பராமரிப்பு பணி முடிந்தது பழநி கோயில் வின்ச் சேவை துவக்கம்: பக்தர்கள் மகிழ்ச்சி

சிறப்பு கட்டணம் ரூ.25ம், சாதாரண கட்டணம் ரூ.10ம் 
வசூலிக்கப்படுகிறது

ayyasamy ram wrote:
-
பழநி:
பராமரிப்பு பணி முடிந்து பழநி கோயில் 1ம் எண் வின்ச் இன்று
காலை முதல மீண்டும் பயன்பாட்டிற்கு வந்ததால் பக்தர்கள்
மகிழ்ச்சியடைந்தனர்.

பழநி கோயிலில் பக்தர்கள் மலைக்கோயில் செல்ல வசதியாக
மேற்கு கிரிவீதியில் இருந்து 3 வின்ச், தெற்கு கிரிவீதியில்
இருந்து ரோப்கார் இயக்கப்படுகிறது.

1965ம் ஆண்டு ஜப்பான் ஹிடாச்சி கம்பெனியின் அதிதொழில்
நுட்ப வசதிகளுடன் முதல் வின்ச் துவங்கப்பட்டது. பின்பு 2வது
வின்ச் 1982ல் மும்பை ஹான்ஹார்ட் நிறுவனம் மூலம்
அமைக்கப்பட்டது.

3வது வின்ச் 1988ல் சென்னை கிரீஸ் நிறுவனம் மூலம்
அமைக்கப்பட்டது.

மலைக்கோயிலுக்கு வின்ச் பயணம் நேரம் 8 நிமிடம்.
சிறப்பு கட்டணம் ரூ.25ம், சாதாரண கட்டணம் ரூ.10ம்
வசூலிக்கப்படுகிறது. இந்த வின்ச்களில் 1ம் எண் வின்ச்
வருடாந்திர பராமரிப்பு பணிக்காக கடந்த 40 நாட்களுக்கு
முன்பு நிறுத்தப்பட்டது.

பாதையில் ஸ்லீப்பர் கட்டைகள் மாற்றப்பட்டன.
வின்ச் மேல் நிலையத்தில் உள்ள ஷாப்ட் உள்ளிட்ட பொருட்கள்
மாற்றப்பட்டு பல்வேறு கட்ட சோதனை ஓட்டங்கள் நடத்தப்பட்டன.

வல்லுநர் குழுவின் ஒப்புதலுக்கு பின் இன்று காலை 9.30 மணிக்கு
1ம் எண் வின்ச் மீண்டும் பயன்பாட்டிற்கு கொண்டு வரப்பட்டது.
முன்னதாக சிறப்பு பூஜை நடத்தப்பட்டது.

இந்நிகழ்ச்சியில் பழநி கோயில் இணை ஆணையர் செல்வராஜ்,
துணை ஆணையர் செந்தில்குமார் உள்ளிட்ட அதிகாரிகள் பலர்
கலந்து கொண்டனர்.

கோடை விடுமுறை துவங்க உள்ள நிலையில் பராமரிப்பு பணி
முடிவடைந்து வின்ச் சேவை மீண்டும் துவங்கியதால் பக்தர்கள்
மகிழ்ச்சியடைந்துள்ளனர்.
-
---------------------
தினகரன்

பழ.முத்துராமலிங்கம் wrote:

நான் 21 ந் இந்த நம்பர் வின்ச் மூலம் காலை சென்றேன். எனக்கு 11 ந் தேதி வலது காலில்
பைக் ஆக்ஸிடென்டால் எழும்பு முறிவு ஏற்பட்டது. மனைவி உதவியுடன் குச்சி ஊன்றி
மேலே சென்றேன். பேட்டரி கார் என்ன  சன்னதி அருகில் இறக்கி விட செக்யூரிட்டி என்னை முருகன் முன்னால் கொண்டு போய் நிறுத்தினார். திவ்ய தரிசனம் காலை ஆறு மணிக்கு எந்த அலங்கராமின்றி மனதுறுகி தரிசித்தது அருமை.

மாற்றுதிறனாளியாக சென்ற எனக்கு அற்புத
அனுபவம்.
அன்று நாள் முழுவதும் நான் நிறைய அனுபவித்தேன். அது பெரிய கதை தனி அத்தியாயம் தனியாக எழுதுகிறேன்.

krishnaamma wrote:

பழ.முத்துராமலிங்கம் wrote:

நான் 21 ந் இந்த நம்பர் வின்ச் மூலம் காலை சென்றேன். எனக்கு 11 ந் தேதி வலது காலில்
பைக் ஆக்ஸிடென்டால் எழும்பு முறிவு ஏற்பட்டது. மனைவி உதவியுடன் குச்சி ஊன்றி
மேலே சென்றேன். பேட்டரி கார் என்ன  சன்னதி அருகில் இறக்கி விட செக்யூரிட்டி என்னை முருகன் முன்னால் கொண்டு போய் நிறுத்தினார். திவ்ய தரிசனம் காலை ஆறு மணிக்கு எந்த அலங்கராமின்றி மனதுறுகி தரிசித்தது அருமை.

மாற்றுதிறனாளியாக சென்ற எனக்கு அற்புத
அனுபவம்.
அன்று நாள் முழுவதும் நான் நிறைய அனுபவித்தேன். அது பெரிய கதை தனி அத்தியாயம் தனியாக எழுதுகிறேன்.

இப்போது நீங்கள் நலமா ஐயா? ....உங்கள் அனுபவத்தை எழுதுங்கள் படிக்க காத்திருக்கிறேன்

பழ.முத்துராமலிங்கம் wrote:
சில பிரச்சினை காரணமாக தாமதமாக
மறுமொழி பதிவு செய்கிறேன்.
தற்போது சரியாகிவிட்டது அம்மா
உங்கள் அன்பிற்கு மிக்க நன்றி
அம்மா