நகை செய்யுங்கள்

by **ayyasamy ram** Wed Feb 22, 2017 8:19 pm

-
கொடுப்பதற்கு
என்ன இருக்கிறது என்ற கவலை
இருந்து கொண்டேதான இருக்கிறது
–
இருப்பு இல்லாத கவலையால்
இருப்புக்கொள்ளவில்லை மனம்
–
தங்கம் வைரம்தான்
கொடுப்பதற்கு அழகா
–
தலையைக் கொடுக்க வந்தான்
குமணன்
தசையைக் கொடுத்தான்
சிபி
–
நாம் அன்னதானம்
ஆடைதானம்
இரத்த தானம்
இன்னும் எளிதாய்
இருக்கைதானம் செய்யலாம்
–
அள்ளாமலும்
இழப்பு இல்லாமலும் கொடுக்கலாம்
–
எப்படி?
–
புன்னகை செய்யுங்கள்
புன்னகை செய்யவையுங்கள்
–
சேதாரம்
செய்கூலி
இல்லாத நகை
புன்னகைதான்!
–
————————
பிச்சினிக்காடு இளங்கோ
அந்த நான் இல்லை நான் – கவிதைத் தொகுப்பிலிருந்து
-படம்-இணையம்