எடப்பாடி பழனிச்சாமி அரசின் அடுத்த வசூல் திட்டம் - குப்பைகள் கொட்ட இனி மாத கட்டணம்!

by **krishnaamma** Wed Mar 08, 2017 10:13 am

நகராட்சிகளில் ஏப்ரல் முதல் மேலும் ஒரு புதிய வரி: குப்பைகள் கொட்ட இனி மாத கட்டணம்!

எடப்பாடி பழனிச்சாமி அரசின் அடுத்த வசூல் திட்டம் - குப்பைகள் கொட்ட இனி மாத கட்டணம்! QCRi5hgxQfu3nqeqTWcp+Daily_News_6369091272355

* வீடுகளுக்கு ரூ.30-ரூ.80; நிறுவனங்களுக்கு ரூ.300-ரூ.௫௦௦

* எடப்பாடி பழனிச்சாமி அரசின் அடுத்த வசூல் திட்டம்

சேலம்: வீடுகளில் சேகரிக்கப்படும் குப்பை, கழிவுகளுக்கு இனி மாதம் தோறும் நகராட்சிகளில் கட்டணம் வசூலிக்கப்படும். வீடுகளுக்கு குறைந்தபட்சம் ரூ.30 முதல் ரூ.80 வரையிலும், தனியார் நிறுவனங்களில் அதிகபட்சமாக ரூ.500 வரையிலும் மாதம் தோறும் கட்டணம் வசூலிக்கப்படவுள்ளது. தமிழகத்தில் உள்ளாட்சி அமைப்புகளுக்கான பதவி காலம் கடந்தாண்டு அக்டோபரில் முடிவுக்கு வந்தது.

தேர்தல் அறிவிப்பு, இட ஒதுக்கீடு செயல்படுத்துவதில் குளறுபடி ஏற்படுத்தப்பட்டதால் தேர்தல் நடத்த உயர்நீதிமன்றம் தடை விதித்துள்ளது. இதையடுத்து கிராம ஊராட்சிகள் முதல் மாநகராட்சிகள் வரை தனி அதிகாரிகள் நியமித்து முழுமையாக அதிகாரிகள் கட்டுப்பாட்டில் கொண்டு வரப்பட்டுள்ளது.

தற்போது மக்களால் தேர்ந்தெடுக்கப்பட்ட பிரதிநிதிகள் யாரும் இல்லாததை பயன்படுத்தி மேலும் ஒரு வரி விதிப்பு நடவடிக்கையில் தமிழக அரசு இறங்கியுள்ளது. தமிழகத்தில் திடக்கழிவு மேலாண்மை திட்டத்தின் கீழ் தூய்மையான நகராட்சிகளாக மாற்றுதல் என்ற பெயரில் புதிய திட்டம் கொண்டு வரப்பட்டுள்ளது. இதற்காக திடக்கழிவு மேலாண்மை சட்டம் கடந்த 2016ம் ஆண்டு அனைத்து நகர்ப்புற, கிராமப்புற உள்ளாட்சி அமைப்புகளிலும் ஏற்படுத்தப்பட்டுள்ளது.

மத்திய அரசு வகுத்துள்ள இந்த சட்டத்திற்கு ஏற்ப குப்பை சேகரிப்புக்கான கட்டணங்கள் நிர்ணயிக்கப்பட்டுள்ளன. ஒவ்வொரு வீடு மற்றும் குடியிருப்புகளுக்கும், பல வகை தொழில், வர்த்தக நிறுவனங்களுக்கும் குப்பைக்கான கட்டணம் நிர்ணயம் செய்யப்பட்டுள்ளது. புதிய கட்டணங்கள் வரும் ஏப்ரல் 1ம் தேதி முதல் அமலுக்கு வரவுள்ளது.

அதன்படி சொத்துவரி ரூ.500க்குள் இருக்கும் தனி நபர் வீடுகளுக்கு மாதம் தோறும் குப்பை கட்டணம் ரூ.30ம், ரூ. 1000க்குள் சொத்துவரி உள்ள தனி வீடுகளுக்கு மாத கட்டணம் ரூ.40, ரூ. 2000க்குள் சொத்து வரி உள்ள வீடுகளுக்கு மாதம் ரூ.60, ரூ. 2000க்கு மேல் உள்ள வீடுகளுக்கு கட்டணமாக ரூ.80 எனவும் நிர்ணயிக்கப்பட்டுள்ளது.

