ராணுவ கண்காட்சி கடைசி நாளில் லட்சக்கணக்கான மக்கள் குவிந்தனர் திக்குமுக்காடியது ஓஎம்ஆர்-இசிஆர் சாலை: வாகனங்கள் படையெடுப்பால் பல சாலைகள் மூடல்

சென்னை: திருவிடந்தையில் நடைபெற்று வந்த ராணுவ கண்காட்சி நேற்று மாலையுடன் முடிவடைந்தது. இறுதி நாளான நேற்று பொதுமக்கள் பார்வையிட அனுமதிக்கப்பட்டதால், லட்சக்கணக்கானோர் கிழக்கு கடற்கரை சாலையை நோக்கி படையெடுத்தனர். இதனால், கிழக்கு கடற்கரை சாலை மற்றும் பழைய மாமல்லபுரம் சாலை போக்குவரத்து நெரிசலில் திக்குமுக்காடியது. இந்திய பாதுகாப்புத் துறை சார்பில் உலக நாடுகள் பங்கேற்கும் ராணுவ தளவாட கண்காட்சி சென்னை அருகே திருவிடந்தையில் கடந்த 11ம் தேதி முதல் 4 நாட்களாக நடந்தது. பிரதமர் நரேந்திர மோடி கடந்த 12ம் தேதி நேரில் வந்து கண்காட்சியை முறைப்படி துவக்கி வைத்தார்.இந்த கண்காட்சியில் மொத்தம் 47 நாடுகளை சேர்ந்த ராணுவ தளவாட உற்பத்தி நிறுவனங்கள், அரங்குகள் அமைத்துள்ளன. இதே போல், இந்தியாவை சேர்ந்த டாடா, எல்என்டி, அசோக் லைலேண்ட் உள்ளிட்ட 40க்கும் மேற்பட்ட முன்னணி நிறுவனங்கள் கண்காட்சியில் பங்கேற்றுள்ளன. ஏப்ரல் 11 முதல் 14ம் தேதி வரை 4 நாட்கள் கண்காட்சி நடைபெற்றது. ஒவ்வொரு நாளும் ராணுவ தளவாட தொழில் நுட்பம் குறித்து பல்வேறு கருத்தரங்குகள் நடைபெற்றது.
இந்த கண்காட்சியில் இந்திய ராணுவத்தின் பிரத்யேக பீரங்கிகள், தொழில்நுட்ப கருவிகள், போர் கப்பல் மாதிரிகள் உள்பட ராணுவத்தில் பயன்படுத்தப்படும் தளவாட பொருட்கள் வைக்கப்பட்டிருந்தன. இதை காண பொதுமக்கள் ஆர்வம் காட்டினர். இதனால், கண்காட்சி நிறைவு விழாவான நேற்று பொதுமக்கள் பார்க்க அனுமதிக்கப்பட்டனர். நேற்று தமிழ் புத்தாண்டு என்பதால், பல்வேறு பகுதிகளில் இருந்து குடும்ப குடும்பமாக பொதுமக்கள் இருசக்கர மற்றும் நான்கு சக்கர வாகனங்களில் கண்காட்சியை நோக்கி படையெடுத்தனர். காலை 8 மணி முதலே திருவிடந்தை பகுதியில் மக்கள் குவிந்தனர். சரியாக 9 மணி முதல் கண்காட்சியை பார்க்க பொதுமக்கள் அனுமதிக்கப்பட்டனர்.கண்காட்சிக்கு வந்த பொதுமக்களிடம் ஆதார் அட்டை மற்றும் அரசு அங்கீகார அடையாள அட்டையை ஆய்வு செய்து, கடும் சோதனைக்கு பின்னரே, 2வது நுழைவு வாயில் வழியாக அதிகாரிகள் உள்ளே அனுமதித்தனர். அடையாள அட்டை வைத்திருந்தவர்களுக்கு மட்டுமே கண்காட்சியை பார்வையிட அனுமதி அளிக்கப்பட்டது. கண்காட்சியில் ராணுவத்தின் பல்வேறு அம்சங்களை பார்த்து பொதுமக்கள் பிரமித்தனர். மாலை 5 மணிக்கு கண்காட்சி நிறைவடைந்தது.
நன்றி
தினகரன்

