தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம்

by **ayyasamy ram** Fri Sep 14, 2018 3:42 pm

தலைக்கு மேல் தனம் வந்தாலும் தலகாணியின் மேல் உட்காராதே.
-
பழமொழி விளக்கம்
------------------

தலயணை என்பது தான் பேச்சு வழக்கில் தலகாணி
ஆனது. நாம் படுக்கும் போது நம் தலையை அணைத்துத்
தாங்கிடும் ஒன்று தலையணை.

தூங்கும் போது அனிச்சா தசைகளால் ஆன உறுப்புகளான
இதயம் சுவாசப் பை தவிற மற்றவற்றுக்கு வேலை இல்லை.
அவற்றை இயக்கிடும் மூளைக்கும் அதிக வேலை இல்லை.

ஆகவே உடலின் நிலையை விடத் தலையின் நிலை சற்றே
உயரத்தில் இருந்தால் நல்லது.

மல்லாந்து படுத்திருக்கும் போது உடலின் மற்ற பாகங்களை
விட சற்றே அதிக உயரத்திலும், பக்க வாட்டில் திரும்பிப்
படுத்திருக்கும் போது அதை விட சிறிது அதிக உயரத்திலும்
வைத்துப் படுத்தால் நம் கழுத்துக்கும் சிரமம் இருக்காது.
இதற்குத் தோதான ஒன்றுதான் தலையணை.

நமக்கு இதமாக இருக்கக் கூடியது இலவன் பஞ்சடைத்த
தலயணை.

ஒரு மனிதனின் சராசரி எடை சுமார் 60 கிலோவில் இருந்து
80 கிலோ வரை இருக்கலாம். அதில் அவன் தலையின் எடை
சுமார் 4 கிலோக்களே.

தலையணையின் மீது தலையை வைத்துப் படுக்கும் போது
அது சிறிதளவு அமுங்கிடும். பின் நாம் எழுந்த பின் அது
பழைய நிலைக்குத் திரும்பிடும் ஓரளவுக்கு. ஆனால் அதே
தலையணையின் மீது நாம் அமர்ந்தால் உம் உடல் கனம்
முழுவதுமாக தலையணையை அழுத்தி அதனை
சப்பையாக்கி விடும் வாய்ப்பு அதிகம்.

பின் அந்தத் தலையணை தலைக்கு வித்திட தோதாக இருக்காது.
அதனால் தான் வந்ததோ அப்பழமொழி!
-
------------------------
படித்ததில் பிடித்தது

by **ayyasamy ram** Fri Sep 14, 2018 3:49 pm

உண்மை அறிக - சிறுவர் பாடல் பகுதியில்
இப்பழமொழி விளக்கம் மறுமொழியில்
இடம் பெற்றதால் பலருக்கும் சென்றடையவில்லை
-
எனவே தனி திரியாக பதிவிட்டுள்ளேன்.
-
----------
-

by SK Fri Sep 14, 2018 4:02 pm

அருமை ஐயா நானும் கூட அந்த பதிவை பார்க்கவில்லை

by **T.N.Balasubramanian** Fri Sep 14, 2018 4:22 pm

எந்தன் கருத்து மறுமுறை.

கேள்விப்படாத பழமொழி என்பதால்
தமிழ் பழமொழிகள் பக்கம் தேடினேன்.
விக்கியில் தேடும்போது ,இந்த பழமொழி இருப்பது போல்
தெரியவில்லை.
திருவாளர் ஜெகதீசன் /பழமுத்துராமலிங்கம் அவர்களுக்கு
தெரிந்திருக்கலாம்.
ரமணியன்
@Mjagadeesan
@pazhamuthuramalingam

by **சிவா** Fri Sep 14, 2018 7:12 pm

இந்த இடுகை காலச்சுவடு பகுதியிலிருந்து பொது அறிவு பகுதிக்கு மாற்றப்பட்டது

by **T.N.Balasubramanian** Sat Sep 15, 2018 5:40 pm

இந்த பழமொழி எங்கு தேடினும் கிடைக்கவில்லை.
உங்களுக்கு எந்த பதிவில் கிடைத்தது , ayyasami ram
அல்லது பராபரியாக காதில் விழுந்ததா?

ரமணியன்
@ayyasamiram

by **M.Jagadeesan** Sat Sep 15, 2018 5:58 pm

ஐயா !

நானும் இப்பழமொழியை இதுவரையில் கேள்விப்பட்டதில்லை !

தலைக்கு மேலே வெள்ளம் போனால் சாண் என்ன முழம் என்ன ?

என்ற பழமொழியைத்தான் கேட்டிருக்கிறேன் .

மேலும் தலையணையின் மீது உட்கார்ந்தால் என்ன தவறு ? சிலர் காலுக்குக்கூட தலையணையை வைத்துக் கொள்கிறார்கள் ! விளக்கம் தேவை .

மேலும் தலையணை மந்திரம் என்றால் என்ன ? மனைவி சொல் கேட்பதா ? கேட்டால் என்ன தவறு ?
There is a woman behind every successful man என்றுதானே சொல்கிறார்கள் .

புகழ்புரிந்த இல்லிலோர்க் கில்லை இகழ்வார்முன்
ஏறுபோல் பீடு நடை .

என்பதுதானே திருக்குறள் .

பெருமைமிக்க மனைவியைப் பெற்றவன் , பகைவர் முன்பாக சிங்கம்போல் நடப்பான் என்று வள்ளுவர் கூறுகிறார் . எனவே தலையணை மந்திரம் நல்லதாக இருந்தால் அதை ஏற்றுக் கொள்வதில் தவறில்லை என்று கருதுகிறேன் .

by சிவனாசான் Mon Sep 17, 2018 10:13 pm

இக்கால பழ ( புது)மொழியாக கொள்வோமே. தலைக்கு அனைத்து படுத்துக்கொள்வதால் தலையணை என்ற பேர் பெற்றதோ....

by **T.N.Balasubramanian** Mon Sep 17, 2018 10:27 pm

பதிவு #6 கு பதிலை ayyasami ram அவர்களிடம் இருந்து
வருவதற்காக காத்திருக்கிறோம்.

ரமணியன்
@ayyasamiram

by SK Tue Sep 18, 2018 11:35 am

ஒரு வேளை இந்த திரை படத்திற்கும் பழமொழிக்கு சம்மந்தம் இருக்குமோ

தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம் FDV2LOHtS8SWZadBk59F+hqdefault