கும்பகோணம் டிகிரி காப்பி...! ஒளிந்திருக்கும் ரகசியம் என்ன தெரியுமா ?

கும்பகோணம் டிகிரி காபி ரகசியம் தெரியுமா?
கும்பகோணம் டிகிரி காபி என்றாலே தனி வரலாறு உள்ளது. இந்த பெயருக்கு தனி மவுசு தான்...பேருந்தில் பயணம் செய்யும் போதும் சரி,காரில் சென்றாலும் சரி பைபாஸ் சாலை ஓரத்தில் உள்ள  கும்பகோணம் டிகிரி 
பித்தளை அல்லது தாமிரத்தாலான சற்றே மெகா சைஸ் பில்டர்கள் மூலம்  கொடுக்கப்படுவது தான்பில்டர் காப்பி என நம்மில் பலரும் நினைத்து இருப்பர் அல்லவா..உண்மையில் அதன் பின்னணி தான் என்ன தெரியுமா?


50 வருடங்களுக்கு முன்
கும்பகோணம் ஆதி கும்பேசுவரர் ஆலயத்தின் மொட்டை கோபுர வாசலில், ‘லெட்சுமி விலாஸ் காபி கிளப்’ இருந்துள்ளது.அதாவது ஐம்பது வருடங்கள் முன் நடந்த சம்பவம்
இந்த கடையின் உரிமையாளர் பஞ்சாமி ஐயர் என்பவர் தான் இந்த பில்டர் காப்பிக்கு மூல காரணம்
மாட்டுப் பண்ணை /தண்ணீர் கலக்காத பசும்பால் /வறுத்து அரைக்கப்பட்ட காபி தூள்
தனது கடையின் பின்புறத்திலேயே மாட்டு பண்ணையை  வைத்து,உடனுக்குடன் பாலை கறந்து, ஒரு துளி தண்ணீர் கூட விடாமல்,சுண்ட காய்த்து அதில்,வறுத்து அரைக்கப்பட்ட காபி தூள் அதனுள் சேர்த்து,சுட சுட ருசியாக கொடுப்பார்.
சொல்லும் போதே வாய் ஊறுகிறதே என நினைக்கும் அளவிற்கு தான்  கும்பகோணம் காபி இன்றளவும் இருக்கிறது
உலகறிய செய்தது யார் ?
பஞ்சாமி ஐயர் காபியை உலகறியச் செய்தது இசை வித்வான்கள்தான். கும்பகோணம் இசைக் கச்சேரிகளுக்கு வந்த வித்வான்கள் பஞ்சாமி ஐயரின் டிகிரி காபியைக் குடித்துப் பழகி, ஒரு கட்டத்தில் அதன் சுவைக்கு அடிமையாகவே,  அவர்கள் எந்தா ஊர் சென்றாலும் கும்பகோணம் பஞ்சாமி ஐயர் காபி போல் இருந்தால் அருமையாக இருக்கும் என  புலம்புவார்களாம்.
1960 தொடங்கி 1986 வரை
1960 தொடங்கி 1986 வரை கும்பகோணத்தில் பஞ்சாமி ஐயர்தான் கொடிகட்டிப் பறந்தார்.பின்னர் இவருக்கு போட்டியாக பல கடைகள் இன்று  திறக்கப்பட்டு, ஊரெல்லாம் பரவி வியாபாரம் படு வேகமாக பரவி வருகிறது
இது குறித்து கும்பகோணத்தில் டிகிரி காபி கடை வைத்திருக்கும் ‘முரளீஸ் கபே’ உரிமையாளர் என்ன சொல்கிறார் பார்க்கலாம்..
“பித்தளையில் டம்ளர் - டவரா ‘செட்’டையும் பில்டரையும் வெச்சு காபி ஆத்திட்டா மட்டும் கும்பகோணம் டிகிரி காபி ஆகிடாது. காபி தூளை வறுத்து அரைத்துத் தரம் பிரிக்கிறதுல ஏ, பி, ரோபோஸ்ட்ன்னு மூணு தரம் இருக்கு. இதுல ‘பி’ தான் நம்பர் ஒன் தரம். பஞ்சாமி ஐயர் இந்தத் தூளில்தான் காபி போட்டார். மத்தவங்க ஒரு தடவ காபித் தூள் போட்டா அதுலருந்து மூணு தடவை டிகாஷன் அடிப்பாங்க. ஆனா, பஞ்சாமி ஐயர் ஒரே ஒரு தடவதான் டிகாஷன் எடுப்பாரு என தெரிவித்து உள்ளார்
அதுபோல, டிகிரி காபிக்கும் பித்தளை ‘டம்ளர் - டவரா செட்’ட்டுக்கும் சம்மந்தமே இல்லையாம்....
அதாவது கும்பகோணம் பித்தளைப் பாத்திரங்களுக்குப் பேர் போன ஊர். அதனால் அந்தக் காலத்தில் பித்தளை டம்ளரை பயன்படுத்தி உள்ளார்கள்.மேலும், மத்த பாத்திரங்களைவிடக் கூடுதல் நேரத்துக்குப் பித்தளை பாத்திரத்துல சூடு நிலைத்து இருக்கும் என்பதற்காகத்தான் அதில் கொடுக்கிறார்களாம்
இப்போது புரிந்ததா...கும்பகோணம் டிகிரி காப்பிக்கு பின் ஒளிந்திருக்கும்  ரகசியம் என்னவென்று ...
நன்றி
News Fast

