அபராதம் செலுத்திய கவர்னர்

திருவனந்தபுரம்: சாலை விதிகளை ராஜ்பவனுக்கு
சொந்தமான கார் மீறியதால், கேரள கவர்னர் சதாசிவம்
அதற்கான அபராதத்தை செலுத்தி, அனைவருக்கு
முன்னுதாரணமாக விளங்கி உள்ளார்.



அதி நவீன கேமரா

கேரள கவர்னர் சதாசிவம், தமிழகத்தை சேர்ந்தவர்.
சுப்ரீம் கோர்ட் தலைமை நீதிபதியாக பதவி வகித்தவர்.

கேரள தலைநகர் திருவனந்தபுரத்தில், போக்குவரத்து
நெரிசல் மிகுந்த கவுடியார் - வெள்ளயம்பலம் சாலையில்
மார்ச் 21ம் தேதி, அதிவேகத்தில் செல்லும் வாகனங்களை
அடையாளம் காணும் அதி நவீன கண்காணிப்பு கேமராக்கள்
பொருத்தப்பட்டன.

இந்த சாலையில், மணிக்கு 55 கி.மீ., வேகத்திற்கு குறைவாகவே
செல்ல வேண்டும் என உத்தரவு பிறப்பிக்கப்பட்டுள்ளது.

சட்டதிற்கு கட்டுப்பட்ட கவர்னர்

நாள்தோறும், 3,000 வாகனங்கள் குறிப்பிட்ட வேக கட்டுப்பாட்டை
மீறி செல்வது, இந்த கேமராக்கள் மூலம் கண்டுபிக்கப்பட்டு,
வாகன உரிமையாளர்களிடம் இருந்து அபராதம் வசூலிக்கப்பட்டு
வருகிறது.

அந்த வகையில் இதுவரை மோட்டார் வாகன துறை மூலம்,
1.10 கோடி ரூபாய் அபராதமாக வசூலிக்கப்பட்டுள்ளது.
கடந்த ஏப்., 7 ம் தேதி, கேஎல் 01 பிடி8662 என்ற பதிவு எண் கொண்ட
பென்ஸ் கார் இந்த சாலையில் அதிவேகமாக சென்றது

அதி நவீன கேமராவில் பதிவானது. அந்த கார் ராஜ்பவனுக்கு
சொந்தமானது, கடந்த 2011ம் ஆண்டு வாங்கப்பட்டது என தெரிய
வந்துள்ளது.

சம்பந்தப்பட்ட பென்ஸ் காரை கவர்னர் சதாசிவம்
பயன்படுத்துவதில்லை. ராஜ்பவனின் பிற பணிகளுக்காக
ஊழியர்களால் பயன்படுத்தப்பட்டு வருகிறது.

ஏப்., 7 ம் தேதி பெட்ரோல் நிரம்ப அந்த காரை ஊழியர்கள் எடுத்து
சென்றுள்ளனர். வேக கட்டுப்பாட்டை மீறியது குறித்து ராஜ்பவனுக்கு
கடந்த வாரம் மோட்டார் வாகன துறை அதிகாரிகள், ‛சலான்'
அனுப்பினர்.

அபராதமாக 400 ரூபாய் செலுத்த வேண்டும் என அதில்
குறிப்பிடப்பட்டு இருந்தது. இந்த விஷயம் கவர்னர் சதாசிவத்திற்கு
தெரிய வந்ததும், சட்டத்திற்கு உட்பட வேண்டும், அபராத தொகை
கண்டிப்பாக செலுத்த வேண்டும் என உத்தரவிட்டார்.

அதன்படி, அபராதமும் செலுத்தப்பட்டுள்ளது. இதே போல், கேரள
ஐகோர்ட் நீதிபதி ஒருவரும் சட்டத்திற்கு கட்டுப்பட்டு அபராதம்
செலுத்தியுள்ளார் என்பது குறிப்பிடத்தக்கது.
-
---------------------------------


தினமலர்

அவர்தாங்க நீதிபதி. கடவுளுக்கு நிகரானவர்.
ஓர் எம்எல்ஏ மகன் காருக்கு வழிவிடலன்னு
முன்னே இருந்த ஊர்தி டிரைவரை இழுத்து
அடித்த அரசியல்வாதி போல்லல்ல அவர்.
இப்படி நாட்ல பாதி பேர் இருந்தால் நாடு
மக்களாட்சி தத்துவத்துக்கு ஏற்றது எனலாம்.
சட்டத்தை மதிப்பவன் மனிதன். சட்டப்படி
நடப்பவன் மாமனிதனாவான்.......

கேரள கவர்னர் அவர்களை சிரம் தாழ்ந்து
வணங்கி பாராட்டுகின்றேன்.வாழ்க பல்லாண்டு..