இனி ஆதார் அட்டையை பெற முடியாது..! பொது சேவை மையங்களை மூடியது மத்திய அரசு.!!

ஆதார் அட்டை தற்போது முக்கியமான ஆவணமாக மாறிவிட்டது. அரசு சேவைகள் உள்பட எந்த ஒரு சேவைக்கும் ஆதார் அட்டை தேவைப்படுகிறது.
ஆதார் அட்டையை பெற தமிழ்நாடு முழுவதும் மத்திய அரசு சார்பாக 1200 பொதுசேவை மையங்கள் திறக்கப்பட்டு செயல்பட்டு வந்தன. மத்திய அரசு சேவை மையங்கள் மூலம் ஆதார் அட்டை திருத்தம், புதியதாக விண்ணப்பித்தல் போன்ற சேவைகள் பயன்பாட்டில் இருந்து வந்தன.
இந்நிலையில் தற்போது மத்திய அரசின் 1200 பொது மையங்களையும் மூடியுள்ளது. மேலும், தமிழக அரசின் இ.சேவை மையங்களை பயன்படுத்திக்கொள்ளுமாறு மத்திய அரசு அறிவித்துள்ளது.
தமிழ்நாடு இ-சேவை மையங்கள் வட்டாட்சியர் அலுவலகம், மாவட்ட ஆட்சியர் அலுவலகம் ஆகிய அலுவலக வளாகத்திற்குள் அமைந்துள்ளது. தமிழ்நாடு இ-சேவை மையத்தில் டோக்கன் முறையில் தான் எந்த ஒரு சேவையும் பெற முடியும். தினமும் 10 அல்லது 25 பேருக்கு மட்டுமே டோக்கன் வரை வழங்கப்பட்டு வருகிறது. ஆனால் தினமும் 100 க்கும் மேற்பட்டோர் இ-சேவை மையத்திற்கு வந்து திரும்பி செல்கின்றனர்.
ஆதார் திருத்தும் செய்வதற்கு சில தனியார் நிறுவனங்கள் அனுமதி பெற்று இயங்கி வருகிறது. ஆனால் அங்கு ரூ.400 வரை கட்டணமாக வசூலிக்கப்படுகிறது. இந்த தனியார் மையங்களில் வேண்டுமென்றே தவறான தகவலை உள்ளீடு செய்து தருவதாக பொதுமக்கள் புகார் தெரிவித்து வருகின்றனர். ஏனென்றால், அப்போதுதான் மீண்டும் மீண்டும் தங்கள் மையங்களுக்கு ஆதார் திருத்தத்திற்கு வருவார்கள் என்கின்றனர். தமிழக அரசு இதற்கு முறையான தீர்வை தேடி தர வேண்டும்.
மத்திய அரசின் பொது மையங்கள் மூடியதால் பொதுமக்கள் பெரிதும் பாதிப்புக்கு உள்ளாகின்றனர்.
நன்றி

செய்தி புனல்