பெலரூசியாவைக் காதலிக்கிறேன் ! (பெலரூசிய மொழிப் பாடல்)

பெலரூசியாவைக் காதலிக்கிறேன் ! (பெலரூசிய மொழிப் பாடல்)

நான் ஒரு –
பெலரூசியன் !
நான் பெலரூசியாவைக்-
காதலிக்கிறேன் !
எனக்கு நம்பிக்கையும் பற்றும் உள்ளது !
எனது மனச் சாட்சியில்-
நம்பிக்கை உள்ளவன் !
நான் ஒரு – பெலரூசியன் –
அவன் இப்படித்தான் இருக்கிறான் –
காலங்காலமாக!

டினீபர் ஆற்றின் முகப்பகுதியிலிருந்து
பக் ஆறுவரை நாங்கள் வாழ்கிறோம் !
வாழ்கிறோம் –
மன அழுத்தம் ஏதும் இல்லாதவர்களாக!
எங்களோடு அண்டை அயலார் இருக்கிறார்கள்!-
அவர்களோடு நாங்கள் ஒத்துப்போகிறோம் !
வாழ்க பெலரூசியர்கள்! –
சாந்தமான பெலரூஸியர்களே –
உங்களுக்குப் புகழ் உண்டாகட்டும் !


நான் பெலரூசியன் !-
பெலரூசியனுக்கு என்ற தனி வழி என் வழி !
அடுப்பின் மீது புகை!
வீட்டின் மீது கூரை!
இது நன்றாக இருக்கிறது !
நிம்மதியாக இருக்கிறது !
காலை நேரத்தில் அமைதியாக இருக்கிறது !
இதைத் தவறு என்று சொல்பவர்கள்-
பொய் சொல்கிறவர்கள்!



எங்கள் மேசை வெள்ளை விரிப்பில்-
ஒரு தண்ணீர்ப் பாட்டில்!
அது-
வானத்தில் பறக்கும் நாரை போல உள்ளது !
எங்கள் பையில் –
ரொட்டிகள் உள்ளன!
நாங்கள் –
இவற்றை மற்றவர்களுக்குக் கொடுத்து உண்போம் !

நான் ஒரு பெலரூசியன் !
எனக்கு மற்றவர் பொருள் மீது ஆசை இல்லை!
தூய மனச் சாட்சியுடன் –நான் ஆகாயத்தைப் பார்க்கிறேன் !
நான் இங்கேதான் பிறந்தேன் !
நான் இங்கேதான் இருப்பேன் !
நான்-
பெலரூசியனாக இருப்பதற்குப் பெருமைப்படுகிறேன் !
(Dnieper – ரஷ்யா வழியாகப் பாயும் பெரிய ஆறு; Bug – பெலரூஸ் வழியாகப் பாயும் ஆறு)
( ‘Belarusian Way’என்ற Belarusian மொழிப்பாடலை ஆங்கிலத்தில் மொழிபெயர்த்தவர் - Crimson antics என்ற பிரெஞ்சுக்காரர்; BELARUS என்பது கிழக்கு ஐரோப்பாவில் , போலந்து அருகே உள்ள நாடு; Belarus நாட்டு மொழி Belarusian ; ஆங்கிலத்திலிருந்து தமிழில் மொழிபெயர்த்தவர் முனைவர் சு.சௌந்தரபாண்டியன்)
Courtesy - lyricstranslate.com