சின்ன சின்ன கவிதைகள் - தொடர் பதிவு -

by **ayyasamy ram** Mon Apr 03, 2017 2:21 pm

கோடை
-
உறவகளின் திருவிழா
கோடை முழுவதும்
கொண்டாட்டம்...
கணக்கு, வழக்கு
பார்க்கும் வரை...
-
-----------------------
-

by **ayyasamy ram** Mon Apr 03, 2017 2:23 pm

பொய்க்கால் குதிரை...
-
நாணலாய் வளைந்து
கோணலாய் கும்பிட்டு
பெரிய மேனியோடு
பேசும் திறமையும்
கையில் கொஞ்சம்
காசுமிருந்தால்,
அவன் எவனாயிருந்தாலும்
அகிலமெல்லாம் காலடியில்...
-
--------------------

by **ayyasamy ram** Mon Apr 03, 2017 2:28 pm

எதிரொலி...!
-
எங்கேயோ கேட்கிறது,
எங்களுக்கு அரசியல் வேண்டாம்.
பில்கேட்ஸ் ஓய்வு!
ஒபாமா வெற்றி!
கணினி அலை
கல்வியில் கைவிரிக்க
மென்பொருள் தூங்க.
-
இங்கே படித்தவன்
யாருக்கோ உழைக்க,
அலை, அலையாய்
வீதிக்கு வரும் நிலையை
அனுவினையால்
விதைத்திட்டார் அரசியலார்...
எங்கேயோ எதிரொலிக்கிறது...
-
---------------------

by **ayyasamy ram** Mon Apr 03, 2017 2:31 pm

சமூக- ஆடை
-

நீ எந்த ஆடையிலும்
இந்தியனாக ஓட்டுப்போடலாம்!
-
மனுதர்மம் கட்டிய
வர்ணமதத்திரையை கிழித்து
மேலாடை அணிந்த பூரிப்பில்,
அங்கியிலும், தொப்பியிலும்
அடைக்கலமானாலும்
இந்தியனாக ஓட்டுப் போடலாம்.
தேர்தலுக்கு மட்டும்.
-
----------------------

by **ayyasamy ram** Mon Apr 03, 2017 2:35 pm

சொர்க்கம்
-
நீண்டத் தொலைவு பயணிக்க
சிறகிருந்தபோது
இரைகண்ட இடம் சொர்க்கம்
வலையில் வீழ்ந்தபின்
சுற்றித் திரிந்த
பழைய இடம்
சொர்க்கமாய் தெரிகிறது!
-
-----------------------
-நா.சுப்புலட்சுமி
கிழிக்கப்படவேண்டிய கறுப்புப் பக்கங்கள்-
கவிதை தொகுப்பிலிருந்து
படம் - இணையம்

by **ayyasamy ram** Mon Apr 03, 2017 3:09 pm

மின்வெட்டு..!
-
அரசின்.
நேற்றைய தூக்கம் இன்றைய சாபம்
நடுநிசியிலும் - மின்வெட்டு
அயர்ந்துறங்கும் மழலை
அலறியெழ, ஆட்டுகிறாள்
அரைத்தூக்கத்தில் அம்மா,
அழுதால் தொலைத்து விடுவேன்...?
-
-------------------------
நா.சுப்புலட்சுமி