அரசியல் கடலுக்குள் மய்யம் கொண்டுள்ள கமல்!

by Pranav Jain Thu Feb 22, 2018 4:03 pm

ராமேஸ்வரத்தில் இருந்து அரசியல் பயணத்தை தொடங்கிய நடிகர் கமல். தனது கட்சி பெயர் ‛‛மக்கள் நீதி மய்யம்'' என அறிவித்து கொடியையும் அறிமுகம் செய்துள்ளார். மேலும், "இது ஒரு நாள் கொண்டாட்டம் அல்ல நமக்கு நிறைய கடமை இருக்கிறது. நாம் சமைக்க இருக்கும் மக்கள் ஆட்சியின் ஒரு பருக்கை சோற்றை உங்களுக்கு உதாரணமாக்கியிருக்கிறேன். இந்த சோற்று பருக்கையை தொட்டு பார்க்க நினைப்பவர்கள் தொட்டுப்பாருங்கள். அது சுடும் ." என்று கமல் பேசியிருக்கிறார். இது யாருக்கானது என்பதை அவர் சொல்லவில்லை. ஆனால் சோற்றுப்பருக்கையை சுடச்சுடத் தொட்டால்தான் சுடும். எனவே ஆறிவிடாமல் பார்த்துக்கொள்ள வேண்டியது நம் கடமை. ஏனென்றால் நாம்தானே தலைவன். கமல் அறிவுரை கேட்கும் தொண்டன்தானே.

என்ன ஒரே ஆறுதல் என்றால் பழைய சோறு ஹெல்த்-க்கு நல்லது.

அரசியல் கடலுக்குள் மய்யம் கொண்டுள்ள கமல்! Hot10

- எழுத்ததிகாரன்.
அரசியல் கடலுக்குள் மய்யம் கொண்டுள்ள கமல்! Writing%2Bof%2Bemphatic

by **சிவா** Thu Feb 22, 2018 4:10 pm

அரசியல் கடலுக்குள் மய்யம் கொண்டுள்ள கமல்! 256927652016202

மக்கள் நீதி மய்யம் வெற்றிபெற்று மக்கள் நிதி மய்யமாக மாறாமல் இருந்தால் நல்லது!

by SK Thu Feb 22, 2018 4:15 pm

சிவா wrote:

மக்கள் நீதி மய்யம் வெற்றிபெற்று மக்கள் நிதி மய்யமாக மாறாமல் இருந்தால் நல்லது!

மேற்கோள் செய்த பதிவு: 1260311

நிதி மாயமாகாமல் இருக்க வேண்டும்

by **M.Jagadeesan** Fri Feb 23, 2018 5:41 am

கட்சிப் பெயரில் " திராவிட " என்ற சொல் இல்லாமல் , தமிழ்நாட்டில் எந்தக் கட்சியும் வெற்றிபெற முடியாது .

by **T.N.Balasubramanian** Fri Feb 23, 2018 11:18 am

மையம் என்பது சரியா
மய்யம் என்பது சரியா ?

ரமணியன்

by Pranav Jain Fri Feb 23, 2018 3:43 pm

T.N.Balasubramanian wrote:மையம் என்பது சரியா
மய்யம் என்பது சரியா ?

ரமணியன்

மேற்கோள் செய்த பதிவு: 1260362

உச்சரிப்பு மாறாமல் எழுத்துக்களை மாற்றி எழுதுவதால் பெரிதாக ஒன்றும் தவறு நடந்து விடப்போவது இல்லை. எனவே இதில் எது சரி? எது தவறு? என்பதை விட, பொதுவாக கமலின் "மக்கள் நீதி மய்யம்" என்ற கட்சியின் பெயரில் எங்களுக்கு உடன்பாடே இல்லை. ஏனென்றால் அரசியல் என்பது மக்களுக்கு நீதி வழங்குவது இல்லை. அதற்கு காவல்துறையும், நீதி மன்றங்களும் இருக்கின்றன.

தமிழ்நாட்டிற்கு தற்போதைய தேவை நேர்மையான, திறமையான தலைமைதான். அது இல்லை என்பதற்காகத்தான் பலரும் புதிதாக அரசியலுக்குள் வர முயற்சிக்கிறோம். மக்களின் தேவைகளை அறிந்து உதவி செய்வதும், நாட்டில் உள்ள கூச்சல் குழப்பங்களை தீர்த்து, முறைப்படுத்தி அமைதியை நிலைநாட்டுவதும்தான் ஒரு அரசின் கடமை. எனவே அதற்கு இந்த பெயர் பொருத்தமாக இல்லை. இது ஒரு அரசியல் கட்சியின் பெயராகவே தெரியவில்லை. நான் ஏற்கெனவே சொன்னது போல "மக்கள் மன்றம்" "மக்கள் நீதி மய்யம்" என்பதெல்லாம் "கதையல்ல நிஜம்" "சொல்வதெல்லாம் உண்மை" "குற்றம் நடந்தது என்ன" என்பது போன்ற தொலைகாட்சி நிகழ்ச்சிகள் போலத்தான் தெரிகிறது. திரு.கமல்ஹாசன் அவர்கள் முழுநேர அரசியல்வாதியாக திறமையாக செயல்பட வேண்டும் என்பதில் எங்களுக்கு அதிக ஆர்வம் இருக்கிறது. ஆனால், அவர் அப்படி செயல்படப்போவதான நம்பிக்கையை இந்த கட்சி பெயர் இப்போதைக்கு கொடுக்கவில்லை. அதே நேரத்தில் கட்சியின் பெயர் என்பது ஒரு அடையாளம்தான். அது எப்படி வேண்டுமானாலும் இருக்கலாம்.

ஆனால் மாற்றம் வேண்டும் என்பதற்காக எல்லாவற்றிலும் மாற்றம் செய்வது நன்மையாக இருக்காது. அப்படிப்பார்த்தால் இதுவரை எல்லா கட்சிகளும் தேர்தல் ஆணையத்திடம் அனுமதி பெற்றுத்தான் தேர்தலில் போட்டியிட்டார்கள். கமல் இதை மாற்றி அனுமதி பெறாமல் போட்டியிடுவாரா? அது முடியுமா? எனவே அரசியல் என்று வந்து விட்டால் அதன் பாதையில் பயணிப்பதுதான் ஆரோக்கியமான அரசியலைக் கொடுக்கும். இதை எல்லோரும் புரிந்துகொண்டால் நல்ல மாற்றத்தை கொண்டு வரலாம். என்பது எங்கள் கருத்து.

- எழுத்ததிகாரன்
அரசியல் கடலுக்குள் மய்யம் கொண்டுள்ள கமல்! Writing%2Bof%2Bemphatic