அன்புக் காதலி சரி மரைஸ் ! (ஆப்பிரிக்கக் காதல் பாடல்)

அன்புக் காதலி சரி மரைஸ் ! (ஆப்பிரிக்கக் காதல் பாடல்)


என் ’சரி மரைஸ்’ வெகு தூரம் சென்றுவிட்டாள்!
அவளை –
மீண்டும் பார்ப்பேன் என்று நான் நம்புகிறேன் !
ஆப்பிரிக்கப் போயர் யுத்தத்திற்கு முன்னர்-
‘மஞ்சள் ஆறு’க் கிராமத்தில் அவள் வசித்தாள் !’

ஓ! என்னைப் –
பழைய டிரான்ஸ்வாலுக்குக் கொண்டுசெல்லுங்கள்!
அங்கேதான் என் காதலி வசிக்கிறாள் !
மஞ்சள் சோள வயலுக்கும்-
பச்சை முள் மரங்களுக்கும் இடையில் –
சரி மரைஸ் வசிக்கிறாள்!
மஞ்சள் சோள வயலுக்கும்-
பச்சை முள் மரங்களுக்கும் இடையில் –
என் அன்புக் காதலி சரி மரைஸ் வசிக்கிறாள்!


நான் அப்போது-
பிரிட்டிஷ் படைகளுக்கு அஞ்சிப்போய்-
அவர்கள் பிடித்துக் கடல் கடந்து அனுப்பிவிடுவார்கள்-
என்று அஞ்சிப்போய்-
தெற்கேயுள்ள -
’உபிங்டன் கடற்கரை – ‘பெரிய ஆறு’ப் பகுதிக்கு ஓடிவந்துவிட்டேன் !’


பிரிட்டிஷ்காரர்கள்-
ஒரு வகையில் முதலை போன்றவர்கள்!
அவர்கள் எப்போதும் தண்ணீருக்கு இழுப்பார்கள்!
ஒரு கப்பலில் தூக்கிப் போடுவார்கள்!
பயணம் போவது வெகுதூரம் !
அது எங்கே முடியுமென்பது கடவுளுக்குத்தான் வெளிச்சம் !


போயர் யுத்தம் முடிந்தது !
நாங்கள் இனி வீடுகளுக்குப் போகலாம் !
‘பழைய டிரான்ஸ்வாலுக்கே போகலாம் !
அங்கே , நிச்சயமாக-
என் காதலி ’இருப்பாள்!
எனக்கு முத்தம் ஒன்றைப் பரிசாக அவள் அளிப்பாள்!

(Transvaal – தென் ஆப்பிரிக்காவின் வடகிழக்குப் பகுதி; Anglo- Boer War – கி.பி. 1800-1900 இல் நடந்த போர். )

('My Sarie Marais' என்ற Afrikaans எனும் ஆப்பிரிக்க மொழியில் அமைந்த பாடலை ஆங்கிலத்தில் மொழிபெயர்த்தவர் Volksliedjes met muziek M. ஆவார். ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன் )
Courtesy - dutchsongs.overtuin.net