லட்சக்கணக்கானோர் கண்காட்சியை பார்க்க வாகனங்களில் வந்ததால் வண்டலூரில் இருந்து கேளம்பாக்கம், கோவளம், திருப்போரூர் வரை போக்குவரத்து நெரிசல் ஏற்பட்டது. கேளம்பாக்கத்தில் இருந்து கோவளம் வழியாக முதலில் வாகனங்கள் அனுமதிக்கப்பட்டன. தொடர்ந்து நெரிசல் ஏற்பட்டதால் கேளம்பாக்கத்தில் நின்ற வாகனங்கள் திருப்போரூர் மற்றும் நெம்மேலி வழியாக கிழக்கு கடற்கரை சாலைக்கு செல்லும்படி திருப்பப்பட்டது. 10 மணியளவில் இந்த சாலையிலும் வாகனங்கள் வரிசை கட்டி நிற்கத் தொடங்கின. இதையடுத்து, பூஞ்சேரி வழியாக வாகனங்கள் திருப்பிடவிடப்பட்டன. அங்கும் போக்குவரத்து நெரிசல் ஏற்பட்டது. சென்னையில் இருந்து திருவான்மியூர் வழியாக கிழக்கு கடற்கரை சாலையில் சென்றவர்கள் அக்கரை பகுதியில் ஏற்பட்ட நெரிசல் சிக்கி பல மணி நேரம் தவித்தனர். மேலும், அக்கரையில் இருந்து ஓஎம்ஆர் செல்லக்கூடிய சாலையிலும் வாகனங்கள் அணிவகுத்து நின்றது. இதனால், ஓஎம்ஆர்-இசிஆர் சாலை போக்குவரத்து நெரிசலில் சிக்கி திக்குமுக்காடியது. நெரிசலை கட்டுப்படுத்த பல சாலைகள் மூடப்பட்டன. இதில், தமிழ் புத்தாண்டையொட்டி திருப்போரூர் கந்தசுவாமி கோயிலுக்கு வந்த பக்தர்கள் சிக்கி தவித்தனர். கண்காட்சி முடிந்து மெல்ல மெல்ல வாகனங்கள் திரும்பியதால், மாலை 7 மணிக்கு பின்னரே போக்குவரத்து சீரடைந்தது.

by கோபால்ஜி Sun Apr 15, 2018 5:31 pm

ஆயிரம் பிரிவினைவாதிகள் விஷவித்துக்களை தூவினாலும் அதற்கெல்லாம் ஏமாறாமல் தேசிய உணர்வுடன் தெளிவாக இருக்கும் தமிழக மக்களுக்கு வீர வணக்கம்...

by **ayyasamy ram** Mon Apr 16, 2018 9:25 am

by SK Mon Apr 16, 2018 11:44 am

ஆம் நேற்று ECR மிகவும் நெரிசலாக இருந்தது

by கோபால்ஜி Mon Apr 16, 2018 6:33 pm

ayyasamy ram wrote:
-

மேற்கோள் செய்த பதிவு: 1266281
சூப்பருங்க

கோபால்ஜி wrote:ஆயிரம் பிரிவினைவாதிகள் விஷவித்துக்களை தூவினாலும் அதற்கெல்லாம் ஏமாறாமல் தேசிய உணர்வுடன் தெளிவாக இருக்கும் தமிழக மக்களுக்கு வீர வணக்கம்...

மேற்கோள் செய்த பதிவு: 1266275
அரசியல் வாதிகள் செய்யும் துரோகம்
தெரிந்ததது தான். அதற்காக தேசிய உணர்வு குறையப்போவது இல்லை.