விடுகதைகள்

by தாமு Wed Dec 16, 2009 5:56 am

1. குறுக்கிலும் நெடுக்கிலுமாய் கோடுகள். அதை எதிர்காலம் என்று கூறுவர். அது என்ன?

2. ஒளி வீசுவான்; கண்ணையும் பறிப்பான். அவன் யார்?

3. அலறுவான்; அலற வைப்பான். அவன் யார்?

4. காலைத் தழுவ ஓடி வருவான்; காரியம் மிஞ்சினால் வாரி சுருட்டிக் கொள்வான்.

அவன் யார்?

5. காலையில் பிறந்து மாலையில் மறைவான். அவன் யார்?

6. வளைந்த தங்கக் கம்பி வானிலே தெரியுது. அது என்ன?

7. காற்றால் உயிர் பெறும்; காதுக்கு இனிமை தரும். அது என்ன?

8. தூங்கும் போது வரும்; தூக்கத்தையும் கலைக்கும். அது எது?

9. தவழும் போது நாலுகால்; வளரும் போது இரண்டு கால்; வயதான போது மூன்று கால். அவர்கள் யார்?

10. கருத்த பாறைக்கு வெளுத்த வேர். அது என்ன?

11. தள்ளாடி தள்ளாடி போனாலும், தவறாமல் கரை சேர்க்கும். அது என்ன?

12. முத்து முத்தாய் தோரணம், தரையில் விழுந்து ஓடுது. அது என்ன?

13. உடம்பெல்லாம் முள்ளு... உள்ளே இனிப்பை அள்ளு. அது என்ன?

14. மளிகைக் கடையில் இருக்கும் ராணி. அவள் யார்?

15. தண்ணீருக்குள்ளே இருப்பான்; இருந்தாலும் சொட்டுத் தண்ணீர் ஒட்ட விடமாட்டான். அவன் யார்?

தி.சே.அறிவழகன்