அருமையான காபி தான் அது ; ) .....நன்றி ஐயா !

எனக்கு காபி குடிக்கும் பழக்கம் இல்லை

நாங்கள் பொதுவாக ரெயில்வே ஸ்டேஷனில் காபி குடிக்கமாட்டோம் .ஆனால் 3 வருடங்களுக்கு முன் கும்பகோணம் போனபோது , மதியம் 2 -30 மணி அளவில் ,பிளாட்பாரத்தில் காப்பி போட்டு குடுத்தான் பாருங்க அதை அடித்துக் கொள்ளமுடியாது . நறுமணம் நம்மை இழுக்க ஒரு டம்பளர் ஆர்டர் பண்ணி , குடித்து மயங்கி மேலும் ஒரு டம்பளர் சுட சுட குடித்து மகிழ்ந்த நேரம் மறக்க முடியாத ஒன்று..

ரமணியன்

SK wrote:எனக்கு காபி குடிக்கும் பழக்கம் இல்லை
 

எனக்குக் கூட இல்லாமல் இருந்தது ....இப்போதெல்லாம் கொஞ்சம் கொஞ்சம் குடிக்கிறேன்

T.N.Balasubramanian wrote:நாங்கள் பொதுவாக ரெயில்வே ஸ்டேஷனில் காபி குடிக்கமாட்டோம் .ஆனால் 3 வருடங்களுக்கு முன் கும்பகோணம் போனபோது , மதியம் 2 -30 மணி அளவில் ,பிளாட்பாரத்தில் காப்பி போட்டு குடுத்தான் பாருங்க அதை அடித்துக் கொள்ளமுடியாது . நறுமணம் நம்மை இழுக்க ஒரு டம்பளர் ஆர்டர் பண்ணி , குடித்து மயங்கி மேலும் ஒரு டம்பளர் சுட சுட குடித்து மகிழ்ந்த நேரம் மறக்க முடியாத ஒன்று..

ரமணியன்

மேற்கோள் செய்த பதிவு: 1253799

ஆமாம் ஐயா, அந்த வாசனையைத்தாண்டி ஸ்டேஷன் இல் இருந்து யாரும் காபி குடிக்காமல் தப்பித்து வெளியே செல்ல முடியாது தான்

krishnaamma wrote:அருமையான காபி தான் அது ; ) .....நன்றி ஐயா !

மேற்கோள் செய்த பதிவு: 1253712
நன்றி
அம்மா

T.N.Balasubramanian wrote:நாங்கள் பொதுவாக ரெயில்வே ஸ்டேஷனில் காபி குடிக்கமாட்டோம் .ஆனால் 3 வருடங்களுக்கு முன் கும்பகோணம் போனபோது , மதியம் 2 -30 மணி அளவில் ,பிளாட்பாரத்தில் காப்பி போட்டு குடுத்தான் பாருங்க அதை அடித்துக் கொள்ளமுடியாது . நறுமணம் நம்மை இழுக்க ஒரு டம்பளர் ஆர்டர் பண்ணி , குடித்து மயங்கி மேலும் ஒரு டம்பளர் சுட சுட குடித்து மகிழ்ந்த நேரம் மறக்க முடியாத ஒன்று..

ரமணியன்

மேற்கோள் செய்த பதிவு: 1253799
தற்போது நெடுஞ்சாலை ஓரங்களில் கும்பகோணம் டிகிரி காபி என்ற போர்டு இருக்கும்
ஆனால் உள்ளே போய் வாங்கி வாயில் வைத்தவுடன் ஒரே புகை நாற்றம் வரும்.
இதன் பெயரையும் கெடுத்து காசு பார்க்கிறார்கள்.
ஆனால் கும்பகோணத்தில் குடித்து நல்லனுபவம் அடைந்துள்ளீர்கள்
நன்றி
ஐயா