ஜெ., சிகிச்சை வீடியோ விவகாரம்: பாய்கிறது வழக்கு - தேர்தல் ஆணையம் அதிரடி உத்தரவு...!

சிகிச்சையின்போது ஜெயலலிதா | வீடியோவில் இருந்து எடுக்கப்பட்ட ஸ்க்ரீன்ஷாட்

தமிழக முன்னாள் முதல்வர் ஜெயலலிதா, சென்னை அப்பல்லோ மருத்துவமனையில் சிகிச்சையின்போது எடுக்கப்பட்ட வீடியோவை டிடிவி தினகரன் ஆதரவாளர் எம்.எல்.ஏ., வெற்றிவேல் வெளியிட்டார்.  20 விநாடிகள் ஓடும் அந்த வீடியோவில் ஜெயலலிதா நைட்டி அணிந்தபடி பழச்சாறு அருந்த்துவது போல் காட்சிகள் உள்ளன.

வீடியோவை வெளியிட்ட வெற்றிவேலிடம் செய்தியாளர்கள் சரமாரி கேள்வி எழுப்பினர்.

அப்போது அவர், "ஜெயலலிதா மரணத்தைக் குறித்து பல்வேறு சந்தேகங்களை தொடர்ந்து எழுப்பி வருகின்றனர்.  அவர் உயிருடன் இருந்தபோது அவர் முன்னால் நிற்கவே பயந்தவர்கள் இப்போது பல்வேறு கேள்விகளை எழுப்புகின்றனர். ஜெயலலிதாவுக்கு இரண்டு குழந்தைகள் இருப்பதாகக் கூறி அவதூறு பரப்பிவருகின்றனர்.

அம்மா இப்படி ஒரு சூழலில் இருந்தபோது எடுத்த வீடியோவை வெளியிட எங்களுக்கு விருப்பமில்லைதான். ஆனால், தொடர்ந்து பரப்பப்படும் அவதூறுகளை எங்களால் பொறுக்க முடியாமல்தான் இந்த வீடியோவை வெளியிட்டுள்ளோம். இந்த வீடியோவை இப்போது வெளியிட தேர்தல் அரசியல் காரணம் அல்ல. விசாரணை ஆணையம் எங்களை விசாரணைக்கு அழைத்தால் ஒத்துழைப்பு தருவோம் என ஏற்கெனவே கூறியிருந்தோம். எங்களை அழைக்கவில்லை அதனால் நாங்கள் அங்கே எதையும் ஒப்படைக்க வாய்ப்பில்லை.

ஜெயலலிதா அப்பல்லோ மருத்துவமனையில் இருந்தபோது நான் ஒருநாள்கூட உள்ளே சென்றதில்லை. ஆனால், எடப்பாடி பழனிசாமி, உதயகுமார், ஜெயகுமார், ஓபிஎஸ், விஜயபாஸ்கர் ஆகியோர் உள்ளே சென்றனர். அவர்கள் நடத்திய ஆலோசனை வீடியோகூட இருக்கிறது. இன்னும் பல வீடியோக்கள் உள்ளன, தேவைப்பட்டால் வெளியிடுவோம்" என்றார்.

நீளும் சர்ச்சைகள்:

தமிழக முன்னாள் முதல்வர் ஜெயலலிதா கடந்த 2016-ம் ஆண்டு செப்டம்பர் மாதம் 22-ம் தேதி சென்னை அப்பல்லோ மருத்துவமனையில் அனுமதிக்கப்பட்டார். அன்று தொடங்கிய சர்ச்சை இன்னும் முடியவில்லை.

ஜெயலலிதா மருத்துவமனையில் அனுமதிக்கப்பட்டபோதே ஆபத்தான நிலையில்தான் அனுமதிக்கப்பட்டார் என இரண்டு நாட்களுக்கு முன்னர்தா அப்பல்லோ மருத்துவமனையில் நிர்வாகக் குழு இயக்குநர் டாக்டர் பிரதாப் ரெட்டி கூறியிருந்தார். இந்நிலையில், இன்று டிடிவி தினகரன் ஆதரவாளர் இந்த வீடியோவை வெளியிட்டிருக்கிறார்.
நன்றி
தி இந்து

அந்த வீடியோவில் எவ்வளவு குறைபாடுகள் ! ?
ஒரு ரோபோவின் அசைவுகள் .
எந்த பெண்மணியும்,முக்கியமாக JJ அவர்கள் கால் ஆடைகள் இவ்வளவு தூரம்
உயர்த்தி இருக்க வாய்ப்பே இல்லை.
கால்களை பாருங்கள் --பொய்யான கால்கள் போல் தெரியவில்லையா ?
அவருடைய மூக்கை பாருங்கள் ---ஜெயலலிதாவின் மூக்கு போலா இருக்கிறது.?
உண்மையிலேயே அது அப்போல்லோவில்தான் எடுத்ததுதானா ?
கேள்விகள் பல உள்ளன .

