரவு கொடுத்த, பாபி சிம்ஹா!
-
நடிகை பாவனா, பிரச்னையில் கைது செய்யப்பட்டதை,
அடுத்து, மலையாள நடிகர் சங்கத்தில் இருந்து
நீக்கப்பட்டார் நடிகர் திலீப்.

நடிகர் மோகன்லால், மலையாள நடிகர்சங்க
தலைவரானதும், திலீப்பை மீண்டும் நடிகர் சங்கத்தில்
இணைத்ததற்கு எதிர்ப்பு தெரிவித்து, கொடி பிடித்த
நடிகைகளில் ரம்யா நம்பீசனும் ஒருவர்.

அதனால், அவருக்கு மலையாளத்தில் பட வாய்ப்புகள்
கிடைக்காததால், கோலிவுட்டே கதியென்று கிடக்கிறார்.

அவரை, அக்னிதேவ் என்ற படம் மூலம் ஆதரித்துள்ளார்,
பாபி சிம்ஹா. கிடந்த கிடைக்கு, நடந்த நடை மேல்!
-
---------------------------------
— எலீசா

by **ayyasamy ram** Mon Sep 24, 2018 11:24 am

திருமணமாகாமலேயே அம்மாவான கதை!
-
காக்கா முட்டை படத்தில், இரண்டு பையன்களுக்கு
அம்மாவாக நடித்தவர், ஐஸ்வர்யா ராஜேஷ்.

அதையடுத்து, ஆறாது சினம் மற்றும் லட்சுமி ஆகிய
படங்களிலும் அம்மா வேடங்களில் நடித்தார். இதுபற்றி
அவர் கூறுகையில், 'அம்மா வேடங்களை நானாக
விரும்பி ஏற்பதில்லை. அந்த மாதிரி வேடங்கள் என்னை
இயல்பாக காண்பித்து விட்டன.

அதோடு, சில படங்களில் கதையில் ஐக்கியமாகி
நடிப்பதால், என்னை ஒரு அம்மாவாகவே உணர்கிறேன்.
அவ்வகையில் திருமணமாகாமலேயே அம்மாவாகி
விட்டது போன்ற உணர்வை, சில படங்கள் கொடுத்து
விட்டன...' என்கிறார்.

தாருக்கும் அகப்படாமல், தாழ்பாளுக்கும் அகப்படாமல்!
-
-------------------------------
— எலீசா

by **ayyasamy ram** Mon Sep 24, 2018 11:25 am

கர்ணன், 'கெட்டப்'பில் விக்ரம்!

பீமா படத்தில், விக்ரம் நடித்தபோது, தன் உடற்கட்டை
கம்பீரமாக்கி நடித்தார். அதையடுத்து, இந்தியில்
அவர் நடிக்கயிருக்கும், கர்ணன் என்ற சரித்திர
படத்திற்காக, பீமா படத்தை விடவும், அதிக வெயிட்
போட்டு வருகிறார்.

கூடவே, சரித்திர கால சண்டை பயிற்சிகளையும்
எடுத்து வரும் விக்ரம், 'இந்த படம் வெளியாகும் வரை,
இதே உடற்கட்டுடன் வெளியில் தலை காட்டுவதை
தவிர்க்கிறேன்...' என்கிறார்.
-
------------------------------
— சினிமா பொன்னையா

by **ayyasamy ram** Mon Sep 24, 2018 11:25 am

திரைப்பட செய்திகள் 201808121111211436_Raai-Laxmi-Became-Cinderella_SECVPF

.
சினி துளிகள்!
-
* நீயா-2 படத்தை அடுத்து, சிண்ட்ரல்லா என்ற
படத்தில் நடிக்கிறார், ராய்லட்சுமி.

* ஜூங்கா படத்தின் வெற்றியைத் தொடர்ந்து,
கே.வி.ஆனந்த் இயக்கும் படத்தில் நடிக்கிறார்,
சாயிஷா சாய்கல்.
-
-----------------------------
வாரமலர்

by **ayyasamy ram** Mon Sep 24, 2018 11:29 am

திரைப்பட செய்திகள் 201809231325346634_Vijayakanth-wished-Vijay_SECVPF

-

ஐஏஆர்ஏ என்ற சர்வதேச விருதுக்கு நடிகர் விஜய் பெயர்
பரிந்துரை செய்யப்பட்டது. மெர்சல் படத்தில் நடித்ததற்காக
சிறந்த சர்வதேச நடிகராக தேர்வு செய்யப்பட்டிருக்கிறார்.

இதற்கு திரைப்பிரபலங்கள், ரசிகர்கள் உள்ளிட்ட பலர்
விஜய்க்கு வாழ்த்து கூறி வருகின்றனர்.
இந்நிலையில், நடிகரும், தேமுதிக கட்சியின் தலைவருமான
விஜயகாந்த் வாழ்த்து கூறியிருக்கிறார்.
-
----------------
மாலைமலர்

by Sponsored content

திரைப்பட செய்திகள்

திரைப்பட செய்திகள்

Re: திரைப்பட செய்திகள்

Re: திரைப்பட செய்திகள்

Re: திரைப்பட செய்திகள்

Re: திரைப்பட செய்திகள்

Re: திரைப்பட செய்திகள்

Re: திரைப்பட செய்திகள்

Re: திரைப்பட செய்திகள்