இறப்பை பதிவு செய்ய ஆதார் கட்டாயம்

by **ayyasamy ram** Fri Aug 04, 2017 5:25 pm

புதுடில்லி: வரும் அக்டோபர்1 முதல் இறப்பை பதிவு செய்ய ஆதார் எண் கட்டாயம் என மத்திய உள்துறை அமைச்சகம் அறிவித்துள்ளது.

காஸ் மானியம் உள்ளிட்ட அரசின் நலத்திட்டங்களை பெற ஆதார் எண் அவசியம் என மத்திய அரசு அறிவித்திருந்தது.

இதனை எதிர்த்து தொடர்ந்த வழக்கை விசாரித்த சுப்ரீம் கோர்ட், தீர்ப்பு ஒத்திவைத்தது. தொடர்ந்து, பான் எண்ணுடன் ஆதார் எண்ணையும் இணைக்க கெடு விதிக்கப்பட்டுள்ளது.

இந்நிலையில் உள்துறை அமைச்சகம் பிறப்பித்த உத்தரவு: வரும் அக்டோபர் 1 முதல் இறப்பை பதிவு செய்ய ஆதார் எண் கட்டாயம். ஆதார் எண் இருந்தால் மட்டுமே இறப்பை பதிவு செய்ய முடியும் என அதில் தெரிவிக்கப்பட்டுள்ளது.

தினமலர்

by **M.Jagadeesan** Fri Aug 04, 2017 8:19 pm

இனி ஆதார் அட்டை இல்லாதவர்கள் இறந்துவிட்டால் , பிணத்தை எரிக்கவோ அல்லது புதைக்கவோ முடியாது .

by **Dr.S.Soundarapandian** Sat Aug 05, 2017 6:51 pm

by **T.N.Balasubramanian** Sun Aug 06, 2017 1:06 am

இதை பற்றி வள்ளுவ பெருமகனார் அன்றே கூறி உள்ளாரே.

"பிறவிப் பெருங்கடல் நீந்துவர் நீந்தார்
இறைவன் அடிசேராதார்."

இறைவனடி சேர ஆதார் இல்லாவிட்டால்
பிறவி பெருங்கடலை நீந்தி செல்லமுடியாது
என கூறி உள்ளாரே.

நகைச்சுவை கருதி எழுதப்பட்டது.
மனம் புண்படுமே எனில் ,நீக்கப்படும்.

ரமணியன்