கலாம் இல்லத்தில் கமல்; அரசியல் பயணத்தை துவக்கினார்

by **ayyasamy ram** Wed Feb 21, 2018 8:22 am

-

ராமேஸ்வரம்: முன்னாள் ஜனாதிபதி அப்துல் கலாம் வீட்டிற்கு
சென்ற நடிகர் கமல் தனது அரசியல் பயணத்தை துவக்கினார்.
-
கலாம் வீட்டில் கமலுக்கு சிறப்பான வரவேற்பு அளிக்கப்பட்டது.
கலாமின் சகோதரர் முத்து மீரான் மரைக்காயரிடம் கமல் ஆசி
பெற்றார். கலாமின் பேரன் சலீம் அப்துல் கலாம் படம் பொறித்த
நினைவு பரிசை கமலுக்கு வழங்கினார்.
-

தினமலர்

by **ayyasamy ram** Wed Feb 21, 2018 8:24 am

அப்துல் கலாம் பள்ளிக்கு செல்லும் திட்டம் ரத்து: கமல்
-
இன்று ராமேஸ்வரத்தில் கலாம் படித்த பள்ளிக்கு இன்று
காலை 8.15 மணிக்கு சென்று மாணவர்களுடன் கலந்துரையாட
முடிவு செய்திருந்தார்.

ஆனால் அரசியல் நோக்கத்தோடு பள்ளி மாணவர்களுடன்
கலந்துரையாட கூடாது என கூறி இந்து முன்னணி அளித்த
புகாரை அடுத்த பள்ளிக்கல்வித்துறை இதற்கு அனுமதி
மறுத்தது.

இந்நிலையில் கலாம் படித்த பள்ளிக்கு செல்லும் திட்டத்தை
கமல் ரத்து செய்துள்ளார்.
-
----------------------------

by **ayyasamy ram** Wed Feb 21, 2018 8:58 am

பூவாகி மணப்பேன்
-
திமுக செயல் தலைவர் முக.ஸ்டாலின் அறிக்கை ஒன்றில்,
காகிதப் பூ மணக்காது எனக் குறிப்பிட்டு இருந்தார்.
இதற்கு பதில் அளிக்கும் வகையில் மதுரையில் கமல்ஹாசன்,
நான் காகிதப் பூ அல்ல; விதை என்றார்.
-
பூவாகி மணப்பேன்

செய்தியாளர்களின் கேள்விக்கு பதில் அளித்த அவர்,
‘என்னைப் பற்றி அவர் சொல்லி இருக்க வாய்ப்பில்லை.
இருப்பினும், நான் காகிதப் பூ அல்ல; விதை. முளைத்து,
பூவாகி, மணப்பேன். எனது கட்சியின் கொள்கைகளுக்கு
உடன்படும் பட்சத்தில், பிற கட்சிகளுடன் கூட்டணி பற்றி
தேர்தல் நேரத்தில் யோசிப்பேன்’ என்று தெரிவித்தார்
-
------------------------------------
தி இந்து

by **ayyasamy ram** Wed Feb 21, 2018 9:04 am

கலாம் இல்லத்தில் கமல்; அரசியல் பயணத்தை துவக்கினார் Vaa%20raasajpg

நடிகர் கமல்ஹாசன் நாளை அரசியல் பயணத்தை தொடங்கவுள்ள
நிலையில், யூடியூபில் கமலின் அரசியல் பயணத்தை வரவேற்கும்
வகையில், 'வா ராசா.. வா ராசா கமலஹாசா' என்ற பாடல்
வெளியிடப்பட்டுள்ளது.

கண்மணிராஜா என்பவர் இசையமைத்துள்ள இப்பாடலை
திவ்யாநாயர் என்ற பெண் பாடியுள்ளார். செங்கதிர்வாணன் என்பவர்
பாடலை எழுதியுள்ளார்.

இந்தப் பாடல் கமல்ஹாசன் ரசிகர்கள் மத்தியில் பலத்த வரவேற்பைப்
பெற்றுள்ளது.
-
-------------------------------