நாடு முழுவதும் எதிர்க்கட்சிகள் ரயில், சாலை மறியல்

by **ayyasamy ram** Mon Sep 10, 2018 9:19 am

புதுடில்லி :
பெட்ரோல் - டீசல் விலை உயர்வை எதிர்த்து எதிர்க்கட்சிகள்
இன்று நாடு முழுவதும் முழு கடையடைப்பு போராட்டம்
நடத்தி வருகின்றன.

பாரத் பந்த் காரணமாக ஒடிசாவில் காங்கிரஸ் கட்சியினர்
ரயில் மறியல் போராட்டம் நடத்தி வருகின்றன.

ஆந்திரமாவின் விமாகப்பட்டினம் பகுதியில் மார்க்சிஸ்ட்
கட்சி சார்பில் சாலை மறியல் போராட்டம் நடத்தப்பட்டு
வருகிறது.

தெலுங்கானாவின் பல்வேறு மாவட்டங்களில் காங்கிரசார்
சாலை மறியல் போராட்டம் நடத்தி வருகின்றன.

இதே போன்று ஆந்திராவின் விஜயவாடா பகுதியில் பெட்ரோல்,
டீசல் விலை உயர்வை கண்டித்து இடதுசாரிகள் கட்சிகள்
மறியல் போராட்டம் நடத்தி வருகின்றனர்.
-
------------

by **ayyasamy ram** Mon Sep 10, 2018 9:21 am

பாரத் பந்த் : தமிழகத்தில் பாதிப்பில்லை

சென்னை :
பெட்ரோல், டீசல் விலை உயர்வுக்கு எதிர்ப்பு தெரிவித்து எதிர்க்கட்சிகள் இன்று (செப்.,10) நாடு முழுவதும் வேலைநிறுத்த போராட்டம் நடத்தி வருகின்றன. இருப்பினும் இந்த பந்த்தால் தமிழகத்தில் பெரிய அளவில் பாதிப்பும் இல்லை.

சென்னை, சேலம் உள்ளிட்ட நகரங்களில் வழக்கம் போல் வாகனங்கள் இயக்கப்பட்டு வருகின்றன. சென்னை கோயம்பேடு உள்ளிட்ட பஸ் நிலையங்களில் அரசு பஸ்கள் வழக்கம் போல் இயக்கப்படுகின்றன. தமிழகத்தின் சில பகுதிகளில் கடைகள் மட்டும் அடைக்கப்பட்டுள்ளன. பந்த் காரணமாக சென்னையில் மட்டும் 20,000 போலீசார் பாதுகாப்பு பணியில் ஈடுபடுத்தப்பட்டுள்ளனர்.

திருவாரூர் மாவட்டம் திருத்துறைப்பூண்டி, மன்னார்குடி உள்ளிட்ட பல்வேறு பகுதிகளில் 5000 க்கும் மேற்பட்ட கடைகள் அடைக்கப்பட்டுள்ளன. லாரி, ஆட்டோக்கள் நிறுத்தப்பட்டுள்ளன. புதுக்கோட்டையில் பெரும்பாலான கடைகள் அடைக்கப்பட்டுள்ளன. அரசு மற்றும் தனியார் பஸ்கள் வழக்கம்போல் இயக்கப்பட்டு வருகின்றன.

மீனவர்கள் கடலுக்கு செல்லவில்லை : பெட்ரோல் - டீசல் விலை உயர்விற்கு எதிர்ப்பு தெரிவித்து நடத்தப்படும் இந்த நாடு தழுவிய பந்த்திற்கு ஆதரவு தெரிவித்து கன்னியாகுமரி மாவட்ட விசைப்படகு மற்றும் நாட்டுப்படகு மீனவர்கள் கடலுக்கு செல்லவில்லை.
-
தினமலர்

by **ayyasamy ram** Mon Sep 10, 2018 9:23 am

நாடு முழுவதும் எதிர்க்கட்சிகள் ரயில், சாலை மறியல் Tamil_News_large_2098709

--

புதுச்சேரி:
பெட்ரோல் - டீசல் விலை உயர்வுக்கு எதிராக நடத்தப்படும்
பந்த் காரணமாக புதுச்சேரியில் அரசு மற்றும் தனியார்
பஸ்கள், ஆட்டோக்கள் உள்ளிட்ட வாகனங்கள் இயங்கவில்லை.

கடலூரில் இருந்து புதுச்சேரிக்கு இயக்கப்படும் அரசு மற்றும்
தனியார் பஸ்கள் நிறுத்தப்பட்டுள்ளன. சென்னை செல்லும்
பஸ்கள் விழுப்புரம் வழியாக இயக்கப்படுகின்றன.

பந்த் காரணமாக புதுச்சேரி பள்ளிகளுக்கு ஏற்கனவே
விடுமுறை அறிவிக்கப்பட்டுள்ளது.

கிரண்பேடி எச்சரிக்கை : பந்த்தின் போது
பொது சொத்துக்களை சேதப்படுத்தினால் கடும் நடவடிக்கை
எடுக்கப்படும் என துணைநிலை கவர்னர் கிரண்பேடி
எச்சரிக்கை விடுத்துள்ளார்.

பொது சொத்துக்களை சேதப்படுத்துவோர் மீது வழக்குப்பதிவு
செய்யவும், போலீசார் தொடர்ந்து ரோந்து பணிகளில் ஈடுபடவும்
கிரண்பேடி உத்தரவிட்டுள்ளார்.

அசம்பாவிதங்கள் ஏதும் நடக்காமல் இருக்க போலீசார்
குவிக்கப்பட்டுள்ளனர்.
-
------------------
தினமலர்

by Sponsored content

நாடு முழுவதும் எதிர்க்கட்சிகள் ரயில், சாலை மறியல்

நாடு முழுவதும் எதிர்க்கட்சிகள் ரயில், சாலை மறியல்

Re: நாடு முழுவதும் எதிர்க்கட்சிகள் ரயில், சாலை மறியல்

Re: நாடு முழுவதும் எதிர்க்கட்சிகள் ரயில், சாலை மறியல்

Re: நாடு முழுவதும் எதிர்க்கட்சிகள் ரயில், சாலை மறியல்