நான் ஏன் எப்போதும் பாடுகிறேன்? (குரேசியன் மொழிப்பாடல்)

by **Dr.S.Soundarapandian** Sun Oct 08, 2017 3:21 pm

நான் ஏன் எப்போதும் பாடுகிறேன்? (குரேசியன் மொழிப்பாடல்)

நான் ஏன் எப்போதும் பாடுகிறேன்-
இக் கேள்வியை என்னிடம் கேட்காதீர்கள்!
நான் எப்போதும்-
எனது மதத்தைப் பாடுகிறேன் !
நீல வண்ணக் கடலைப் பாடுகிறேன்!
எனது நகர் இல்லையென்றால்-
நான் எதைப் பாடுவேன் என்றும் கேட்காதீர்கள்!
நான் பாடாமல்-
எனது சத்திரத்தில் எவ்வாறு இருப்பேன் ,
என்றும் கேட்காதீர்கள்!

நான் இதைத்தான் சொல்வேன்!-
எங்கள் இடத்தைப் போல,
உலகில் வேறு நல்ல இடமே இல்லை!
அவர்களிடத்தில் எவ்வளவு வேண்டுமனாலும்-
செல்வம் இருந்துவிட்டுப் போகட்டும் !

எங்கள் கடலில் ஏதோ மாயம் உள்ளது!
கடும் காற்று எங்கள் கடலில் உள்ளது !
கடும் குளிரும் உள்ளது !
எங்களின் இந்தப் பகுதியில்தான் –
என் தாய் என்னைப் பெற்றாள்!
மகனே ! நீயும் இங்கேதான் பிறந்தாய் !

என் நாடே ! நான் உன்னைப் பாடுகிறேன் !
யார் என்னைக் கேட்டாலும் சரி!-
நான் இதைத்தான் சொல்வேன் –
நான் வந்த இடமும் இதுதான் !
எனது இறுதி மூச்சு, போகப்போவதும் இங்கேதான்!

மக்களே ! என்னைத் தவறாக நினைக்காதீர்!
நான் ஒயின் பாட்டிலுடன் பாடுகிறேன்தான்!
ஆனால்-
இது இதயத்திற்கு இதமானது!
இங்கே இது-
தவறில்லை !

நன் எங்கே போனாலும் சரி-
நான் எங்கள் இடத்தைப்பற்றித்தான் பாடுவேன்!
இங்கிருந்துதான் நான் வந்தேன்!
இங்குதான் நான் இறுதி மூச்சை விடுவேன் !

( ‘Why do I always Sing ?’என்ற Croation மொழிப்பாடலை, ஆங்கிலத்தில் மொழிபெயர்த்தவர் - Goldyloxx77 என்ற ஆங்கில ஆசிரியை ;இந்த ஆசிரியை , குரேசிய நாட்டைச் சேர்ந்தவர்; குரேசியா , கிழக்கு ஐரோப்பாலுள்ள நாடு ; ஆங்கிலத்திலிருந்து தமிழில் மொழிபெயர்த்தவர் முனைவர் சு.சௌந்தரபாண்டியன்)
Courtesy - lyricstranslate.com