TTV சொன்னது மாதிரி ,19 தேதி இரவு என்னென்ன நடக்கப்போகிறது என்பதை பாருங்கள்
என்று கூறியது போல், இந்த வீடியோ மக்களை ஏமாற்ற வெளியிடப்பட்டு உள்ளது.வோட்டு பெற உத்தி.

ரமணியன்

பொறுத்திருந்து பார்ப்போம் அணைத்து உண்மைகளும் ஒரு நாள் வெளியே வரும் அப்போது எத்தனை பேர்கள் உள்ளே போவார்கள் என்று தெரியும்

ஆம் SK,

பல உண்மைகள் வெளி வரும்
சில தலைமைகள் உள்ளே போகும்

ரமணியன்

T.N.Balasubramanian wrote:அந்த வீடியோவில் எவ்வளவு குறைபாடுகள் ! ?
ஒரு ரோபோவின் அசைவுகள் .
எந்த பெண்மணியும்,முக்கியமாக JJ அவர்கள் கால் ஆடைகள் இவ்வளவு தூரம்
உயர்த்தி இருக்க வாய்ப்பே இல்லை.
கால்களை பாருங்கள் --பொய்யான கால்கள் போல் தெரியவில்லையா ?
அவருடைய மூக்கை பாருங்கள் ---ஜெயலலிதாவின் மூக்கு போலா இருக்கிறது.?
உண்மையிலேயே அது அப்போல்லோவில்தான் எடுத்ததுதானா ?
கேள்விகள் பல உள்ளன .

TTV சொன்னது மாதிரி ,19 தேதி இரவு என்னென்ன நடக்கப்போகிறது என்பதை பாருங்கள்
என்று கூறியது போல், இந்த வீடியோ மக்களை ஏமாற்ற வெளியிடப்பட்டு உள்ளது.வோட்டு பெற உத்தி.

ரமணியன்

மேற்கோள் செய்த பதிவு: 1253931
கன்னி தீவு போல் இந்த பொய் இன்னும் எவ்வளவு தூரம் நீளுமோ தெரியவில்லை?
நன்றி
ஐயா

SK wrote:பொறுத்திருந்து பார்ப்போம் அணைத்து உண்மைகளும் ஒரு நாள் வெளியே வரும் அப்போது எத்தனை பேர்கள் உள்ளே போவார்கள் என்று தெரியும்

மேற்கோள் செய்த பதிவு: 1253935
உண்மை வெளி வருமா?
யாரேனும் தண்டிக்கப்படுவார்களா?
இந்த மாதிரி ஒரு கொடுமையான விசயம்
சர்வ சாதாரணமாக நடத்த முடிகிறது.