இதேபோல் தொழில் மற்றும் வணிக நிறுவனங்களுக்கு அதன் தன்மைக்கு ஏற்ப மாதம் தோறும் ரூ.100 முதல் அதிகபட்சமாக ரூ.500 வரை கட்டணம் நிர்ணயம் செய்யப்பட்டுள்ளது. உள்ளாட்சி தேர்தலை மே மாதத்திற்குள் நடத்துவதற்கான நடவடிக்கை எடுக்கப்படும் என்று தமிழக அரசு தரப்பில் நீதிமன்றத்தில் உறுதியளிக்கப்பட்டது.

உள்ளாட்சி தேர்தலில் பெரும்பான்மை வெற்றி கிடைக்குமா என்ற சந்தேகம் எடப்பாடி பழனிச்சாமி தலைமையிலான அரசுக்கு ஏற்பட்டுள்ளது. பின்னர் இதை நிறைவேற்றினால் மன்ற ஒப்புதல் கிடைக்காது என்பதால் அவசர, அவசரமாக செயல்படுத்தப்படுவதாக குற்றச்சாட்டு எழுந்துள்ளது.

அபராதமும் உண்டு !

குப்பைகளை மக்கும் குப்பைகள், மக்காத குப்பைகள் என தரம் பிரிக்காமல் வழங்கினாலோ, பொது இடங்களில் கொட்டினாலோ அபராதம் விதிக்கப்பட்டுள்ளது. குறிப்பாக கட்டிட கழிவுகளை பொது இடங்களில் கொட்டினால் அதற்கு ரூ.5ஆயிரமும், இறைச்சி கழிவுகளை கொட்டினால் ஆயிரம் ரூபாயும் அபராதம் வசூலிக்கப்படும்.

குப்பைகளை பொது இடங்களிலோ, தனியார் இடங்களிலோ கொட்டுதல், வாகனங்களை சுத்தம் செய்து பொது இடங்களில் கழிவை கொட்டுதல், வணிகவளாகங்களை சுத்தம் செய்து பொது வெளியில் எறிதல் போன்ற செயல்களுக்கு ரூ.250, குப்பைகளை தரம் பிரிக்காமல் கொடுத்தால் தனிவீட்டுக்கு ரூ.100, குடியிருப்புக்கு ரூ. 250, தொகுப்பு வீடுகள் மற்றும் அடுக்குமாடி குடியிருப்புகளுக்கு ரூ.500 என நிர்ணயம் செய்யப்பட்டுள்ளது.

தினகரன்

by **krishnaamma** Wed Mar 08, 2017 10:21 am

இவர் மக்களுக்கு நல்லது செய்கிறாரா அல்லது பாக்கெட்டை நிரப்ப வழி செய்கிறாரா என்று தெரியவில்லையே ! .................

//அபராதமும் உண்டு !

குப்பைகளை மக்கும் குப்பைகள், மக்காத குப்பைகள் என தரம் பிரிக்காமல் வழங்கினாலோ, பொது இடங்களில் கொட்டினாலோ அபராதம் விதிக்கப்பட்டுள்ளது. குறிப்பாக கட்டிட கழிவுகளை பொது இடங்களில் கொட்டினால் அதற்கு ரூ.5ஆயிரமும், இறைச்சி கழிவுகளை கொட்டினால் ஆயிரம் ரூபாயும் அபராதம் வசூலிக்கப்படும்.

குப்பைகளை பொது இடங்களிலோ, தனியார் இடங்களிலோ கொட்டுதல், வாகனங்களை சுத்தம் செய்து பொது இடங்களில் கழிவை கொட்டுதல், வணிகவளாகங்களை சுத்தம் செய்து பொது வெளியில் எறிதல் போன்ற செயல்களுக்கு ரூ.250, குப்பைகளை தரம் பிரிக்காமல் கொடுத்தால் தனிவீட்டுக்கு ரூ.100, குடியிருப்புக்கு ரூ. 250, தொகுப்பு வீடுகள் மற்றும் அடுக்குமாடி குடியிருப்புகளுக்கு ரூ.500 என நிர்ணயம் செய்யப்பட்டுள்ளது.//

இது எப்படி வசூல் செய்வார்கள்?............'ஸ்பாட் பைன்' ஆ? ஜாலி

எடப்பாடி பழனிச்சாமி அரசின் அடுத்த வசூல் திட்டம் - குப்பைகள் கொட்ட இனி மாத கட்டணம்!

எடப்பாடி பழனிச்சாமி அரசின் அடுத்த வசூல் திட்டம் - குப்பைகள் கொட்ட இனி மாத கட்டணம்!

Re: எடப்பாடி பழனிச்சாமி அரசின் அடுத்த வசூல் திட்டம் - குப்பைகள் கொட்ட இனி மாத கட்டணம்!