திருமணம் குறித்து நடிகைகளின் கருத்து...

by **ayyasamy ram** Thu Aug 23, 2018 11:28 pm

நடிகைகளில் ஒரு சிலர் திருமணம் பற்றி மாறுபட்ட
கருத்துகள் கூறி வருகின்றனர். திருமணம் செய்யாமலே
குழந்தை பெற்றுக்கொள்ளலாம் என்று ஸ்ருதி ஹாசன்
ஒருமுறை தெரிவித்தார்.

தற்போது அவர் லண்டனைச் சேர்ந்த
மைக்கேல் கோர்சேலுடன் சேர்ந்திருக்கும் புகைப்படங்களை
வெளியிட்டு வருகிறார். இருவரும் திருமணம்செய்து கொள்ள
உள்ளதாக அவ்வப்போது கிசுகிசு பரவினாலும் அதுபற்றி
இருவரும் உறுதி செய்யவில்லை.

ஸ்ருதியின் திருமணம் பற்றி சமீபத்தில் கமலிடம்
கேட்கப்பட்டது. அதற்கு பதிலளித்த கமல்...

""திருமணம் என்பது அவரவர்களின் விருப்பம். என்
விருப்பப்படிதான் என் திருமணம் நடந்தது.
திருமணம் குறித்து மகள்களே முடிவு செய்வார்கள்'' என்றார்.

தற்போது பிரியா ஆனந்தும் திருமணம் பற்றி பதில்
அளித்துள்ளார். "திருமணம் செய்துகொள்ள வேண்டும் என்ற
கட்டாயத்தின் பேரில் திருமணம் செய்ய தேவையில்லை.
அந்த காலத்தில் பெண் என்றால் கட்டாயம் திருமணம்
செய்துகொள்ள வேண்டும் என்று கூறுவார்கள்.

ஆனால் இப்போது திருமணம் செய்துகொள்ளாமலும்
சில பெண்கள் வெற்றிகரமாக வாழ்கிறார்கள். சரியான
ஒரு நபர் கிடைத்தால் தாராளமாக திருமணம் செய்து
கொள்ளலாம்'' என்று தெரிவித்துள்ளார்.-
-
-----------------------------------
நன்றி-திரைக்கதிர்