ஆர்.கே.நகரில் பரப்புரை காலம் முடிவடைந்த நிலையில், ஜெயலலிதா சிகிச்சை பெற்ற வீடியோவை வெளியிட்ட வெற்றிவேல் மீது வழக்கு பதிவு செய்ய தேர்தல் ஆணையம் அதிரடி உத்தர்வு பிறப்பித்துள்ளது.
மறைந்த முன்னாள் முதலமைச்சர் ஜெயலலிதா கடந்த ஆண்டு செப்டம்பர் மாதம் 22 ஆம் தேதி இரவு உடல்நலக்குறைவு காரணமாக அப்போலோ மருத்துவமனையில் அனுமதிக்கப்பட்டார்.
பின்னர், 75 நாட்கள் சிகிச்சைக்கு பிறகு சிகிச்சைப்பலனின்றி மாரடைப்பு காரணமாக உயிரிழந்தார் என மருத்துவமனை நிர்வாகம் அறிக்கை வெளியிட்டது.
இதனிடையே ஜெயலலிதாவை பார்க்க அவரது தோழி சசிகலா யாரையும் அனுமதிக்கவில்லை. ஆனால் அவர் உடல் நலம் தேறி வருவதாக தகவல்கள் மட்டுமே வெளியானது.
இதற்கு அப்போது அமைச்சர்களும் விசுவாசிகளும் கூட சப்பை கட்டு கட்டி வந்தனர். இதையடுத்து பன்னீர் தரப்புடன் எடப்பாடி அமைச்சரவை கூட்டு சேர்ந்ததும் டிடிவியையும் அவரது குடும்பத்தையும் கட்சியை விட்டு விலக்கினர்.
இதனால் ஆத்திரமடைந்த டிடிவி தரப்பு தற்போது ஆர்.கே.நகர் தேர்தலில் வெற்றி பெற வேண்டிய கட்டாயத்தில் போராடி வருகிறது. இந்நிலையில், நேற்றுடன் பிரச்சார நேரம் முடிவடைந்த நிலையில், ஜெ சிகிச்சை பெற்று வந்த வீடியோ ஒன்றை டிடிவி தரப்பு வெற்றிவேல் வெளியிட்டுள்ளார்.
மேலும் ஜெ மேல் சிகிச்சை குறித்து அமைச்சர்கள் ஆலோசித்த வீடியோகூட எங்களிடம் உண்டு என்றும் தேவைப்பட்டால் வெளியிடுவோம் என்றும் தெரிவித்திருந்தார்.
ஆர்.கே.நகர் பிரச்சாரம் நேற்றுடன் முடிவடைந்த நிலையில், இன்று ஜெ சிகிச்சை வீடியோ வெளியிட்டது விதிமீறல் என தேர்தல் ஆணையம் தெரிவித்திருந்தது.
இந்நிலையில், ஆர்.கே.நகரில் பரப்புரை காலம் முடிவடைந்த நிலையில், ஜெயலலிதா சிகிச்சை பெற்ற வீடியோவை வெளியிட்ட வெற்றிவேல் மீது வழக்கு பதிவு செய்ய தேர்தல் ஆணையம் அதிரடி உத்தர்வௌ பிறப்பித்துள்ளது.
அவர் மீது 126பி சட்டத்தின்படி வழக்கு பதிவு செய்ய தேர்தல் அதிகாரி பிரவீன் நாயருக்கு தேர்தல் ஆணையம் உத்தரவு பிறப்பித்துள்ளது.
News Fast-நன்றி

வெற்றிவேல் மீது கேஸ் போட்ட என்னங்க பிரயோஜனம் .
கடைசி நாள் தேர்தல் பிரசாரத்தின் போது TTV D," 19 ம் தேதி
இரவு என்னென்னெல்லாமோ நடக்கும் "என்று இதை வைத்துதான் சொன்னாரா?
TNSeshan இல்லாத குறை இப்போது உணரமுடிகிறதா?

ரமணியன்

பழ முத்துராமலிங்கம் அவர்களுக்கு ,
JJ அப்பல்லோ சிகிச்சை வீடியோ --தேர்தல் ஆணைய உத்தரவு இரண்டும் இணைக்கப்பட்டு உள்ளன.
இதன் மூலம் ஒரே பதிவில் JJ சிகிச்சை வீடியோ யாவற்றையும் ஒரே திரியில் படிக்கமுடியும்.
வருங்காலத்தில் இதை நினைவில் கொள்ளவும் . வெவ்வேறு திரிகள் வேண்டாமே !
நன்றி
ரமணியன்

மறைந்த முதல்வர் ஜெயலலிதா அப்பல்லோ மருத்துமவனையில் சிகிச்சை பெறும்போது எடுத்த வீடியோவை டிடிவி தினகரன் ஆதரவாளர் வெற்றிவேல் இன்று காலை வெளியிட்டார். அந்த வீடியோவில் ஜெயலலிதா பழச்சாறு அருந்துவது போல் உள்ளது. நாளை ஆர்.கே.நகர் தொகுதியில் இடைத்தேர்தல் நடைபெற உள்ள நிலையில், ஜெயலலிதா அப்பல்லோ மருத்துவமனையில் சிகிச்சை பெற்ற வீடியோ தற்போது வெளியாகியிருப்பது பெரும் பரபரப்பை ஏற்படுத்தியுள்ளது.
இந்நிலையில், தினகரனின் ஆதரவாளர் வெற்றிவேல் ஜெயலலிதா சிகிச்சை குறித்த வீடியோவை வெளியிட்டதில் எந்த தவறும் இல்லை என திவாகரனின் மகன் ஜெயானந்த் தெரிவித்துள்ளார்.  மேலும், ஒரு சிலரின் நிம்மதியை விட ஒன்றரை கோடி தொண்டர்களின் நிம்மதி முக்கியம் எனவும் அவர் தெரிவித்துள்ளார்.

நன்றி
IBC தமிழ்  நியூஸ்