பசியால் கோபம்: பாகனை மிதித்து கொன்ற கோவில் யானை! பெரும் பரபரப்பு

by **ayyasamy ram** Wed Apr 12, 2017 12:46 pm

-

கடும் பசி, ஓயாத உழைப்பு காரணமாக ஆத்திரம்
அடைந்த கோவில் யானை ஒன்று பாகனை மிதித்து
கொன்ற சம்பவம் கன்னியாகுமரி அருகே நடந்துள்ளது.
இந்த சம்பவத்தால் அந்த பகுதியில் பெரும் பரபரப்பு
ஏற்பட்டுள்ளது.
-
உண்ணாமலைக்கடை என்ற பகுதியில் ஜான் என்பவர்
பெண் யானை ஒன்றை வளர்த்து கோவில் திருவிழாவுக்கு
அனுப்பி சம்பாதித்து வந்தார்.

இந்த யானையை ராஜ்குமார் மற்றும் பிரசாந்த் ஆகிய
இரண்டு பாகன்கள் பார்த்துக் கொண்டனர்

இந்த நிலையில் சமீபத்தில் கன்னியாகுமரி மாவட்டம்
மார்த்தாண்டத்தை அடுத்த நட்டாலம் பகுதியில் நடைபெற்ற
திருவிழாவிற்கு அழைத்து சென்ற பாகன்கள் திருவிழா
முடிந்து வீடு திரும்பி கொண்டிருந்தனர்.

அப்போது திடீரென யானைக்கு மதம் பிடித்து பாகன்
பிரசாந்தை தூக்கி போட்டு மிதித்து கொன்றது.
இதனால் அதிர்ச்சி அடைந்த இன்னொரு பாகன் ராஜ்குமார்
யானையை சமாதானப்படுத்தி அருகே இருந்த தென்னை
மரத்தில் கட்டிப்போட்டார்.

ஓயாத உழைப்பு, ஓய்வின்மை, கடுமையான பசி
ஆகியவையே யானைக்கு மதம் பிடிக்க காரணம் என்று
தெரிய வந்ததால் யானையின் உரிமையாளர் மற்றும்
பாகனிடம் விசாரணை நடந்து வருகிறது.
-
-----------------------
தமிழ் வெப்துனியா

by **M.Jagadeesan** Wed Apr 12, 2017 11:18 pm

யானை யனையவர் நண்பொரீஇ நாயனையார்
கேண்மை கெழீஇக் கொளல்வேண்டும்;- யானை
அறிந்தறிந்தும் பாகனையே கொல்லும், எறிந்தவேல்
மெய்யதா வால்குழைக்கும் நாய்.

நாலடியார் .

எவ்வளவு பசியிருந்தாலும் நாய் தன் எஜமானனை கோபிக்காது . கடிக்காது ; எஜமானன் கோபத்தில் எறிந்த வேல் தன் மேனியைத் துளைத்த போதிலும் , வாலை ஆட்டிக்கொண்டு இருக்கும் . ஆனால் யானை அப்படியல்ல .

சமயத்தில் வளர்த்த பாகனையே கொன்றுவிடும் . ஆகவே நாய் போன்று இருப்பவரின் நட்பை நாம் விரும்பிப் பெறவேண்டும் .